Эльбрусоид :: Форум :: Архив форумов

Ёпкелегенни ашы татлы болады.
Бичгенде ашыкъма, тикгенде ашыкъ.
Тойгъандан сора, ашны сёкме.
Адам сёзюнден белгили.
Дуния мал дунияда къалады.
Ушамагъан – джукъмаз.
Башланнган иш битер, къымылдагъан тиш тюшер.
Ачлыкъ отха секиртир.
Джашынгы кесинг юретмесенг, джашау юретир.
Эки къатын алгъанны къулагъы тынгнгаймаз.
Нёгер болсанг, тенг бол, тенг болмасанг, кенг бол.
От кюйдюрген, сау болса да, тот кюйдюрген, сау болмаз.
Адам къаллай бир ишленмесе, аллай бир кесин уллу кёреди.
Джолунга кёре – джюрюшюнг, джагъанга кёре – юлюшюнг.
Аз айтсам, кёб ангылагъыз.
Азыкъ аз болса, эртде орун сал.
Элде адам къалмаса, ит тахтагъа минер.
Кийиминг бла танылма, адамлыкъ бла таныл.
Ачлыкъда тары гырджын халыуадан татлы.
Кёзю сокъурдан – къоркъма, кёлю сокъурдан – къоркъ.
Тил – миллетни джаны.
Сабий кёргенин унутмаз.
Билимсиз иш бармаз.
Бети – къучакълар, джюреги – бычакълар.
Ётюрюкден тюбю джокъ, кёлтюрюрге джиби джокъ.
Арпа, будай – ащды, алтын, кюмюш а – ташды.
Чомартны къолун джокълукъ байлар.
Бёрю да ач къалмасын, эчки да ашалмасын.
Ойнай билмеген, уруб къачар.
Тиширыусуз юй – отсуз от джагъа.
Тас болгъан бычакъны сабы – алтын.
Тура эдим джата, къайдан чыкъды хата?
Намыс сатылыб алынмайды.
Эшекни не къадар тюйсенг да, ат болмаз.
Бетинги сатма, малынгы сат.
Мал ёлсе, сюек къалыр, адам ёлсе, иши къалыр.
Биреу къой излей, биреу той излей.
Адамны бетине къарама, адетине къара.
Тилсиз миллет джокъ болур.
Къошда джокъгъа – юлюш джокъ.
Хунаны тюбюн къазсанг, юсюнге ауар.
Кёпюр салгъан кеси ётер, уру къазгъан кеси кетер.
Къонакъ хазыр болгъанлыкъгъа, къонакъбай хазыр тюлдю.
Мураты болгъанны джюрек тебюую башхады.
Эринчекге кюн узун.
Ачны эсинде – аш.
Окъуусуз билим – джокъ, билимсиз кюнюнг – джокъ.
Къыз келсе, джумуш эте келеди, къатын келсе, ушакъ эте келеди.
Джарашыу сюйген – джалынчакъ.
Иши джокъну, сыйы джокъ.

Логин:
Пароль:
	Запомнить меня на этом компьютере

Забыли свой пароль?
Регистрация