- Ауругъан – джашаудан умутчу.
- Кюл тюбюндеги от кёрюнмейди.
- Ачылгъан эт джабылыр, кёрген кёз унутмаз.
- Аууз сакълагъан – джан сакълар.
- Сакъалы текени да бар, мыйыгъы киштикни да бар.
- Шайтан алдады, тюзлюк къаргъады.
- Джарлы эскисин джамаса, къууаныр.
- Тамчы таш тешер.
- Чакъырылмагъан къонакъ тёрге атламаз.
- Къарт айтханны этмеген, къартаймаз.
- Кёпюр салгъан кеси ётер, уру къазгъан кеси кетер.
- Къонакъ аз олтурур, кёб сынар.
- Джерни букъусу кёкге къонмаз.
- Адам къыйынлыгъын кёлтюрюр, зауукълугъун кёлтюрмез.
- Ишлегенде эринме, ишде чолакъ кёрюнме.
- Ауузу аманнга «иги», деме.
- Телиге акъыл салгъандан эсе, ёлгеннге джан салырса.
- Элни кючю – эмеген.
- Къалгъан ишге къар джауар.
- Чыкълы кюнде чыкъмагъан, чыкъса къуру кирмеген.
- Ёлген ийнек сютлю болур.
- Иги сёз – джаннга азыкъ, аман сёз башха – къазыкъ.
- Окъуусуз билим – джокъ, билимсиз кюнюнг – джокъ.
- Эте билген, этген этеди, эте билмеген, юретген этеди!
- Кёзю сокъурдан – къоркъма, кёлю сокъурдан – къоркъ.
- Байлыкъ адамны сокъур этер.
- Адамны бетине къарама, адетине къара.
- Атлыны ашхысы, ат тизгининден билинир
- Тау башында, тау болмаз, джангыз терек, бау болмаз.
- Чабакъгъа акъыл, табагъа тюшсе келеди.
- Чыбыкълыкъда бюгюлмеген, къазыкълыкъда бюгюлмей эди.
- Ашда – бёрю, ишде – ёлю.
- Къазанны башы ачыкъ болса, итге уят керекди.
- Эртде тургъан джылкъычыны эркек аты тай табар.
- Айранын берсенг, челегин да къызгъанма.
- Бети – къучакълар, джюреги – бычакълар.
- Уллу сёлешме да, уллу къаб.
- Джарлы джети элни сёзюн этер.
- Аш хазыр болса, иш харам болур.
- Алма терегинден кери кетмез.
- Сёз – кюмюш, джыр – алтын.
- Керти сёзге тёре джокъ.
- Ёгюзню мюйюзюнден тутадыла, адамны сёзюнден тутадыла.
- Джыгъылгъанны сырты джерден тоймаз.
- Эли джокъну – кёлю джокъ.
- Кесине гебен этелмеген, биреуге черен эте эди.
- Акъыл аздырмаз, билим тоздурмаз.
- Эки къатын алгъан – эки ташны ортасына башын салгъан.
- Рысхы – насыбха къор.
- Арба аугъандан сора, джол кёргюзтюучю кёб болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72