Эльбрусоид :: Форум :: Архив форумов

Айранын берсенг, челегин да къызгъанма.
Тёгюлген тюгел джыйылмайды.
Кюн – узун, ёмюр – къысха.
Сабийликде юретмесенг, уллу болса – тюзелмез.
Алтыда кюлмеген, алтмышда кюлмез.
Джукъу тёшек сайламайды.
Къыз чыгъаргъан – къызыл къымжа.
Башсыз урчукъ тюзюне айланмаз.
Къозулугъунда тоймагъан, къойлугъунда тоймаз.
Гыдай эчки суугъа къараб, мюйюзле кёрмесе, джашма алкъын, дегенди.
Къатын къылыкъсыз, эр тынчлыкъсыз.
Эллинг бла джау болсанг да, юйюнг бла джау болма.
Бек ашыкъгъан меннге джетсин, дегенди аракъы.
Ашхы – джыяр, аман – джояр.
Ишге юренсин къоллары, халкъ бла болсун джоллары.
Нафысынгы айтханын этме, намысынгы айтханын эт.
Алгъанда – джууукъ, бергенде – джау.
Чарсда алчыны эл кёреди.
Байлыкъ келсе, акъыл кетер.
Аш берме да, къаш бер.
Окъдан джара эртде-кеч болса да бителир, сёз джара, ёмюрге къалыр.
Айранны сюйген, ийнек тутар.
Джылар джаш, атасыны сакъалы бла ойнар.
Ашарыкъда сайлагъаннга – чий гырджын.
Ата Джуртуму башы болмасам да, босагъасында ташы болайым.
Джарлыны тону джаз битер.
Къанны къан бла джуума, аманны аман бла къуума.
Къартны сыйын кёрмеген, къартлыгъында сыйлы болмаз.
Ариу сёз аурууунгу алыр.
Тамбла алтындан бюгюн багъыр ашхы.
Аууз сакълагъан – джан сакълар.
Иши джокъну, сыйы джокъ.
Ашхы сёз таш тешер.
Сютню башын джалагъан къутулур, тюбюн ичген тутулур.
Акъыл неден да кючлюдю.
Билим насыб берир, билим джолну керир.
Ёзденликни джайгъан – джокълукъ.
Адеб джокъда, намыс джокъ.
Ойнай билмеген, оюн бузар.
Дженгил джетерикме деб, узун джолну къоюб, къысхасын барма.
Билимден уллу байлыкъ джокъду.
Ашына кёре табагъы, балына кёре къалагъы.
Бал чибинни ургъаны – ачы, балы – татлы.
Ышармагъан – кюлмез, кюлмеген – къууанчны билмез.
Биреуню эскиси биреуге джангы болмайды.
Кёзден кетген, кёлден да кетеди.
Алма терегинден кери кетмез.
Ушамагъан – джукъмаз.
Намыс сатылыб алынмайды.
Халкъгъа джарагъан, джарлы къалмаз.

Логин:
Пароль:
	Запомнить меня на этом компьютере

Забыли свой пароль?
Регистрация