- Зарда марда джокъ.
- Тойгъа алгъа да барма, тойда артха да къалма.
- Юй ишлеген балта эшикде къалыр.
- Ауурну тюбю бла, дженгилни башы бла джюрюген.
- Аллахха ийнаннган кишини, Аллах онгдурур ишин.
- Бюгюн дуния кибик, тамбла ахыратды.
- Эки итни арасына сюек атма, эки адамны арасында сёз чыгъарма.
- Аш кетер да бет къалыр.
- Бети бедерден, намыс сакълама.
- Урунуу – насыбны анасы.
- Ханы къызы буюгъа-буюгъа киштик болду.
- «Ма», - дегенни билмесенг, «бер», - дегенни билмезсе.
- Ач уят къоймаз.
- Намысы джокъну – дуниясы джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Гитче джилтин уллу элни джандырыр.
- Аман адамны тепсинге олтуртсанг, къызынгы тилер.
- Ханнга да келеди хариблик.
- Татлы тилде – сёз ариу, чемер къолда – иш ариу.
- Аш хазыр болса, иш харам болур.
- Мал ёлсе, сюек къалыр, адам ёлсе, иши къалыр.
- Юйюнгден чыкъдынг – кюнюнгден чыкъдынг.
- Биреуню эскиси биреуге джангы болмайды.
- Биреуге кёлтюрген таягъынг, кесинги башынга урур.
- Сабий болмагъан джерде, мёлек болмаз.
- Уясында не кёрсе, учханында аны этер.
- Джан саулукъ бермей, сан саулукъ бермезсе.
- Махтаннган къыз, тойда джукълар.
- Билим ат болуб да чабар, къуш болуб да учар.
- Уллу сёлешме да, уллу къаб.
- Ишлегенде эринме, ишде чолакъ кёрюнме.
- Тилде сюек болмаса да, сюек сындырыр.
- Рысхы – сют юсюнде кёмюк кибикди.
- Бичгенде ашыкъма, тикгенде ашыкъ.
- Суугъа – чабакъ, къаягъа – ыргъакъ.
- Къошда джокъгъа – юлюш джокъ.
- Айтылгъан буйрукъ, сёгюлмез
- Къуллукъчума, деб махтанма, къуллукъ – хаух джамчыды!
- Билим насыб берир, билим джолну керир.
- Зар адам ашынгы ашар, кесинги сатар.
- Гыдай эчки суугъа къараб, мюйюзле кёрмесе, джашма алкъын, дегенди.
- Эртде тургъан бла эртде юйленнген сокъуранмаз.
- Болджал ишни бёрю ашар.
- Къонакъ хазыр болгъанлыкъгъа, къонакъбай хазыр тюлдю.
- Ёлген эшек бёрюден къоркъмайды.
- Биреу ашаб къутулур, биреу джалаб тутулур.
- Чарсда алчыны эл кёреди.
- Къарт бла баш аша, джаш бла аякъ аша.
- Адам туугъан джеринде, ит тойгъан джеринде.
- Эшекге миннген – биринчи айыб, андан джыгъылгъан – экинчи айыб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72