- Кёл ашады да, кеси ашады.
- Джашынгы кесинг юретмесенг, джашау юретир.
- Адамгъа аман кюн соруб келмейди.
- Къралынгы – душмандан, башынгы от бла суудан сакъла.
- Тенги кёбню джау алмаз, акъылы кёбню дау алмаз.
- «Ма», - дегенни билмесенг, «бер», - дегенни билмезсе.
- Нафысынгы айтханын этме, намысынгы айтханын эт.
- Этни бети бла шорпасы.
- Агъач – джерни чырайы, кийим – эрни чырайы.
- Элде адам къалмаса, ит тахтагъа минер.
- От этилмеген джерден тютюн чыкъмайды.
- Ашда – бёрю, ишде – ёлю.
- Сакъалы текени да бар, мыйыгъы киштикни да бар.
- Кийимни бир кюнню аясанг, минг кюннге джарар.
- Аман адам этегингден тутса, кес да къач.
- Кёбню кёрген – кёб билир.
- Къазанда болса, чолпугъа чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Тёрени джагъы джокъ.
- Адеб этмеген, адеб кёрмез.
- Джашда акъыл джокъ, къартда къарыу джокъ.
- Хазыр ашха – терен къашыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Сормай – алма, чакъырылмай – барма.
- Ётген ёмюр – акъгъан суу.
- Ашхы – джыяр, аман – джояр.
- Сууда джау джокъ, кёб сёзде магъана джокъ.
- Кёл – къызбай, къол – батыр.
- Джырчы ёлсе, джыры къалыр.
- Ач, тоймам, дейди, тойгъан, ач болмам, дейди.
- Суу да къайтады чыкъгъан джерине.
- Тилчи тилден къаныкъмаз.
- Бир онгсуз адам адет чыгъарды, деб эштирик тюлсе.
- Аджашханны ызындагъы кёреди, джангылгъанны джанындагъы биледи.
- Юйлю уругъа ит чабмаз.
- Окъ къызбайны джокълайды.
- Ётюрюкден тюбю джокъ, кёлтюрюрге джиби джокъ.
- Чомарт бергенин айтмаз.
- Битмегеннге сакъал – танг.
- Бозанг болмагъан джерге, къалагъынгы сукъма.
- Ач бёрюге мекям джокъ.
- Иги – алгъыш этер, аман – къаргъыш этер.
- Ачны эсинде – аш.
- Тамбла алтындан бюгюн багъыр ашхы.
- Кёкдеги болмаса, джердегин кёрмейди.
- Ауругъан – джашаудан умутчу.
- Таукелге нюр джауар.
- Алгъанда – джууукъ, бергенде – джау.
- Юреннген ауруу къалмаз.
- Къарнынг ауруса, ауузунгу тый
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72