Эльбрусоид :: Форум :: Архив форумов

Кёкдеги болмаса, джердегин кёрмейди.
Адам сёзге тынгыла, акъыл сёзню ангыла.
Тил джюрекге джол ишлейди.
Эл ауузу – элек, анга ийнаннган – халек.
Ким бла джюрюсенг, аны кёзю бла кёрюнюрсе.
Ёлмесенг да, къарт дамы болмазса?
Хата – гитчеден.
Харам къарнашдан, халал тенг ашхы.
Джашлыкъ этмеген, башлыкъ этмез.
Бичгенде ашыкъма, тикгенде ашыкъ.
Адам туугъан джеринде, ит тойгъан джеринде.
Таула не мийик болсала да, аууш табылыр.
Къыз келсе, джумуш эте келеди, къатын келсе, ушакъ эте келеди.
Ашына кёре табагъы, балына кёре къалагъы.
Аууз сакълагъан – джан сакълар.
Хатерли къул болур.
Накъырданы арты керти болур.
Арбаз сайлама да, хоншу сайла.
Аллахдан тилесенг, кёб тиле.
Башы джабылгъан челекге, кир тюшмез.
Адеби болмагъан къыз – тузсуз хант.
Къызгъанчдан ычхыныр, мухардан ычхынмаз.
Экеу тутушса, биреу джыгъылыр.
Халкъны юйю – туугъан джери.
Башда акъыл болмаса, эки аякъгъа кюч джетер.
Суу ичген шауданынга тюкюрме.
Ана кёлю – балада, бала кёлю – талада.
Ёлген эшек бёрюден къоркъмайды.
Тили узунну, намысы – къысха.
Тулпарлыкъ, билекден тюл – джюрекден.
Кютгени беш эчки, сызгъыргъаны уа, джерни джарады.
Адамны сыфатына къарама, сёзюне къара.
Келинин тута билмеген, къул этер, къызын тута билмеген, тул этер.
Борчунг бар эсе, хурджунунга ойлаб узал.
Ичимден чыкъды хата, къайры барайым сата?
Таукелге нюр джауар.
Ашыкъгъан cуу, тенгизге джетмез.
Азыкълы ат арымаз, къатыны аман джарымаз.
Билеги кючлю, бирни джыгъар, билими кючлю, мингни джыгъар.
Ишлегенде эринме, ишде чолакъ кёрюнме.
Ариу сёз аурууунгу алыр.
Ётюрюкчюню шагъаты – къатында.
Эл элде бирер малынг болгъандан эсе, бирер тенгинг болсун.
Ата Джуртуму башы болмасам да, босагъасында ташы болайым.
Эркиши – от, тиширыу – суу.
Ачыкъ джюрекге джол – ачыкъ.
Аманны тукъумуна къарама, игини тукъумун сорма.
Юй кюйдю да, кюйюз чыкъды, ортасындан тюйюш чыкъды.
Ач бёрюге мекям джокъ.
Кёлю джокъну – джолу джокъ.

Логин:
Пароль:
	Запомнить меня на этом компьютере

Забыли свой пароль?
Регистрация