- Мадар болса, къадар болур.
- Акъдан къара болмаз.
- Эм ашхы къайын ана мамукъ бла башынгы тешер.
- Элде адам къалмаса, ит тахтагъа минер.
- Бети бедерден, намыс сакълама.
- Борчунг бар эсе, хурджунунга ойлаб узал.
- Мураты болгъанны джюрек тебюую башхады.
- Чомартны къолу берекет.
- Джумушакъ сёз къаты таякъны сындырыр.
- Башы ишлегенни, ауузу да ишлер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тил джюрекге джол ишлейди.
- Эр сокъур болсун, къатын тилсиз болсун.
- Ашхы атаны – джашы ашхы, ашхы ананы – къызы ашхы.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёзден кетген, кёлден да кетеди.
- Акъыллы эркиши атын махтар, акъылсыз эркиши къатынын махтар.
- Кёлю джокъну – джолу джокъ.
- Биреуге аманлыкъ этиб, кесинге игилик табмазса.
- Дженгил джетерикме деб, узун джолну къоюб, къысхасын барма.
- Ишлегенде эринме, ишде чолакъ кёрюнме.
- Терслик кетер, тюзлюк джетер.
- Уллу къазанда бишген эт, чий къалмаз.
- Ётюрюкден тюбю джокъ, кёлтюрюрге джиби джокъ.
- Хар адамгъа кеси миннген тау кибик.
- Рысхы – сют юсюнде кёмюк кибикди.
- Адамны аманы адамны бети бла ойнар.
- Кёбден умут этиб, аздан къуру къалма.
- Эртде тургъан бла эртде юйленнген сокъуранмаз.
- Гугук кесини атын айтыб къычыргъанча, мен, мен деб нек тураса?
- Адам туугъан джеринде, ит тойгъан джеринде.
- Эр абынмай, эл танымаз.
- Накъырда – кертини келечиси.
- Чомартха Тейри да борчлуду.
- Билим – акъылны чырагъы.
- Душманны тышы – акъ, ичи – къара.
- Хоншуну тауугъу къаз кёрюнюр, келини къыз кёрюнюр.
- Джюрек кёзден алгъа кёрюр.
- Сютню башын джалагъан къутулур, тюбюн ичген тутулур.
- Болджал ишни бёрю ашар.
- Чабар ат – джетген къыз.
- От этилмеген джерден тютюн чыкъмайды.
- Татлы сёз – балдан татлы.
- Мал ёлсе, сюек къалыр, адам ёлсе, иши къалыр.
- Адеб базарда сатылмаз.
- Ишленмеген джаш – джюгенсиз ат, ишленмеген къыз – тузсуз хант.
- Акъыл бла адеб эгизледиле.
- Байдан умут эте, джарлыдан ёгюз багъасы къорады.
- Артына баргъанны, къатына барма.
- Бетинги сатма, малынгы сат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72