- Кёрмегеннге кебек – танг, битмегеннге сакъал – танг.
- Эм ашхы къайын ана мамукъ бла башынгы тешер.
- Чабар ат – джетген къыз.
- Тойгъан джерден туугъан джер игиди.
- Эрни эр этерик да, къара джер этерик да, тиширыуду.
- Хантына кёре тузу, юйюне кёре къызы.
- Кийим тукъум сордурур.
- Къыз чыгъаргъан – къызыл къымжа.
- Къозулугъунда тоймагъан, къойлугъунда тоймаз.
- Окъугъанны бети джарыкъ.
- Зарда марда джокъ.
- Дуния малгъа сатылма, кесингден телиге къатылма.
- Босагъа таш юйге кирмей эди, тыбыр таш эшикге чыкъмай эди.
- Джыгъылгъанны сырты джерден тоймаз.
- Нёгер болсанг, тенг бол, тенг болмасанг, кенг бол.
- Суугъа – таянма, джаугъа – ийнанма.
- Душманны тышы – акъ, ичи – къара.
- Мал тутхан – май джалар.
- Таукелге нюр джауар.
- Ата джурт – алтын бешик.
- Кёб ант этген, кёб ётюрюк айтыр.
- Эм уллу байлыкъ – джан саулукъ.
- Къонагъы джокъну – шоху джокъ.
- Джюз элде джюз ёгюзюм болгъандан эсе, джюз джууугъум болсун.
- Чомарт къолда мал къалмаз.
- Тау башында, тау болмаз, джангыз терек, бау болмаз.
- Бёрю да ач къалмасын, эчки да ашалмасын.
- Адебсиз адам – джюгенсиз ат.
- Гитче джилтин уллу элни джандырыр.
- Эртде тургъан бла эртде юйленнген сокъуранмаз.
- Айтханы чапыракъдан ётмеген.
- Джырчы джырчыгъа – къарнаш.
- Тёрдеги кюлсе, эшикдеги ышарыр.
- Ашха уста, юйюнде болсун
- Ёлген ийнек сютлю болур.
- Акъылсызны джууукъгъа алма, акъыллыны кенгнге салма.
- Чакъырылмагъан къонакъ тёрге атламаз.
- Аууз сакълагъан – джан сакълар.
- Къыйынлы джети элге оноу этер.
- Эркиши – от, тиширыу – суу.
- Къумурсхала джыйылсала, пилни да джыгъадыла.
- Аман эсирсе, юйюн ояр.
- Джарлы тюеге минсе да, ит къабар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Башсыз урчукъ тюзюне айланмаз.
- Зар адам ашынгы ашар, кесинги сатар.
- Ана къойну – балагъа джандет.
- Кёл ашады да, кеси ашады.
- Джуртун къоругъан озар.
- Сабийни джумушха джибер да, ызындан бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72