- Аллахдан тилесенг, кёб тиле.
- Адам къыйынлыгъын кёлтюрюр, зауукълугъун кёлтюрмез.
- Элни кючю – эмеген.
- Кёз – сюйген джерде, къол – ауругъан джерде.
- Ауузу бла къуш тута айланады.
- Къуллукъчума, деб махтанма, къуллукъ – хаух джамчыды!
- Кюн кёрмеген, кюн кёрсе, кюндюз чыракъ джандырыр.
- Кирсизни – саны таза, халалны – къаны таза.
- Уллу къашыкъ эрин джыртар.
- Ашарыкъда сайлагъаннга – чий гырджын.
- Уллу сёзде уят джокъ.
- Арпа, будай – ащды, алтын, кюмюш а – ташды.
- Игиге айтсанг – билир, аманнга айтсанг – кюлюр.
- Чабакъ башындан чирийди.
- Къазанны башы ачыкъ болса, итге уят керекди.
- Чабакъгъа акъыл, табагъа тюшсе келеди.
- Адамгъа аман кюн соруб келмейди.
- Огъурлуну сёзю – суу, огъурсузну сёзю – уу.
- Таш ата билмеген, башына урур.
- Хунаны тюбюн къазсанг, юсюнге ауар.
- Ариу сёзде ауруу джокъ.
- Джылар джаш, атасыны сакъалы бла ойнар.
- Мухарны эси – ашарыкъда.
- Тюкюрюк баш джармаз, налат кёз чыгъармаз!
- Чакъырылмагъан къонакъ тёрге атламаз.
- Къызын тута билмеген, тул этер, джашын тута билмеген, къул этер.
- Мухар, кеси тойса да, кёзю тоймаз.
- Байны къызы баймакъ болса да, юйде къалмаз!
- Байлыкъ тауусулур, билим тауусулмаз.
- Окъугъанны бети джарыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Уллу сёлешме да, уллу къаб.
- Къошда джокъгъа – юлюш джокъ.
- Юре билмеген ит, къонакъ келтирир.
- Джигер – джаннга къыйынлыкъ.
- Кёл ашады да, кеси ашады.
- Аманнга да, игиге да оноусуз къатышма.
- Рысхы джалгъанды: келген да этер, кетген да этер.
- Адамны сыфатына къарама, сёзюне къара.
- Атадан ёксюз – бир ёксюз, анадан ёксюз – эки ёксюз.
- Татлы тилде – сёз ариу, чемер къолда – иш ариу.
- Адамны джюреги нени кёрюрге сюйсе, кёзю да аны кёрюрге ёч болады.
- Магъанасыз сёз – тауушсуз сыбызгъы.
- Юреннген ауруу къалмаз.
- Акъыллы башны – тили къысха.
- Онгсузну – джакъла, тенгликни – сакъла.
- Этек чакъмакълары баш джаргъан, сёлешген сёзлери таш джаргъан.
- Къар – келтирди, суу – элтди.
- Аджашханны ызындагъы кёреди, джангылгъанны джанындагъы биледи.
- Къулакъдан эсе, кёзге ышан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72