- Ётюрюкню къуйругъу – бир тутум.
- Къыз чыгъаргъан – къызыл къымжа.
- Абынмазлыкъ аякъ джокъ, джангылмазлыкъ джаякъ джокъ.
- Эр абынмай, эл танымаз.
- Соргъан айыб тюлдю, билмеген айыбды.
- Этни да ашады, бетни да ашады.
- Адамгъа аман кюн соруб келмейди.
- Ойнаб айтсанг да, эслеб айт.
- Кёрмегеннге кебек – танг, битмегеннге сакъал – танг.
- Экеулен сёлеше тура эселе, орталарына барыб кирме.
- Аш берме да, къаш бер.
- Аман хансны – урлугъу кёб.
- Ёзденликни джайгъан – джокълукъ.
- Нёгер болсанг, тенг бол, тенг болмасанг, кенг бол.
- Шайтан алдады, тюзлюк къаргъады.
- Бал ашаргъа сюе эсенг, чибин ургъаннга тёз.
- Тенгинг джокъ эсе – изле, бар эсе – сакъла!
- Тил бла келеди джыр да.
- Таякъ этден ётер, тил сюекден ётер.
- Окъ къызбайны джокълайды.
- Болджал ишни бёрю ашар.
- Акъдан къара болмаз.
- Мадар болса, къадар болур.
- Керилген да, ургъан кибикди.
- Биреуге аманлыкъны тилеме да, кесинге ашхылыкъны тиле.
- Чомарт къонакъ юй иесин сыйлар.
- Къарт болгъан джерде, берекет болур, сабий болгъан джерде, оюн болур.
- Сютден ауузу кюйген, суугъа юфгюре эди.
- Сабыр джетер муратха, сабырсыз къалыр уятха.
- Къонагъынгы артмагъын алма да, алгъышын ал.
- Къошда джокъгъа – юлюш джокъ.
- Тамчы таш тешер.
- Джарлы эскисин джамаса, къууаныр.
- Сууда джау джокъ, кёб сёзде магъана джокъ.
- Уллу суу бла уллу ауруудан башынгы сакъла.
- Рысхы – сют юсюнде кёмюк кибикди.
- Ана – юйню кюн джарыгъы.
- Онгсузну – джакъла, тенгликни – сакъла.
- Хар сёзню орну барды.
- Ёксюзню къалачы уллу кёрюнюр.
- Ишлерге уял да, ашаргъа табма.
- Аман эсирсе, юйюн ояр.
- Ётюрюкню башын керти кесер.
- Этим кетсе да, сюегим къалыр.
- Эринчекни аурууу – кёб.
- Татлы сёз – балдан татлы.
- Хатерли къул болур.
- Къайтырыкъ эшигинги, къаты уруб чыкъма.
- Байлыкъ келсе, акъыл кетер.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72