- Ашхы болсанг, атынг чыгъар, аман болсанг, джанынг чыгъар.
- Джюрекден джюрекге джол барды.
- Игини сыйлагъан адетди.
- Бек анасы джыламаз.
- Кечеси – аяз, кюню – къыш, джарлы къаргъагъа бир аш тюш!
- Айыбны суу бла джууалмазса.
- Бети – къучакълар, джюреги – бычакълар.
- Джарашыу сюйген – джалынчакъ.
- Тамырсыз терекге таянма – джыгъылырса.
- Къумурсхала джыйылсала, пилни да джыгъадыла.
- Орундукъ тюбюнде атылсам да, орта джиликме, де да айлан.
- Чакъырылгъанны аты, чакъырылмагъанны багъасы болур.
- Тойгъан джерден туугъан джер игиди.
- Игиге айтсанг – билир, аманнга айтсанг – кюлюр.
- Чомартны къолун джокълукъ байлар.
- Акъылсызны джууукъгъа алма, акъыллыны кенгнге салма.
- Кийимни бичсенг, кенг бич, тар этген къыйын тюлдю.
- Биреуню тёрюнден, кесинги эшик артынг игиди.
- Эм уллу байлыкъ – джан саулукъ.
- Тыш элде солтан болгъандан эсе, кесинги элде олтан болгъан игиди!
- Кесине оноу эте билмеген, халкъына да эте билмез.
- Ёлмесенг да, къарт дамы болмазса?
- Адамны аманы адамны бети бла ойнар.
- Аджаллыгъа окъсуз шкок атылыр.
- Уллу суу бла уллу ауруудан башынгы сакъла.
- Чомарт джарлы болмаз.
- Эски джаугъа ышанма.
- Аджашханны ызындагъы кёреди, джангылгъанны джанындагъы биледи.
- Джыйырма къойну юч джыйырма эбзе кюте эди.
- Джиби бир къат джетмей эди да, эки къат тарта эди.
- Зарда марда джокъ.
- Уруну арты – къуру.
- Кёлю джокъну – джолу джокъ.
- Таула не мийик болсала да, аууш табылыр.
- Келгинчи, къонакъ уялыр, келгенден сора, къонакъбай уялыр.
- Атлыны ашхысы, ат тизгининден билинир
- Аш иеси бла татлыды.
- Ачыу алгъа келсе, акъыл артха къалады.
- Иги адам абынса да, джангылмаз.
- Ётюрюк хапар аякъ тюбю бла джюрюйдю.
- Ашда уялгъан – мухар, ишде уялгъан – хомух.
- Айтылгъан буйрукъ, сёгюлмез
- Кёбню кёрген – кёб билир.
- Адамны адамлыгъы къыйынлыкъда айгъакъланады.
- Джаралыны джастыгъында сау ёлюр.
- Тюзлюк шохлукъну бегитир.
- Ашаса, ашамаса да, бёрюню ауузу – къан.
- Телиге акъыл салгъандан эсе, ёлгеннге джан салырса.
- Уясында не кёрсе, учханында аны этер.
- Тёрдеги кюлсе, эшикдеги ышарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72