- Чакъырылмагъан къонакъ – орунсуз.
- Къарнынг ауруса, ауузунгу тый
- Кюл тюбюндеги от кёрюнмейди.
- Уясында не кёрсе, учханында аны этер.
- Билимли ёлмез, билимсиз кёрмез.
- Сакъламагъан затынга джолукъсанг, не бек къууанаса, не бек ачыйса.
- Мураты болгъанны джюрек тебюую башхады.
- Айырылгъанланы айю ашар, бёлюннгенлени бёрю ашар.
- Ишни аллы бла къууанма да, арты бла къууан.
- Кимни – тили, тиши онглу, кимни – къолу, иши онглу.
- Суу кетер, таш къалыр.
- Бастасын ашагъан, хантусун да ичер.
- Акъыл къартда, джашда тюйюлдю – башдады.
- Къолу уллу – асыу, аягъы уллу – джарсыу.
- Билген билмегенни юретген адетди.
- Орундукъ тюбюнде атылсам да, орта джиликме, де да айлан.
- Къартха ушагъан джаш – акъыллы, джашха ушагъан къарт – тели.
- Атлыны кёрсе, джаяуну буту талыр.
- Ётген ёмюр – акъгъан суу.
- Джаз бир кюнню джатсанг, къыш талай кюнню абынырса.
- Насыблы элин сюер, насыбсыз кесин сюер.
- Уруну арты – къуру.
- Гугурук къычырмаса да, тангны атары къалмаз.
- Къонагъы джокъну – шоху джокъ.
- Насыб бютеу халкъны юлюшюдю.
- Керилген да, ургъан кибикди.
- Сакъалы текени да бар, мыйыгъы киштикни да бар.
- Тик ёргени, тик энгишгеси да болады.
- Бойнуму джети джерден кессенг да, мен ол ишни этеллик тюлме.
- Накъырданы арты керти болур.
- Болджал ишни бёрю ашар.
- Окъ къызбайны джокълайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёрени джагъы джокъ.
- Аууз сакълагъан – джан сакълар.
- Тёгюлген тюгел джыйылмайды.
- Дуния малгъа сатылма, кесингден телиге къатылма.
- Aдам боллукъ, сыфатындан белгили.
- Бозаны арты дауур болур.
- Къыз чыгъаргъан – къызыл къымжа.
- Кёкдеги болмаса, джердегин кёрмейди.
- Иги – алгъыш этер, аман – къаргъыш этер.
- Аманны эки битли тону болур, бирин сеннге кийдирир, бирин кеси киер.
- Чабакъсыз кёлге къармакъ салгъанлыкъгъа, чабакъ тутмазса.
- Тилчиден кери бол.
- Сакъ юйюне сау барыр.
- Дууулдаса – бал чибин, къонса – къара чибин.
- Ачлыкъ отха секиртир.
- Эркишиге тары кебек танг кёрюнюр.
- Джаралыны джастыгъында сау ёлюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72