- Къулакъдан эсе, кёзге ышан.
- Онгсузну – джакъла, тенгликни – сакъла.
- Тыш элде солтан болгъандан эсе, кесинги элде олтан болгъан игиди!
- Телиге акъыл салгъандан эсе, ёлгеннге джан салырса.
- Ёлген аслан – сау чычхан.
- Къуру гыбыт бек дыгъырдар.
- Ана – юйню кюн джарыгъы.
- Къонакъ аман болса, къонакъбай джунчур
- Дуния мал дунияда къалады.
- Ата – билек, ана – джюрек!
- Къралынгы – душмандан, башынгы от бла суудан сакъла.
- Тойгъандан сора, ашны сёкме.
- Окъугъанны бети джарыкъ.
- Сабий кёргенин унутмаз.
- Ойнай-ойнай кёз чыгъар.
- Ариу сёз – джаннга азыкъ, аман сёз – башха къазыкъ.
- Элиб деген, элге болушур.
- Суугъа – таянма, джаугъа – ийнанма.
- Аман киши кеси юйюнде – къонакъ.
- Шапа кёб болса, аш татымсыз болур.
- Мени джылытмагъан кюн, меннге тиймесин!
- Тюзлюк шохлукъну бегитир.
- Кёл ашады да, кеси ашады.
- Халкъгъа джарагъан, джарлы къалмаз.
- Тилчи тилден къаныкъмаз.
- Ётюрюкден тюбю джокъ, кёлтюрюрге джиби джокъ.
- Соргъан айыб тюлдю, билмеген айыбды.
- Ачны эсинде – аш.
- Олтуруб кёрюнмей эди да, ёрге туруб кёрюне эди.
- Сууда джау джокъ, кёб сёзде магъана джокъ.
- Гугурук къычырмаса да, тангны атары къалмаз.
- Чыбыкълыкъда бюгюлмеген, къазыкълыкъда бюгюлмей эди.
- Акъыл бла адеб эгизледиле.
- Чомарт къонакъ юй иесин сыйлар.
- Кёб джашагъан – кёб билир.
- Сабий болмагъан джерде, мёлек болмаз.
- Джырчы джырчыгъа – къарнаш.
- Хунаны тюбюн къазсанг, юсюнге ауар.
- Ишлерге уял да, ашаргъа табма.
- Джашынгы кесинг юретмесенг, джашау юретир.
- Эртде тургъан джылкъычыны эркек аты тай табар.
- Байны оноуу, джарлыгъа джарамаз.
- Кийимни бичсенг, кенг бич, тар этген къыйын тюлдю.
- Аман эсирсе, юйюн ояр.
- Сакъ юйюне сау барыр.
- Тойгъа алгъа да барма, тойда артха да къалма.
- Окъуусуз билим – джокъ, билимсиз кюнюнг – джокъ.
- Чабар ат – джетген къыз.
- Адам туугъан джеринде, ит тойгъан джеринде.
- Ашха уста, юйюнде болсун
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72