- Къаллай салам берсенг, аллай джууаб алырса.
- Ашатыргъа иш – ашхы, ишлетирге аш – ашхы.
- Ашыкъгъан cуу, тенгизге джетмез.
- Айтылгъан сёз ызына къайтмаз.
- Айтхан сёзюне табылгъан.
- Дууулдаса – бал чибин, къонса – къара чибин.
- Тил джюрекге джол ишлейди.
- Ёлген ийнек сютлю болур.
- Бек анасы джыламаз.
- Кёрмегеннге кебек – танг, битмегеннге сакъал – танг.
- Билеги кючлю, бирни джыгъар, билими кючлю, мингни джыгъар.
- Термилгенинги табмазса, кюлгенинге тюберсе.
- Ичимден чыкъды хата, къайры барайым сата?
- Къанны къан бла джуума, аманны аман бла къуума.
- Дуния малгъа сатылма, кесингден телиге къатылма.
- Алма терегинден кери кетмез.
- Атынг аманнга чыкъгъандан эсе, джанынг тамагъынгдан чыкъсын.
- Алим болгъандан эсе, адам болгъан къыйынды.
- Хар ишни да аллы къыйынды.
- Бетинги сатма, малынгы сат.
- Акъыл аздырмаз, билим тоздурмаз.
- Джерни букъусу кёкге къонмаз.
- Ёгюзню мюйюзюнден тутадыла, адамны сёзюнден тутадыла.
- Бозаны арты дауур болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ачлыкъ отха секиртир.
- Аман адам элни бир-бирине джау этер.
- Аурууну келиую тынч, кетиую – къыйын.
- Аман киши кеси юйюнде – къонакъ.
- Аманнга игилик этсенг, юйюнге сау бармазса.
- Ашхы – джыяр, аман – джояр.
- Кёлсюзден сёзсюз тууар.
- Игилик игилик бла сингдирилиучю затды.
- Бёрю да ач къалмасын, эчки да ашалмасын.
- Тойну къарнашы – харс, джырны къарнашы – эжиу.
- Байны къызы баймакъ болса да, юйде къалмаз!
- Кюлме джашха – келир башха.
- Тыш элде солтан болгъандан эсе, кесинги элде олтан болгъан игиди!
- Ишленмеген джаш – джюгенсиз ат, ишленмеген къыз – тузсуз хант.
- Джашынгы кесинг юретмесенг, джашау юретир.
- Чомартны къолу берекет.
- Джашны джигитлиги сорулур, къызны джигерлиги сорулур.
- Адамны аты башхача, акъылы да башхады.
- Тенгинг джокъ эсе – изле, бар эсе – сакъла!
- Джангызны оту джарыкъ джанмаз!
- Акъыл неден да кючлюдю.
- Билгенни къолу къарны джандырыр.
- Аш иеси бла татлыды.
- Адеб базарда сатылмаз.
- Джырына кёре эжиую.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72