Эльбрусоид :: Форум :: Архив форумов

Эм уллу байлыкъ – джан саулукъ.
Ёлген эшек бёрюден къоркъмайды.
Чалманны аллы къалай башланса, арты да алай барады.
Элге къуллукъ этмеген, элге ие болмаз.
Урама да – ёледи, сатама да – келеди.
Эртде тургъан бла эртде юйленнген сокъуранмаз.
Джашлыкъ этмеген, башлыкъ этмез.
Тёгюлген тюгел джыйылмайды.
Бетинги сатма, малынгы сат.
Тенгни тенглиги джашай барсанг билинир.
Ёзденликни джайгъан – джокълукъ.
Джарлыны тону джаз битер.
Ышармагъан – кюлмез, кюлмеген – къууанчны билмез.
Иесиз малны бёрю ашар.
Байны оноуу, джарлыгъа джарамаз.
Насыблы элин сюер, насыбсыз кесин сюер.
Хата – гитчеден.
Хазыр ашха – терен къашыкъ.
Ат да турмайды бир териде.
Кенгеш болса, уруш болмаз.
Ёлюк кебинсиз къалмаз.
Сёз къанатсыз учар.
Къарт болгъан джерде, берекет болур, сабий болгъан джерде, оюн болур.
Татлы тилде – сёз ариу, чемер къолда – иш ариу.
Ариу сёз – къылычдан джити.
Агъач – джерни чырайы, кийим – эрни чырайы.
Бир абыннган – минг сюрюнюр.
Эрни эр этерик да, къара джер этерик да, тиширыуду.
Алма терегинден кери кетмез.
Эринчекге кюн узун.
Аджашхан тёгерек айланыр.
Эл элде бирер малынг болгъандан эсе, бирер тенгинг болсун.
Ауузу бла къуш тута айланады.
Билмезни кёзю кёрмез, этмезни къулагъы эшитмез.
Ишни ахырын ойламай, аллын башлама.
Акъыллы башны – тили къысха.
Кюн – узун, ёмюр – къысха.
Хар зат кесини орнуна иги.
Ашхы адам – халкъ байлыгъы, ашхы джер – джашау байлыгъы.
Чёбню кёлтюрсенг, тюбюнден сёз чыгъар.
«Ма», - дегенни билмесенг, «бер», - дегенни билмезсе.
Уллу къазанда бишген эт, чий къалмаз.
Махтаннган къыз, тойда джукълар.
Тюзлюк шохлукъну бегитир.
Тели турса – той бузар.
Мал ёлсе, сюек къалыр, адам ёлсе, иши къалыр.
Асхат ашлыкъ сата, юйдегиси ачдан къата.
Дуния аламаты сен эсенг да, игиме деб айтма.
Тыш элде солтан болгъандан эсе, кесинги элде олтан болгъан игиди!
Кийиминг бла танылма, адамлыкъ бла таныл.

Логин:
Пароль:
	Запомнить меня на этом компьютере

Забыли свой пароль?
Регистрация