- Къызын тута билмеген, тул этер, джашын тута билмеген, къул этер.
- Тамырсыз терекге таянма – джыгъылырса.
- Къан бла кирген, джан бла чыгъар.
- Сабыр джетер муратха, сабырсыз къалыр уятха.
- Къонагъы джокъну – шоху джокъ.
- Джылкъыдан – ат чыгъар, тукъумдан – джаш чыгъар.
- Иесиз малны бёрю ашар.
- Сагъыш – къартлыкъгъа сюйюмчю.
- Тюзлюк шохлукъну бегитир.
- Ишлегенден, къарагъан уста.
- Тамчы таш тешер.
- Тилсиз миллет джокъ болур.
- Кийим тукъум сордурур.
- Джумушакъ сёз къаты таякъны сындырыр.
- Иги джашны ышаны – аз сёлешиб, кёб тынгылар.
- Чомарт джарлы болмаз.
- Баланы адам этген анады.
- Кесине оноу эте билмеген, халкъына да эте билмез.
- Уллу сёлешме да, уллу къаб.
- Айтылгъан сёз ызына къайтмаз.
- Адамгъа аман кюн соруб келмейди.
- Келинни – келгинчи, бёркню кийгинчи кёр.
- Сагъышы джокъ – джукъучу, акъылы джокъ – къаугъачы.
- Акъыл къартда, джашда тюйюлдю – башдады.
- Джан саулукъ бермей, сан саулукъ бермезсе.
- Тилде сюек болмаса да, сюек сындырыр.
- Бастасын ашагъан, хантусун да ичер.
- Тилчи тилден къаныкъмаз.
- Эл бла кёргенинг эрелей.
- Аджашханны ызындагъы кёреди, джангылгъанны джанындагъы биледи.
- Ана къолу ачытмаз.
- Экиндини кеч къылсанг, чабыб джетер ашхам.
- Татлы тилде – сёз ариу, чемер къолда – иш ариу.
- Элни кючю – эмеген.
- Къозулугъунда тоймагъан, къойлугъунда тоймаз.
- Дуния мал дунияда къалады.
- Кеси юйюмде мен да ханма.
- Этек чакъмакълары баш джаргъан, сёлешген сёзлери таш джаргъан.
- Ауругъанны сау билмез, ач къарынны токъ билмез.
- Зар адам ашынгы ашар, кесинги сатар.
- Ургъан суудан башынгы сакъла.
- Этни бети бла шорпасы.
- Чомарт бергенин айтмаз.
- Билмезни кёзю кёрмез, этмезни къулагъы эшитмез.
- Азыкълы ат арымаз, къатыны аман джарымаз.
- Эринчекге кюн узун.
- Адам сёзюнден белгили.
- Насыблы элин сюер, насыбсыз кесин сюер.
- Ашхы – джыяр, аман – джояр.
- Телиге от эт десенг, юйюнге от салыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72