- Айтханы чапыракъдан ётмеген.
- Биреуге аманлыкъ этиб, кесинге игилик табмазса.
- Тёзген – тёш ашар!
- Хар адамгъа кеси миннген тау кибик.
- Ёлген аслан – сау чычхан.
- Эртде тургъан джылкъычыны эркек аты тай табар.
- Ач, тоймам, дейди, тойгъан, ач болмам, дейди.
- Эшекге миннген – биринчи айыб, андан джыгъылгъан – экинчи айыб.
- Кюн – узун, ёмюр – къысха.
- Тёгюлген тюгел джыйылмайды.
- Къайтырыкъ эшигинги, къаты уруб чыкъма.
- Нёгерсизни джолу узун.
- Байлыкъ тауусулур, билим тауусулмаз.
- Аманнга алтын чыдамаз.
- Булут кёкге джарашыу, уят бетге джарашыу.
- Мухарны эси – ашарыкъда.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таякъ этден ётер, тил сюекден ётер.
- Акъыл бла адеб эгизледиле.
- Айырылмаз джууугъунга, унутмаз сёзню айтма.
- Адебни адебсизден юрен.
- Эл ауузу – элек, анга ийнаннган – халек.
- Кёбню кёрген – кёб билир.
- Джюрекден джюрекге джол барды.
- Кёл ашады да, кеси ашады.
- Тёрени джагъы джокъ.
- Азыкълы ат арымаз, къатыны аман джарымаз.
- Эркишини аманы тиширыуну джылатыр.
- Ашхы болсанг, атынг чыгъар, аман болсанг, джанынг чыгъар.
- Бермеген къол, алмайды.
- Аман къатын алгъан, арыр, иги къатын алгъан джарыр.
- Сууда джау джокъ, кёб сёзде магъана джокъ.
- Тойгъандан сора, ашны сёкме.
- Къарнынг тойгъунчу аша да, белинг талгъынчы ишле.
- Ашхы сёз таш тешер.
- Ёнгкюч къууана барыр, джылай келир.
- Ариу – кёзге, акъыл – джюрекге.
- Хунаны тюбюн къазсанг, юсюнге ауар.
- Аякъларынгы джууургъанынга кёре узат.
- Къошда джокъгъа – юлюш джокъ.
- Аман адам этегингден тутса, кес да къач.
- Джашны джигитлиги сорулур, къызны джигерлиги сорулур.
- Урунуу – насыбны анасы.
- Мени джылытмагъан кюн, меннге тиймесин!
- Танг атмайма десе да, кюн къоярыкъ тюйюлдю.
- Иги – алгъыш этер, аман – къаргъыш этер.
- Ичимден чыкъды хата, къайры барайым сата?
- Джюрек кёзден алгъа кёрюр.
- Эркишиге тары кебек танг кёрюнюр.
- Ашыкъгъан cуу, тенгизге джетмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72