- Эски джаугъа ышанма.
- Аман къатын сабий табса, бий болур…
- Накъырда – кертини келечиси.
- Сютню башын джалагъан къутулур, тюбюн ичген тутулур.
- Джан саулукъ бермей, сан саулукъ бермезсе.
- Эл ауузу – элек, анга ийнаннган – халек.
- Джогъун бар этген, барын бал этген.
- Юреннген ауруу къалмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Хантына кёре тузу, юйюне кёре къызы.
- Тилде сюек болмаса да, сюек сындырыр.
- Кёпюр салгъан кеси ётер, уру къазгъан кеси кетер.
- Дууулдаса – бал чибин, къонса – къара чибин.
- Джаханимни кёрмей, джандетге кёл салмазса.
- Шекер бла туз – бир болмаз, ушамагъан – юй болмаз.
- Чыкълы кюнде чыкъмагъан, чыкъса къуру кирмеген.
- Эринчекни аурууу – кёб.
- Иги болса, тамадама – махтау, аман болса, меннге – айыб.
- Ат да турмайды бир териде.
- Байны къызы баймакъ болса да, юйде къалмаз!
- Ауузу аманнга «иги», деме.
- Къарт бла баш аша, джаш бла аякъ аша.
- Джарлы эскисин джамаса, къууаныр.
- Кийимни бичсенг, кенг бич, тар этген къыйын тюлдю.
- Байлыкъ адамны сокъур этер.
- Суугъа – таянма, джаугъа – ийнанма.
- Эл бла кёргенинг эрелей.
- Къарны аманнга къазан такъдырма, къолу аманнга от джакъдырма.
- Тил – кесген бычакъ, сёз – атылгъан окъ.
- Рысхы – сют юсюнде кёмюк кибикди.
- Азыгъы аз, алгъа къабар, аты аман, алгъа чабар.
- Арпа, будай – ащды, алтын, кюмюш а – ташды.
- Алтыннга тот къонмаз.
- Чалманны аллы къалай башланса, арты да алай барады.
- Кёб ант этген, кёб ётюрюк айтыр.
- Чакъырылмай келген къонакъ сыйланмай кетер.
- Эр абынмай, эл танымаз.
- Окъдан джара эртде-кеч болса да бителир, сёз джара, ёмюрге къалыр.
- Ёгюзню мюйюзлери ауурлукъ этмейдиле.
- Этек чакъмакълары баш джаргъан, сёлешген сёзлери таш джаргъан.
- Бюгюн дуния кибик, тамбла ахыратды.
- Кёрмегеннге кебек – танг, битмегеннге сакъал – танг.
- Игилик игилик бла сингдирилиучю затды.
- Билим ат болуб да чабар, къуш болуб да учар.
- Аджалсыз ёлюм болмаз.
- Экеулен сёлеше тура эселе, орталарына барыб кирме.
- Къонакъ кёб келюучю юйню, къазаны отдан тюшмез.
- Къызбайны юйюне дери сюрсенг, батыр болур.
- Ишленмеклик адамлыкъды.
- Байлыкъ болгъан джерде, тынчлыкъ джокъду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72