- Джауумдан сора, кюн кюйдюрюр, ётюрюкден сора, айыб кюйдюрюр.
- Бюгюн дуния кибик, тамбла ахыратды.
- Аш кетер да бет къалыр.
- Кийимни бичсенг, кенг бич, тар этген къыйын тюлдю.
- Башланнган иш битер, къымылдагъан тиш тюшер.
- Мал кёб болса, джууукъ кёб болур.
- Бети бедерден, намыс сакълама.
- Уллу сёлешме да, уллу къаб.
- Сескекли кесин билдирир.
- Адеб джокъда, намыс джокъ.
- Сёлеш деб шай берген, тохта деб, сом берген.
- Аууздан келген, къолдан келсе, ким да патчах болур эди.
- Бичгенде ашыкъма, тикгенде ашыкъ.
- Асхат ашлыкъ сата, юйдегиси ачдан къата.
- Сибиртки да сыйлы болду, кюрек да кюнлю болду.
- Келинни – келгинчи, бёркню кийгинчи кёр.
- Ач да бол, токъ да бол – намысынга бек бол.
- Рысхы джалгъанды: келген да этер, кетген да этер.
- Орундукъ тюбюнде атылсам да, орта джиликме, де да айлан.
- Тойгъандан сора, ашны сёкме.
- Орну джокъну – сыйы джокъ.
- Тау башында, тау болмаз, джангыз терек, бау болмаз.
- Джашлыкъ этмеген, башлыкъ этмез.
- Тюкюрюк баш джармаз, налат кёз чыгъармаз!
- Ач къарынны, токъ билмез
- Чомарт бергенин айтмаз.
- Къатын къылыкъсыз, эр тынчлыкъсыз.
- Джюрекден джюрекге джол барды.
- Онгсузну – джакъла, тенгликни – сакъла.
- Таугъа чыгъаллыкъ эсенг, тюзде къалма.
- Ётюрюкню башын керти кесер.
- Болджал ишни бёрю ашар.
- Ашын ашагъанынгы, башын да сыйла.
- Айранны сюйген, ийнек тутар.
- Юй кюйдю да, кюйюз чыкъды, ортасындан тюйюш чыкъды.
- Окъугъанны бети джарыкъ.
- Кёзюнде тереги болгъан, чёбю болгъаннга кюле эди.
- От кюйдюрген, сау болса да, тот кюйдюрген, сау болмаз.
- Баш болса, бёрк табылыр.
- Тёрде – темир таякълы, къаяда – чыпчыкъ аякълы.
- Бозаны арты дауур болур.
- Чалманны аллы къалай башланса, арты да алай барады.
- Атлыны кёрсе, джаяуну буту талыр.
- Таш бла ургъанны, аш бла ур.
- Акъыл аздырмаз, билим тоздурмаз.
- Игиге айтсанг – билир, аманнга айтсанг – кюлюр.
- Иги болса, тамадама – махтау, аман болса, меннге – айыб.
- Аманнга алтын чыдамаз.
- Тили узунну, намысы – къысха.
- Соргъан айыб тюлдю, билмеген айыбды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72