- Ачыкъ джюрекге джол – ачыкъ.
- Иги болса, тамадама – махтау, аман болса, меннге – айыб.
- Джюрекге ариу – кёзге да ариу.
- Аууз сакълагъан – джан сакълар.
- Хаухну атма, ёнгкючню сатма.
- Джангыз терек къынгыр ёсер.
- Ишленмеген джаш – джюгенсиз ат, ишленмеген къыз – тузсуз хант.
- Къарт бла баш аша, джаш бла аякъ аша.
- Ауругъан – джашаудан умутчу.
- Ётюрюкчюню шагъаты – къатында.
- Аджал соруб келмез, келсе, къайтыб кетмез.
- Кирсизни – саны таза, халалны – къаны таза.
- Ач отунчуну ачыуу – бурнунда.
- Баланы адам этген анады.
- Атадан ёксюз – бир ёксюз, анадан ёксюз – эки ёксюз.
- Абынмазлыкъ аякъ джокъ, джангылмазлыкъ джаякъ джокъ.
- Билим ат болуб да чабар, къуш болуб да учар.
- Харам къарнашдан, халал тенг ашхы.
- Аман эсирсе, юйюн ояр.
- Накъырда – кертини келечиси.
- Тилчи бир сагъатха айлыкъ хата этер.
- Къарнынг тойгъунчу аша да, белинг талгъынчы ишле.
- Чыбыкълыкъда бюгюлмеген, къазыкълыкъда бюгюлмей эди.
- Акъыл сабырлыкъ берир.
- Чакъырылмагъан къонакъ – орунсуз.
- Ёгюзню мюйюзюнден тутадыла, адамны сёзюнден тутадыла.
- Къарыусузгъа кюлме, онгсузгъа тийме.
- Аманны тукъумуна къарама, игини тукъумун сорма.
- Окъугъан – асыу, окъумагъан – джарсыу.
- Джукъу тёшек сайламайды.
- Аш иеси бла татлыды.
- Кесине оноу эте билмеген, халкъына да эте билмез.
- Сабыр джетер муратха, сабырсыз къалыр уятха.
- Джыйырма къойну юч джыйырма эбзе кюте эди.
- Ачлыкъда тары гырджын халыуадан татлы.
- Алгъанда – джууукъ, бергенде – джау.
- Эри аманны, къатыны – аман.
- Аякъларынгы джууургъанынга кёре узат.
- Атлыны кёрсе, джаяуну буту талыр.
- Тил джюрекге джол ишлейди.
- Ишлегенде эринме, ишде чолакъ кёрюнме.
- Эки итни арасына сюек атма, эки адамны арасында сёз чыгъарма.
- Тай асырагъан, атха минер.
- Бир абыннган – минг сюрюнюр.
- Ашын ашагъанынгы, башын да сыйла.
- Джашлыкъ этмеген, башлыкъ этмез.
- Къызгъанчдан ычхыныр, мухардан ычхынмаз.
- Ойнай-ойнай кёз чыгъар.
- Накъырданы арты керти болур.
- Эл тойса, тоймагъан, эл къойса, къоймагъан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72