Эльбрусоид :: Форум :: Архив форумов

Юй ишлеген балта эшикде къалыр.
Сибиртки да сыйлы болду, кюрек да кюнлю болду.
Къонакъны къачан кетерин сорма, къачан келлигин сор.
Бети – къучакълар, джюреги – бычакълар.
Эки къатын алгъанны къулагъы тынгнгаймаз.
Башланнган иш битер, къымылдагъан тиш тюшер.
Ёлюр джаннга, ёкюл джокъ.
Джылкъыдан – ат чыгъар, тукъумдан – джаш чыгъар.
Билим – акъылны чырагъы.
Мени джылытмагъан кюн, меннге тиймесин!
Ариу сёз аурууунгу алыр.
Игиге айтсанг – билир, аманнга айтсанг – кюлюр.
Ётюрюкчюню шагъаты – къатында.
Ашатыргъа иш – ашхы, ишлетирге аш – ашхы.
Къарны аманнга къазан такъдырма, къолу аманнга от джакъдырма.
Джети тилни билген джети кишиди.
Таукел адам тау тешер.
Адам къаллай бир ишленмесе, аллай бир кесин уллу кёреди.
Биреуге аманлыкъны тилеме да, кесинге ашхылыкъны тиле.
Акъыл сабырлыкъ берир.
Мадар болса, къадар болур.
Ач да бол, токъ да бол – намысынга бек бол.
Акъыл бла адеб эгизледиле.
Билимден уллу байлыкъ джокъду.
Ишленмеклик адамлыкъды.
Къууут – джелге, берне – бошха.
Тил джюрекге джол ишлейди.
Илму – джашауну джолу.
Къарнынг бла ёч алма.
Ишлемеген – тишлемез.
Экеу тутушса, биреу джыгъылыр.
Байлыкъ келсе, акъыл кетер.
Аш кетер да бет къалыр.
Къазанчы аман болса, къазаны къайнамаз.
Адамны джюреги нени кёрюрге сюйсе, кёзю да аны кёрюрге ёч болады.
Кёзню ачылгъаны – иги, ауузну джабылгъаны – иги.
Чабар ат – джетген къыз.
Накъырда – кертини келечиси.
Игилик игилик бла сингдирилиучю затды.
Тай асырагъан, атха минер.
Къыз тиширыу кеси юйюнде да къонакъды.
Чарсда алчыны эл кёреди.
Джарлыны тону джаз битер.
Таула не мийик болсала да, аууш табылыр.
Джыгъылгъанны сырты джерден тоймаз.
Сакъалы текени да бар, мыйыгъы киштикни да бар.
Мал ёлсе, сюек къалыр, адам ёлсе, иши къалыр.
Кёзден кетген, кёлден да кетеди.
Чакъырылмагъан джерге барма, чакъырылгъан джерден къалма.
Битмегеннге сакъал – танг.

Логин:
Пароль:
	Запомнить меня на этом компьютере

Забыли свой пароль?
Регистрация