- Тура эдим джата, къайдан чыкъды хата?
- Аман эсирсе, юйюн ояр.
- Нарт сёз къарт болмаз.
- Эртде тургъан бла эртде юйленнген сокъуранмаз.
- Босагъа таш юйге кирмей эди, тыбыр таш эшикге чыкъмай эди.
- Биреу къой излей, биреу той излей.
- Сууда джау джокъ, кёб сёзде магъана джокъ.
- Башсыз урчукъ тюзюне айланмаз.
- Билим ат болуб да чабар, къуш болуб да учар.
- Келгинчи, къонакъ уялыр, келгенден сора, къонакъбай уялыр.
- Тойгъанлыкъ къойгъа джарашады.
- Ана къойну – балагъа джандет.
- Эл ауузу – элек, анга ийнаннган – халек.
- Аман киши кеси юйюнде – къонакъ.
- Чабар ат – джетген къыз.
- Ёгюзню мюйюзлери ауурлукъ этмейдиле.
- Джырчы джырчыгъа – къарнаш.
- Сабий болмагъан джерде, мёлек болмаз.
- Билим къая тешер.
- Тойгъан джерге джети къайт.
- Аман къатын алгъан, арыр, иги къатын алгъан джарыр.
- Мадар болса, къадар болур.
- Ёлген аслан – сау чычхан.
- Ачыкъ джюрекге джол – ачыкъ.
- Эте билген, этген этеди, эте билмеген, юретген этеди!
- Къууут – джелге, берне – бошха.
- Келинни – келгинчи, бёркню кийгинчи кёр.
- Эрине къаргъыш этген къатын, эрнин къабар.
- Алтыда кюлмеген, алтмышда кюлмез.
- Сютню башын джалагъан къутулур, тюбюн ичген тутулур.
- Окъумагъан сокъурду, сокъур ташха абыныр!
- Джарашыу сюйген – джалынчакъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эшекни не къадар тюйсенг да, ат болмаз.
- Къулакъдан эсе, кёзге ышан.
- Айтылгъан буйрукъ, сёгюлмез
- Джолунга кёре – джюрюшюнг, джагъанга кёре – юлюшюнг.
- Игиге айтсанг – билир, аманнга айтсанг – кюлюр.
- Башда акъыл болмаса, эки аякъгъа кюч джетер.
- Босагъагъа джууукъ орун болса, ашыгъыб тёрге озма.
- Тюзлюк тас болмайды.
- Чёбню кёлтюрсенг, тюбюнден сёз чыгъар.
- Ёмюрлюк шохлукъну джел элтмез.
- Иесиз малны бёрю ашар.
- Юйлю уругъа ит чабмаз.
- Этек чакъмакълары баш джаргъан, сёлешген сёзлери таш джаргъан.
- Билим насыб берир, билим джолну керир.
- Эл ауузу – элия.
- Аман къатын сабий табса, бий болур…
- Акъыл неден да кючлюдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72