- Тойгъанлыкъ къойгъа джарашады.
- Джетген къыз джерли эшекни танымаз.
- Адеб джокъда, намыс джокъ.
- Харам къарнашдан, халал тенг ашхы.
- Тик ёргени, тик энгишгеси да болады.
- Суу ичген шауданынга тюкюрме.
- Юйюнгден чыкъдынг – кюнюнгден чыкъдынг.
- Окъ къызбайны джокълайды.
- Адебни адебсизден юрен.
- Джолунга кёре – джюрюшюнг, джагъанга кёре – юлюшюнг.
- Билимсиз иш бармаз.
- Байлыкъ болгъан джерде, тынчлыкъ джокъду.
- Джылыгъа джылан илешир.
- Халкъны юйю – туугъан джери.
- Бозаны арты дауур болур.
- Тойгъан джерге джети къайт.
- Эл бла кёргенинг эрелей.
- Джашны джигитлиги сорулур, къызны джигерлиги сорулур.
- Къонагъынгы артмагъын алма да, алгъышын ал.
- Аллахха ийнаннган кишини, Аллах онгдурур ишин.
- Кирсизни – саны таза, халалны – къаны таза.
- Минг тенг да азды, бир джау да кёбдю.
- Акъыл аздырмаз, билим тоздурмаз.
- Айран ичген – къутулду, джугъусун джалагъан – тутулду.
- Тили узунну, намысы – къысха.
- Азыгъы аз, алгъа къабар, аты аман, алгъа чабар.
- Ётген ёмюр – акъгъан суу.
- Нёгер болсанг, тенг бол, тенг болмасанг, кенг бол.
- Ёлюр джаннга, ёкюл джокъ.
- Джаш болсун, къыз болсун, акъылы, саны тюз болсун.
- Башланнган иш битер, къымылдагъан тиш тюшер.
- Сабийликде юретмесенг, уллу болса – тюзелмез.
- Тойгъа барсанг, тоюб бар, эски тонунгу къоюб бар.
- Айран тёгюлсе, джугъусу къалыр.
- Уллу къашыкъ эрин джыртар.
- Хоншуну тауугъу къаз кёрюнюр, келини къыз кёрюнюр.
- Эркишини аманы тиширыуну джылатыр.
- Айныгъанлы алты кюн, тогъайгъанлы тогъуз кюн.
- Гитче джилтин уллу элни джандырыр.
- Сакъ юйюне сау барыр.
- Аджашхан тёгерек айланыр.
- Ашхы адам – халкъ байлыгъы, ашхы джер – джашау байлыгъы.
- Аууздан келген, къолдан келсе, ким да патчах болур эди.
- Эртде тургъан бла эртде юйленнген сокъуранмаз.
- Аш кетер да бет къалыр.
- Къарнынг къанлынга кийирир.
- Чакъырылмагъан къонакъ тёрге атламаз.
- Тил джюрекге джол ишлейди.
- Аурууну келиую тынч, кетиую – къыйын.
- Ойнаб айтсанг да, эслеб айт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72