- Чакъырылмагъан къонакъ тёрге атламаз.
- Рысхысына кёре, джаш ёсер, къышлыгъына кёре, мал ёсер.
- Аманнга алтын чыдамаз.
- Ашлыкъны арба юйге келтирир, чана базаргъа элтир.
- Минг тенг да азды, бир джау да кёбдю.
- Ким бла джюрюсенг, аны кёзю бла кёрюнюрсе.
- Бал чибинни ургъаны – ачы, балы – татлы.
- Джолда аягъынга сакъ бол, ушакъда тилинге сакъ бол.
- Бал ашаргъа сюе эсенг, чибин ургъаннга тёз.
- Юйюнг бла джау болгъандан эсе, элинг бла джау бол.
- Аурууну келиую тынч, кетиую – къыйын.
- Тёрени джагъы джокъ.
- Тилчи бир сагъатха айлыкъ хата этер.
- Телиге акъыл салгъандан эсе, ёлгеннге джан салырса.
- Рысхы – насыбха къор.
- Айранын берсенг, челегин да къызгъанма.
- Тюз сёз баргъан сууну тыяр.
- Босагъагъа джууукъ орун болса, ашыгъыб тёрге озма.
- Аманнга игилик этсенг, юйюнге сау бармазса.
- Джогъун бар этген, барын бал этген.
- Иги джашны ышаны – аз сёлешиб, кёб тынгылар.
- Ишлегенде эринме, ишде чолакъ кёрюнме.
- Сёз – кюмюш, джыр – алтын.
- Ёгюзню мюйюзюнден тутадыла, адамны сёзюнден тутадыла.
- Ач да бол, токъ да бол – намысынга бек бол.
- Эл элде бирер малынг болгъандан эсе, бирер тенгинг болсун.
- Душманны тышы – акъ, ичи – къара.
- Бойнуму джети джерден кессенг да, мен ол ишни этеллик тюлме.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Насыб бютеу халкъны юлюшюдю.
- Билими азны – ауузунда кирит.
- Эски джаугъа ышанма.
- Билимли ёлмез, билимсиз кёрмез.
- Элни кючю – эмеген.
- Сёз сёзню айтдырыр.
- Билимден уллу байлыкъ джокъду.
- Джети тилни билген джети кишиди.
- Кенгеш болса, уруш болмаз.
- Терек ауса, отунчу – кёб.
- Кёзню ачылгъаны – иги, ауузну джабылгъаны – иги.
- Къарны аманнга къазан такъдырма, къолу аманнга от джакъдырма.
- Кёзден кетген, кёлден да кетеди.
- Джыйырма къойну юч джыйырма эбзе кюте эди.
- Джарлы эскисин джамаса, къууаныр.
- Хантына кёре тузу, юйюне кёре къызы.
- Ёзденликни джайгъан – джокълукъ.
- Кимни – тили, тиши онглу, кимни – къолу, иши онглу.
- Мадар болса, къадар болур.
- Гугук кесини атын айтыб къычыргъанча, мен, мен деб нек тураса?
- Джауумдан сора, кюн кюйдюрюр, ётюрюкден сора, айыб кюйдюрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72