- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къонакъ хазыр болгъанлыкъгъа, къонакъбай хазыр тюлдю.
- Босагъагъа джууукъ орун болса, ашыгъыб тёрге озма.
- Эл ауузу – элия.
- Эринчекни аурууу – кёб.
- Гырджын – тепсини тамадасы.
- Суу да къайтады чыкъгъан джерине.
- Насыблы элин сюер, насыбсыз кесин сюер.
- Айыбны суу бла джууалмазса.
- Кесинг сынамагъан затны, адамгъа буюрма.
- Сёз сёзню айтдырыр.
- Урама да – ёледи, сатама да – келеди.
- Тели турса – той бузар.
- Биреуге кёлтюрген таягъынг, кесинги башынга урур.
- Ичимден чыкъды хата, къайры барайым сата?
- Тойгъанлыкъ къойгъа джарашады.
- Ауузу аманнга «иги», деме.
- Сескекли кесин билдирир.
- Къуллукъчума, деб махтанма, къуллукъ – хаух джамчыды!
- Ашаса, ашамаса да, бёрюню ауузу – къан.
- Ишге юренсин къоллары, халкъ бла болсун джоллары.
- Бетинги сатма, малынгы сат.
- Игилик игилик бла сингдирилиучю затды.
- Айран тёгюлсе, джугъусу къалыр.
- Эркиши – от, тиширыу – суу.
- Ачыкъ джюрекге джол – ачыкъ.
- Ашлыкъ – бюртюкден, джюн – тюкден.
- Байма, деб да, къууанма, джарлыма, деб да, джылама.
- Акъдан къара болмаз.
- Джол бла сёзню къыйыры джокъ.
- От кюйдюрген, сау болса да, тот кюйдюрген, сау болмаз.
- Къонакъ кёб келюучю юйню, къазаны отдан тюшмез.
- Этек чакъмакълары баш джаргъан, сёлешген сёзлери таш джаргъан.
- Узун джолну барсанг, бюгюн келирсе, къысха джолну барсанг, тамбла келирсе.
- Тиширыусуз юй – отсуз от джагъа.
- Татлы тилде – сёз ариу, чемер къолда – иш ариу.
- Чакъырылмагъан къонакъ къачан кетерин сормаз.
- Сакъ юйюне сау барыр.
- Тилсиз миллет джокъ болур.
- Ёзденликни джайгъан – джокълукъ.
- Сормай – алма, чакъырылмай – барма.
- Ашатыргъа иш – ашхы, ишлетирге аш – ашхы.
- Таукел адам тау тешер.
- Аман киши кеси юйюнде – къонакъ.
- Арбаз къынгырды да, ийнек сауалмайма.
- Чалманны аллы къалай башланса, арты да алай барады.
- Къызбайны юйюне дери сюрсенг, батыр болур.
- Тёрени джагъы джокъ.
- Акъыл неден да кючлюдю.
- Эл ауузу – элек, анга ийнаннган – халек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72