- Джиби бир къат джетмей эди да, эки къат тарта эди.
- Кийимни бичсенг, кенг бич, тар этген къыйын тюлдю.
- Джыланны къуйругъундан басарынг келсе, аны башы болгъанын унутма.
- Тюкюрюк баш джармаз, налат кёз чыгъармаз!
- Этим кетсе да, сюегим къалыр.
- Кийимни бир кюнню аясанг, минг кюннге джарар.
- Ата – баланы уясы.
- Тёзген – тёш ашар!
- Кийиминг бла танылма, адамлыкъ бла таныл.
- Ач къалгъандан, кеч къалгъан къолай.
- Чомартха Тейри да борчлуду.
- Эркишини аманы тиширыуну джылатыр.
- Кюн кёрмеген, кюн кёрсе, кюндюз чыракъ джандырыр.
- Адеби болмагъан къыз – тузсуз хант.
- Тенги кёбню джау алмаз, акъылы кёбню дау алмаз.
- Тойчу джашха къарама, къойчу джашха къара.
- Адеб этмеген, адеб кёрмез.
- Адебни адебсизден юрен.
- Илму – джашауну джолу.
- Ойнаб айтсанг да, эслеб айт.
- Ётген ёмюр – акъгъан суу.
- Келгинчи, къонакъ уялыр, келгенден сора, къонакъбай уялыр.
- Чабар ат – джетген къыз.
- Телини эшигин, махтау джабар.
- Махтаннган къыз, тойда джукълар.
- Тау башында, тау болмаз, джангыз терек, бау болмаз.
- Кеси юйюмде мен да ханма.
- Сагъыш – къартлыкъгъа сюйюмчю.
- Айранын берсенг, челегин да къызгъанма.
- Ашха уста, юйюнде болсун
- Кёбден умут этиб, аздан къуру къалма.
- Кёзню ачылгъаны – иги, ауузну джабылгъаны – иги.
- Къыз келсе, джумуш эте келеди, къатын келсе, ушакъ эте келеди.
- Ашыкъгъанны этеги бутуна чырмалыр.
- Зар адам ашынгы ашар, кесинги сатар.
- Чакъырылмагъан къонакъ – орунсуз.
- Аманнга да, игиге да оноусуз къатышма.
- Ётюрюкчюню шагъаты – къатында.
- Игилик игилик бла сингдирилиучю затды.
- Минг тенг да азды, бир джау да кёбдю.
- Тилчиден кери бол.
- Джан саулукъ бермей, сан саулукъ бермезсе.
- Аджашханны ызындагъы кёреди, джангылгъанны джанындагъы биледи.
- Аджалсыз ёлюм болмаз.
- Адебсиз адам – джюгенсиз ат.
- Къайгъыны сюйген, къайгъы табар.
- Къуллукъчума, деб махтанма, къуллукъ – хаух джамчыды!
- Ишлегенден, къарагъан уста.
- Ёлген ийнек сютлю болур.
- Айырылмаз джууугъунга, унутмаз сёзню айтма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72