- Чакъырылмагъан къонакъ тёрге атламаз.
- Бек ашыкъгъан меннге джетсин, дегенди аракъы.
- Эки ойлашыб, бир сёлешген.
- Кечеси – аяз, кюню – къыш, джарлы къаргъагъа бир аш тюш!
- Туз, гырджын аша, тюзлюк бла джаша.
- Аш хазыр болса, иш харам болур.
- Ким бла джюрюсенг, аны кёзю бла кёрюнюрсе.
- Бал ашаргъа сюе эсенг, чибин ургъаннга тёз.
- Къонакъ болсанг, ийнакъ бол.
- Акъыллы – эл иеси, тели – эл баласы.
- Ач отунчуну ачыуу – бурнунда.
- Тик ёргени, тик энгишгеси да болады.
- Ишге юренсин къоллары, халкъ бла болсун джоллары.
- Джырчы ёлсе, джыры къалыр.
- Къар – келтирди, суу – элтди.
- Сабий кёргенин унутмаз.
- Эски джаугъа ышанма.
- Хантына кёре тузу, юйюне кёре къызы.
- Келинин тута билмеген, къул этер, къызын тута билмеген, тул этер.
- Окъугъанны бети джарыкъ.
- Окъугъан озар, окъумагъан тозар.
- Кюлме джашха – келир башха.
- Ханы къызы буюгъа-буюгъа киштик болду.
- Аман къатын алгъан, арыр, иги къатын алгъан джарыр.
- Тойгъан джерге джети къайт.
- Хансыз джомакъ болмаз.
- Джарлы тюеге минсе да, ит къабар.
- Джангыз терек къынгыр ёсер.
- Айраннга суу къош, телиге джол бош.
- Юйлю уругъа ит чабмаз.
- Биреу къой излей, биреу той излей.
- Махтаннган къыз, тойда джукълар.
- От кюйдюрген, сау болса да, тот кюйдюрген, сау болмаз.
- Ач бёрюге мекям джокъ.
- Джолунга кёре – джюрюшюнг, джагъанга кёре – юлюшюнг.
- Ханнга да келеди хариблик.
- Аман эсирсе, юйюн ояр.
- Алма терегинден кери кетмез.
- Тас болгъан бычакъны сабы – алтын.
- Къыйынлы джети элге оноу этер.
- Окъумагъан сокъурду, сокъур ташха абыныр!
- Таугъа чыгъаллыкъ эсенг, тюзде къалма.
- Джюрекге ариу – кёзге да ариу.
- Ётген ёмюр – акъгъан суу.
- Ойнай-ойнай кёз чыгъар.
- Сагъышы джокъ – джукъучу, акъылы джокъ – къаугъачы.
- Ашхы адам – халкъ байлыгъы, ашхы джер – джашау байлыгъы.
- Эринчекге кюн узун.
- Тюз сёз баргъан сууну тыяр.
- Ёгюзню мюйюзюнден тутадыла, адамны сёзюнден тутадыла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72