- От этилмеген джерден тютюн чыкъмайды.
- Джумушакъ терекни къурт ашар.
- Къарын къуру болса, джюрек уру болур.
- Джарашыу сюйген – джалынчакъ.
- Ач бёрюге мекям джокъ.
- Ётюрюк хапар аякъ тюбю бла джюрюйдю.
- Айранын берсенг, челегин да къызгъанма.
- Ёзденликни кёбю ётюрюк.
- Адамны аты башхача, акъылы да башхады.
- Джолунга кёре – джюрюшюнг, джагъанга кёре – юлюшюнг.
- Уллу суу бла уллу ауруудан башынгы сакъла.
- Билмегенинги, билгеннге сор.
- Джылыгъа джылан илешир.
- Аш иеси бла татлыды.
- Эл ауузу – элек, анга ийнаннган – халек.
- Ким бла джюрюсенг, аны кёзю бла кёрюнюрсе.
- Эте билген, этген этеди, эте билмеген, юретген этеди!
- Адеб базарда сатылмаз.
- Алгъанда – джууукъ, бергенде – джау.
- Сабий кёргенин унутмаз.
- Айтханы чапыракъдан ётмеген.
- Джарлы тюеге минсе да, ит къабар.
- Чомарт джарлы болмаз.
- Ата – баланы уясы.
- Кёкдеги болмаса, джердегин кёрмейди.
- Оюмсуз атлагъан, аджалсыз ёлюр.
- Къайтырыкъ эшигинги, къаты уруб чыкъма.
- Сёз сёзню айтдырыр.
- Ашда – бёрю, ишде – ёлю.
- Джиби бир къат джетмей эди да, эки къат тарта эди.
- Адам боллукъ, атламындан белгили болур.
- Аджаллыгъа окъсуз шкок атылыр.
- Ёлюк кебинсиз къалмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Чакъырылгъанны аты, чакъырылмагъанны багъасы болур.
- Эр сокъур болсун, къатын тилсиз болсун.
- Ашына кёре табагъы, балына кёре къалагъы.
- Сабийликде юретмесенг, уллу болса – тюзелмез.
- Гугук кесини атын айтыб къычыргъанча, мен, мен деб нек тураса?
- Къонагъы джокъну – шоху джокъ.
- Бозанг болмагъан джерге, къалагъынгы сукъма.
- Ач къалгъандан, кеч къалгъан къолай.
- Ичимден чыкъды хата, къайры барайым сата?
- Акъыл къартда, джашда тюйюлдю – башдады.
- Сагъыш – къартлыкъгъа сюйюмчю.
- Тели турса – той бузар.
- Къартха ушагъан джаш – акъыллы, джашха ушагъан къарт – тели.
- Ургъан суудан башынгы сакъла.
- Иги сёз – джаннга азыкъ, аман сёз башха – къазыкъ.
- Ауузу аманнга «иги», деме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72