Эльбрусоид :: Форум :: Архив форумов

Къартха ушагъан джаш – акъыллы, джашха ушагъан къарт – тели.
Аджашхан тёгерек айланыр.
Къоркъакъны кёзю экили кёрюр.
Джюрекге ариу – кёзге да ариу.
Окъуусуз билим – джокъ, билимсиз кюнюнг – джокъ.
Ач, тоймам, дейди, тойгъан, ач болмам, дейди.
Джигер – джаннга къыйынлыкъ.
Кёрмегеннге кебек – танг, битмегеннге сакъал – танг.
Айырылмаз джууугъунга, унутмаз сёзню айтма.
Джаханимни кёрмей, джандетге кёл салмазса.
Къызбайны юйюне дери сюрсенг, батыр болур.
Тойгъан джерге джети къайт.
Адам сёзге тынгыла, акъыл сёзню ангыла.
Зар адамны насыбы болмаз.
Ач – эснер, ат – кишнер.
Хата – гитчеден.
Адебсиз адам – джюгенсиз ат.
Суугъа – таянма, джаугъа – ийнанма.
Аш хазыр болса, иш харам болур.
Мен да «сен», дейме, сен да «кесим», дейсе.
Ашыкъгъан cуу, тенгизге джетмез.
Тёрде – темир таякълы, къаяда – чыпчыкъ аякълы.
Келгинчи, къонакъ уялыр, келгенден сора, къонакъбай уялыр.
Къызны минг тилер, бир алыр.
Эл бла кёргенинг эрелей.
Бети бедерден, намыс сакълама.
Кесинге джетмегенни, кёб сёлешме.
Рысхысына кёре, джаш ёсер, къышлыгъына кёре, мал ёсер.
Садакъачыны джаны – къапчыгъында.
Баш болса, бёрк табылыр.
Ана – юйню кюн джарыгъы.
Аякъларынгы джууургъанынга кёре узат.
Онгсузну – джакъла, тенгликни – сакъла.
Сабий кёргенин унутмаз.
Шапа кёб болса, аш татымсыз болур.
Тынгылагъан тынгы бузар.
Бойнуму джети джерден кессенг да, мен ол ишни этеллик тюлме.
Бет бетге къараса, бет да джерге къарар.
Уллу сёлешме да, уллу къаб.
Къолунгдан къуймакъ ашатсанг да, атаны борчундан къутулмазса.
Ёлген аслан – сау чычхан.
Ариу – кёзге, акъыл – джюрекге.
Джаш къарыу бла кючлю, къарт акъыл бла кючлю.
Ашда – бёрю, ишде – ёлю.
Тай асырагъан, атха минер.
Адеби болмагъан къыз – тузсуз хант.
Хантына кёре тузу, юйюне кёре къызы.
Алим болгъандан эсе, адам болгъан къыйынды.
Джаш болсун, къыз болсун, акъылы, саны тюз болсун.
Мал кёб болса, джууукъ кёб болур.

Логин:
Пароль:
	Запомнить меня на этом компьютере

Забыли свой пароль?
Регистрация