- Сёз садакъдан кючлюдю.
- Ауругъан – джашаудан умутчу.
- Эли джокъну – кёлю джокъ.
- Гугурук къычырмаса да, тангны атары къалмаз.
- Джуртун къоругъан озар.
- Къонакъ аз олтурур, кёб сынар.
- Ёгюзню мюйюзюнден тутадыла, адамны сёзюнден тутадыла.
- Ашарыкъда сайлагъаннга – чий гырджын.
- Тура эдим джата, къайдан чыкъды хата?
- Аман адам элни бир-бирине джау этер.
- Тенгинг джокъ эсе – изле, бар эсе – сакъла!
- Дуния мал дунияда къалады.
- Дуния малгъа сатылма, кесингден телиге къатылма.
- Джаш болсун, къыз болсун, акъылы, саны тюз болсун.
- Дуния аламаты сен эсенг да, игиме деб айтма.
- Халкъгъа джарагъан, джарлы къалмаз.
- Тюзню ётмеги тюзде къалса да, тас болмаз.
- Аман къатын алгъан, арыр, иги къатын алгъан джарыр.
- Ёгюзню мюйюзлери ауурлукъ этмейдиле.
- Хар зат кесини орнуна иги.
- Акъыл къартда, джашда тюйюлдю – башдады.
- Таугъа чыгъаллыкъ эсенг, тюзде къалма.
- Къая джолда джортма, ачыкъ сёзден къоркъма.
- Эртде тургъан джылкъычыны эркек аты тай табар.
- Джюрекден джюрекге джол барды.
- Акъыллы – эл иеси, тели – эл баласы.
- Шапа кёб болса, аш татымсыз болур.
- Аш кетер да бет къалыр.
- Юйлю уругъа ит чабмаз.
- Эки ойлашыб, бир сёлешген.
- Окъуусуз билим – джокъ, билимсиз кюнюнг – джокъ.
- Джахил болса анасы, не билликди баласы?
- Джюрекге ариу – кёзге да ариу.
- Дууулдаса – бал чибин, къонса – къара чибин.
- Аллахдан тилесенг, кёб тиле.
- Адебни адебсизден юрен.
- Байлыкъдан саулукъ ашхыды.
- Къууут – джелге, берне – бошха.
- Ауузу аманнга «иги», деме.
- Ойнай билмеген, уруб къачар.
- Акъыллы айтыр эди, акъылсыз къоймайды.
- Иги джашны ышаны – аз сёлешиб, кёб тынгылар.
- Къолунгдан къуймакъ ашатсанг да, атаны борчундан къутулмазса.
- Билимсиз иш бармаз.
- Уллу атлама – абынырса, уллу къабма – къарылырса.
- Келинни – келгинчи, бёркню кийгинчи кёр.
- Джылкъыдан – ат чыгъар, тукъумдан – джаш чыгъар.
- Билими азны – ауузунда кирит.
- Аякъларынгы джууургъанынга кёре узат.
- Мал ёлсе, сюек къалыр, адам ёлсе, иши къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72