- Тойгъа алгъа да барма, тойда артха да къалма.
- Айран ичген – къутулду, джугъусун джалагъан – тутулду.
- Сёз сёзню айтдырыр.
- Халкъгъа джарагъан, джарлы къалмаз.
- Башсыз урчукъ тюзюне айланмаз.
- Тёзген – тёш ашар!
- Ач къарным, тынч къулагъым.
- Ойнай билмеген, уруб къачар.
- Чомарт къонакъ юй иесин сыйлар.
- Ким бла джюрюсенг, аны кёзю бла кёрюнюрсе.
- Акъылсызны джууукъгъа алма, акъыллыны кенгнге салма.
- Кёб джашагъан – кёб билир.
- Адамны сыфатына къарама, сёзюне къара.
- Билген билмегенни юретген адетди.
- Тенгинг джокъ эсе – изле, бар эсе – сакъла!
- Намысы джокъну – дуниясы джокъ.
- Дуния аламаты сен эсенг да, игиме деб айтма.
- Игиге айтсанг – билир, аманнга айтсанг – кюлюр.
- Ишлегенден, къарагъан уста.
- Уллу айтханны этмеген – уллаймаз.
- Биреуню эскиси биреуге джангы болмайды.
- Дуния мал дунияда къалады.
- Тилде сюек болмаса да, сюек сындырыр.
- Чабакъсыз кёлге къармакъ салгъанлыкъгъа, чабакъ тутмазса.
- Ачлыкъ отха секиртир.
- Эллинг бла джау болсанг да, юйюнг бла джау болма.
- Къонакъны къачан кетерин сорма, къачан келлигин сор.
- Таугъа чыгъаллыкъ эсенг, тюзде къалма.
- Босагъагъа джууукъ орун болса, ашыгъыб тёрге озма.
- Тёрде – темир таякълы, къаяда – чыпчыкъ аякълы.
- Эм уллу байлыкъ – джан саулукъ.
- Адамны аманы адамны бети бла ойнар.
- Алтыннга тот къонмаз.
- Айтханы чапыракъдан ётмеген.
- Иги джашны ышаны – аз сёлешиб, кёб тынгылар.
- Къарт болгъан джерде, берекет болур, сабий болгъан джерде, оюн болур.
- Къонакъ кёб келюучю юйню, къазаны отдан тюшмез.
- Сёз – кюмюш, джыр – алтын.
- Джашлыкъ этмеген, башлыкъ этмез.
- Мухар, кеси тойса да, кёзю тоймаз.
- Сабийликде юретмесенг, уллу болса – тюзелмез.
- Къарнынг бла ёч алма.
- Тешигини къатында, чычхан да батыр болур.
- Адеб базарда сатылмаз.
- Къайгъыны сюйген, къайгъы табар.
- Гыдай эчки суугъа къараб, мюйюзле кёрмесе, джашма алкъын, дегенди.
- Бир абыннган – минг сюрюнюр.
- Ётюрюк хапар аякъ тюбю бла джюрюйдю.
- Аякъларынгы джууургъанынга кёре узат.
- Ашарыкъда сайлагъаннга – чий гырджын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72