- Ханнга да келеди хариблик.
- Халкъгъа джарагъан, джарлы къалмаз.
- Джахил болса анасы, не билликди баласы?
- Байлыкъ келсе, акъыл кетер.
- Урама да – ёледи, сатама да – келеди.
- Суугъа – чабакъ, къаягъа – ыргъакъ.
- Шекер бла туз – бир болмаз, ушамагъан – юй болмаз.
- Сабийликде юретмесенг, уллу болса – тюзелмез.
- Этим кетсе да, сюегим къалыр.
- Ёлген эшек бёрюден къоркъмайды.
- Кирсизни – саны таза, халалны – къаны таза.
- Ата Джуртун танымагъан, атасын да танымаз.
- Биреу ашаб къутулур, биреу джалаб тутулур.
- Соргъан айыб тюлдю, билмеген айыбды.
- Джаралыны джастыгъында сау ёлюр.
- Джаш болсун, къыз болсун, акъылы, саны тюз болсун.
- Байлыкъдан саулукъ ашхыды.
- Къартны бурнун сюрт да, оноугъа тут.
- Бёрю да ач къалмасын, эчки да ашалмасын.
- Эркишини аманы тиширыуну джылатыр.
- Мал тутхан – май джалар.
- Бозанг болмагъан джерге, къалагъынгы сукъма.
- Рысхысына кёре, джаш ёсер, къышлыгъына кёре, мал ёсер.
- Окъдан джара эртде-кеч болса да бителир, сёз джара, ёмюрге къалыр.
- Тёрдеги кюлсе, эшикдеги ышарыр.
- Къарнынг ауруса, ауузунгу тый
- Ариу сёз джыланны орнундан чыгъарыр.
- Адам туугъан джеринде, ит тойгъан джеринде.
- Алим болгъандан эсе, адам болгъан къыйынды.
- Джылкъыдан – ат чыгъар, тукъумдан – джаш чыгъар.
- Ишин билген, аны сыйын чыгъарады.
- Акъыл сабырлыкъ берир.
- Ашхы тенг джолгъа салыр, аман тенг джолдан тайдырыр.
- Чабакъ башындан чирийди.
- Тойгъан джерге джети къайт.
- Джогъун бар этген, барын бал этген.
- Ёксюзню тилеги къабыл болур.
- Сибиртки да сыйлы болду, кюрек да кюнлю болду.
- Таукел къуру къалмаз.
- Оюмсуз атлагъан, аджалсыз ёлюр.
- Тура эдим джата, къайдан чыкъды хата?
- Тюзлюк шохлукъну бегитир.
- Ауузу бла къуш тута айланады.
- Къозулугъунда тоймагъан, къойлугъунда тоймаз.
- Ханы къызы буюгъа-буюгъа киштик болду.
- Джашны джигитлиги сорулур, къызны джигерлиги сорулур.
- Чомарт джарлы болмаз.
- Джангыз торгъай джырламаз.
- Къарнынг тойгъунчу аша да, белинг талгъынчы ишле.
- Окъумагъан сокъурду, сокъур ташха абыныр!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72