Эльбрусоид :: Форум :: Архив форумов

Иги адамны бир сёзю эки болмаз.
Аман адам этегингден тутса, кес да къач.
Тюз сёз баргъан сууну тыяр.
Джашлыкъ этмеген, башлыкъ этмез.
Уллу сёзде уят джокъ.
Ачыкъ джюрекге джол – ачыкъ.
Атынг аманнга чыкъгъандан эсе, джанынг тамагъынгдан чыкъсын.
Тёзген – тёш ашар!
Къууут – джелге, берне – бошха.
Къарнынг тойгъунчу аша да, белинг талгъынчы ишле.
Бети къызарыучу адамны, джюреги харам болмаз.
Тойгъа алгъа да барма, тойда артха да къалма.
Акъыл неден да кючлюдю.
Булут кёкге джарашыу, уят бетге джарашыу.
Сёз садакъдан кючлюдю.
«Ма», - дегенни билмесенг, «бер», - дегенни билмезсе.
Кесинг сынамагъан затны, адамгъа буюрма.
Кёб джашагъан – кёб билир.
Ушамагъан – джукъмаз.
Джылкъыдан – ат чыгъар, тукъумдан – джаш чыгъар.
Алтыда кюлмеген, алтмышда кюлмез.
Тилчиден кери бол.
Итли къонакъ джарашмаз.
Хантына кёре тузу, юйюне кёре къызы.
Экеу тутушса, биреу джыгъылыр.
Биреуню эскиси биреуге джангы болмайды.
Кёкдеги болмаса, джердегин кёрмейди.
Бичгенде ашыкъма, тикгенде ашыкъ.
Бир абыннган – минг сюрюнюр.
Келинин тута билмеген, къул этер, къызын тута билмеген, тул этер.
Ётюрюкден тюбю джокъ, кёлтюрюрге джиби джокъ.
Джарлыны тону джаз битер.
Таукел къуру къалмаз.
Джашынгы кесинг юретмесенг, джашау юретир.
Аманны эки битли тону болур, бирин сеннге кийдирир, бирин кеси киер.
Арба аугъандан сора, джол кёргюзтюучю кёб болур.
Намысы болмагъанны, сыйы болмаз.
Тас болгъан бычакъны сабы – алтын.
Къайгъыны сюйген, къайгъы табар.
Аш берме да, къаш бер.
Ач къарынны, токъ билмез
Къулакъдан эсе, кёзге ышан.
Ариу джол аджал келтирмез.
Атлыны кёрсе, джаяуну буту талыр.
Кюл тюбюндеги от кёрюнмейди.
Джашда акъыл джокъ, къартда къарыу джокъ.
Бир онгсуз адам адет чыгъарды, деб эштирик тюлсе.
Кёбден умут этиб, аздан къуру къалма.
Айтхан сёзюне табылгъан.
Сёлеш деб шай берген, тохта деб, сом берген.

Логин:
Пароль:
	Запомнить меня на этом компьютере

Забыли свой пароль?
Регистрация