- Джол бла сёзню къыйыры джокъ.
- Хатерли къул болур.
- Джолда аягъынга сакъ бол, ушакъда тилинге сакъ бол.
- Сабийликде юретмесенг, уллу болса – тюзелмез.
- Къонакъ хазыр болгъанлыкъгъа, къонакъбай хазыр тюлдю.
- Къыйынлы джети элни къайгъысын этер.
- Джолунга кёре – джюрюшюнг, джагъанга кёре – юлюшюнг.
- Таш бла ургъанны, аш бла ур.
- Кёбню кёрген – кёб билир.
- Азыкъ аз болса, эртде орун сал.
- Болджал ишни бёрю ашар.
- Байны оноуу, джарлыгъа джарамаз.
- Билим къая тешер.
- Тыш элде солтан болгъандан эсе, кесинги элде олтан болгъан игиди!
- Ата Джуртча джер болмаз, туугъан элча эл болмаз.
- Ауругъаннга – кийик саулукъ, джетген къызгъа – чилле джаулукъ.
- Тилде сюек болмаса да, сюек сындырыр.
- Къарт айтханны этмеген, къартаймаз.
- Сакъламагъан затынга джолукъсанг, не бек къууанаса, не бек ачыйса.
- Чалманны аллы къалай башланса, арты да алай барады.
- Мал ёлсе, сюек къалыр, адам ёлсе, иши къалыр.
- Ауурну тюбю бла, дженгилни башы бла джюрюген.
- Сагъыш – къартлыкъгъа сюйюмчю.
- Шапа кёб болса, аш татымсыз болур.
- Сагъышы джокъ – джукъучу, акъылы джокъ – къаугъачы.
- Къартны бурнун сюрт да, оноугъа тут.
- Тилчиден кери бол.
- Тешик этген тынчды, аны джамагъан къыйынды.
- Эри аманны, къатыны – аман.
- Юй кюйдю да, кюйюз чыкъды, ортасындан тюйюш чыкъды.
- Тюзлюк шохлукъну бегитир.
- Джукъу тёшек сайламайды.
- Ат басханны джер билед.
- Харам къарнашдан, халал тенг ашхы.
- Келинин тута билмеген, къул этер, къызын тута билмеген, тул этер.
- Бичгенде ашыкъма, тикгенде ашыкъ.
- Аууздан келген, къолдан келсе, ким да патчах болур эди.
- Тюзню ётмеги тюзде къалса да, тас болмаз.
- Ач къарынны, токъ билмез
- Агъач – джерни чырайы, кийим – эрни чырайы.
- Рысхы джалгъанды: келген да этер, кетген да этер.
- Къатын байлыкъны сюер, эр саулукъну сюер.
- Эллинг бла джау болсанг да, юйюнг бла джау болма.
- Къонакъ аман болса, къонакъбай джунчур
- Ашхы атаны – джашы ашхы, ашхы ананы – къызы ашхы.
- Аман къатын алгъан, арыр, иги къатын алгъан джарыр.
- Адамны аты башхача, акъылы да башхады.
- Тёзген – тёш ашар!
- Джангызны оту джарыкъ джанмаз!
- Джылкъыдан – ат чыгъар, тукъумдан – джаш чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72