- Билмезни кёзю кёрмез, этмезни къулагъы эшитмез.
- Къазанда болса, чолпугъа чыгъар.
- Джеринден айырылгъан – джети джылар, джуртундан айырылгъан – ёлгюнчю джылар.
- Аманны тукъумуна къарама, игини тукъумун сорма.
- Къралынгы – душмандан, башынгы от бла суудан сакъла.
- Бети – къучакълар, джюреги – бычакълар.
- Aдам боллукъ, сыфатындан белгили.
- Дуния малгъа сатылма, кесингден телиге къатылма.
- Азыкълы ат арымаз, къатыны аман джарымаз.
- Гугук кесини атын айтыб къычыргъанча, мен, мен деб нек тураса?
- Эртде тургъан джылкъычыны эркек аты тай табар.
- Мал кёб болса, джууукъ кёб болур.
- Ачлыкъ отха секиртир.
- Телини эшигин, махтау джабар.
- Джюз элде джюз ёгюзюм болгъандан эсе, джюз джууугъум болсун.
- Намыс сатылыб алынмайды.
- Шайтан алдады, тюзлюк къаргъады.
- Иги адамны бир сёзю эки болмаз.
- Абынмазлыкъ аякъ джокъ, джангылмазлыкъ джаякъ джокъ.
- Элде адам къалмаса, ит тахтагъа минер.
- Ата – билек, ана – джюрек!
- Эллинг бла джау болсанг да, юйюнг бла джау болма.
- Биреуге кёлтюрген таягъынг, кесинги башынга урур.
- Ат басханны джер билед.
- Аякъларынгы джууургъанынга кёре узат.
- Ачны эсинде – аш.
- Аман киши кеси юйюнде – къонакъ.
- Айныгъанлы алты кюн, тогъайгъанлы тогъуз кюн.
- Къобан да къуру да къобханлай турмайды, адам да къуру да патчахлай турмайды.
- Чарсда алчыны эл кёреди.
- Дженгил джетерикме деб, узун джолну къоюб, къысхасын барма.
- Аз сёлешген, къайгъысыз турур.
- Таукел тауну аудурур.
- Келлик заман – къартлыкъ келтирир, кетген заман – джашлыкъ ёлтюрюр.
- Чомарт бергенин айтмаз.
- Тин – байлыгъынг, терен саулугъунг.
- Чабар ат – джетген къыз.
- Хоншуну тауугъу къаз кёрюнюр, келини къыз кёрюнюр.
- Билимсиз иш бармаз.
- Ариу сёз джыланны орнундан чыгъарыр.
- Таякъ этден ётер, тил сюекден ётер.
- Чакъырылмагъан джерге барма, чакъырылгъан джерден къалма.
- Ёзденликни джайгъан – джокълукъ.
- Биреуню тёрюнден, кесинги эшик артынг игиди.
- Орундукъ тюбюнде атылсам да, орта джиликме, де да айлан.
- Къоркъакъны кёзю экили кёрюр.
- Чомартха хар кюн да байрамды.
- Тойгъа алгъа да барма, тойда артха да къалма.
- Биреуге аманлыкъ этиб, кесинге игилик табмазса.
- Иесиз малны бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72