Эльбрусоид :: Форум :: Архив форумов

Окъуу – билимни ачхычы, окъуу – дунияны бачхычы.
Акъдан къара болмаз.
Ишин билген, аны сыйын чыгъарады.
Джарашыу сюйген – джалынчакъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Башынга джетмегенни сорма.
Окъ къызбайны джокълайды.
Ышармагъан – кюлмез, кюлмеген – къууанчны билмез.
Кёбню кёрген – кёб билир.
Къралынгы – душмандан, башынгы от бла суудан сакъла.
Къартны бурнун сюрт да, оноугъа тут.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ата Джуртуму башы болмасам да, босагъасында ташы болайым.
Къонакъ аз олтурур, кёб сынар.
Азыкъ аз болса, эртде орун сал.
Къозулугъунда тоймагъан, къойлугъунда тоймаз.
Таш бла ургъанны, аш бла ур.
Кирсизни – саны таза, халалны – къаны таза.
Тюз сёз баргъан сууну тыяр.
Кимни – тили, тиши онглу, кимни – къолу, иши онглу.
Къонакъ болсанг, ийнакъ бол.
Киштикге къанат битсе, чыпчыкъ къалмаз эди.
Ким бла джюрюсенг, аны кёзю бла кёрюнюрсе.
Элге къуллукъ этмеген, элге ие болмаз.
Эки къатын алгъан – эки ташны ортасына башын салгъан.
Итли къонакъ джарашмаз.
Алтыннга тот къонмаз.
Джангызны оту джарыкъ джанмаз!
Уллу сёлешме да, уллу къаб.
Къыз тиширыу кеси юйюнде да къонакъды.
Баш – акъыл ючюн, акъылман – халкъ ючюн.
Эл ауузу – элия.
Ач отунчуну ачыуу – бурнунда.
Ач къарынны, токъ билмез
Эрине къаргъыш этген къатын, эрнин къабар.
Экеулен сёлеше тура эселе, орталарына барыб кирме.
Кёлсюзден сёзсюз тууар.
Этни да ашады, бетни да ашады.
Эри аманны, къатыны – аман.
Ашхы – джыяр, аман – джояр.
Тулпарлыкъ, билекден тюл – джюрекден.
Къазанда болса, чолпугъа чыгъар.
Айтхан – тынч, этген – къыйын.
Иги сеники эсе да, сюйген кесимикин этеме.
Чыкълы кюнде чыкъмагъан, чыкъса къуру кирмеген.
Ач къарным, тынч къулагъым.
Тенгни тенглиги джашай барсанг билинир.
Джан саулукъ бермей, сан саулукъ бермезсе.
Адеб джокъда, намыс джокъ.
Акъыл бла адеб эгизледиле.

Логин:
Пароль:
	Запомнить меня на этом компьютере

Забыли свой пароль?
Регистрация