- Кесинге джетмегенни, кёб сёлешме.
- Шекер бла туз – бир болмаз, ушамагъан – юй болмаз.
- Тили узунну, намысы – къысха.
- Къайгъыны сюйген, къайгъы табар.
- Ана къолу ачытмаз.
- Орундукъ тюбюнде атылсам да, орта джиликме, де да айлан.
- Къыз чыгъаргъан – къызыл къымжа.
- Ишлегенден, къарагъан уста.
- Сакъалы текени да бар, мыйыгъы киштикни да бар.
- Къартны бурнун сюрт да, оноугъа тут.
- Ачыу алгъа келсе, акъыл артха къалады.
- Джашда акъыл джокъ, къартда къарыу джокъ.
- Адам къыйынлыгъын кёлтюрюр, зауукълугъун кёлтюрмез.
- Намысы болмагъанны, сыйы болмаз.
- Джырчы джырчыгъа – къарнаш.
- Башда акъыл болмаса, эки аякъгъа кюч джетер.
- Аш берме да, къаш бер.
- Тенгни тенглиги джашай барсанг билинир.
- Ауурну тюбю бла, дженгилни башы бла джюрюген.
- Иги адамны бир сёзю эки болмаз.
- Эл элде бирер малынг болгъандан эсе, бирер тенгинг болсун.
- Чакъырылмагъан джерге барма, чакъырылгъан джерден къалма.
- Бозаны арты дауур болур.
- Уллу айтханны этмеген – уллаймаз.
- Къарнынг тойгъунчу аша да, белинг талгъынчы ишле.
- Сыфатында болмагъаны, суратында болмаз.
- Ашхы адам – халкъ байлыгъы, ашхы джер – джашау байлыгъы.
- Игини сыйлагъан адетди.
- Джаш болсун, къыз болсун, акъылы, саны тюз болсун.
- Джигер – джаннга къыйынлыкъ.
- Эшекге миннген – биринчи айыб, андан джыгъылгъан – экинчи айыб.
- Джангызны оту джарыкъ джанмаз!
- Джеринден айырылгъан – джети джылар, джуртундан айырылгъан – ёлгюнчю джылар.
- Кёбню кёрген – кёб билир.
- Сибиртки да сыйлы болду, кюрек да кюнлю болду.
- Артына баргъанны, къатына барма.
- Аууздан келген, къолдан келсе, ким да патчах болур эди.
- Уллу суу бла уллу ауруудан башынгы сакъла.
- Душманны тышы – акъ, ичи – къара.
- Сормай – алма, чакъырылмай – барма.
- Адеби болмагъан къыз – тузсуз хант.
- Къаллай салам берсенг, аллай джууаб алырса.
- Баланы адам этген анады.
- Ханнга да келеди хариблик.
- Юреннген ауруу къалмаз.
- Ашыкъгъан cуу, тенгизге джетмез.
- Ойнай билмеген, оюн бузар.
- Юй кюйдю да, кюйюз чыкъды, ортасындан тюйюш чыкъды.
- Миллетни бойну – базыкъ, аны бла кюрешген – джазыкъ.
- Ач къарынны, токъ билмез
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72