- Ёксюзню къалачы уллу кёрюнюр.
- Кюн кёрмеген, кюн кёрсе, кюндюз чыракъ джандырыр.
- Чакъырылмагъан къонакъ къачан кетерин сормаз.
- Джыгъылгъанны сырты джерден тоймаз.
- Таукел къуру къалмаз.
- Джылар джаш, атасыны сакъалы бла ойнар.
- Адам къаллай бир ишленмесе, аллай бир кесин уллу кёреди.
- Игилик игилик бла сингдирилиучю затды.
- Адам сёзюнден белгили.
- Тойчу джашха къарама, къойчу джашха къара.
- Аш хазыр болса, иш харам болур.
- Чабакъсыз кёлге къармакъ салгъанлыкъгъа, чабакъ тутмазса.
- Кечеси – аяз, кюню – къыш, джарлы къаргъагъа бир аш тюш!
- Джашлыкъ этмеген, башлыкъ этмез.
- Ёзденликни джайгъан – джокълукъ.
- Кийимни бичсенг, кенг бич, тар этген къыйын тюлдю.
- Джукъу тёшек сайламайды.
- Ариу – кёзге, акъыл – джюрекге.
- Акъыл къартда, джашда тюйюлдю – башдады.
- Джаханимни кёрмей, джандетге кёл салмазса.
- Къонакъ болсанг, ийнакъ бол.
- Бозаны арты дауур болур.
- Уллу суу бла уллу ауруудан башынгы сакъла.
- Ачлыкъ отха секиртир.
- Келгинчи, къонакъ уялыр, келгенден сора, къонакъбай уялыр.
- Ата Джуртуму башы болмасам да, босагъасында ташы болайым.
- Джигер – джаннга къыйынлыкъ.
- Адамны адамлыгъы къыйынлыкъда айгъакъланады.
- Сабий кёргенин унутмаз.
- Эринчекге кюн узун.
- Аманнга игилик этсенг, юйюнге сау бармазса.
- Кёпюр салгъан кеси ётер, уру къазгъан кеси кетер.
- Айырылгъанланы айю ашар, бёлюннгенлени бёрю ашар.
- Ойнаб айтсанг да, эслеб айт.
- Эртде тургъан джылкъычыны эркек аты тай табар.
- Олтуруб кёрюнмей эди да, ёрге туруб кёрюне эди.
- Эл ауузу – элия.
- Ётюрюкчюню шагъаты – къатында.
- Сакъламагъан затынга джолукъсанг, не бек къууанаса, не бек ачыйса.
- Башы джабылгъан челекге, кир тюшмез.
- Ётюрюкден тюбю джокъ, кёлтюрюрге джиби джокъ.
- Бёрю да ач къалмасын, эчки да ашалмасын.
- Малны кют, джерни тюрт.
- Акъыл бла адеб эгизледиле.
- Таугъа чыгъаллыкъ эсенг, тюзде къалма.
- Билеги кючлю, бирни джыгъар, билими кючлю, мингни джыгъар.
- Айтханы чапыракъдан ётмеген.
- Дууулдаса – бал чибин, къонса – къара чибин.
- Мураты болгъанны джюрек тебюую башхады.
- Ханнга да келеди хариблик.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72