Эльбрусоид :: Форум :: Архив форумов

Кёб джашагъан – кёб билир.
Ауругъаннга – кийик саулукъ, джетген къызгъа – чилле джаулукъ.
Ач да бол, токъ да бол – намысынга бек бол.
Киштикге къанат битсе, чыпчыкъ къалмаз эди.
Акъдан къара болмаз.
Ашда уялгъан – мухар, ишде уялгъан – хомух.
Нёгерсизни джолу узун.
Уясында не кёрсе, учханында аны этер.
Окъугъан – асыу, окъумагъан – джарсыу.
Ишленмеклик адамлыкъды.
Къолунгдан къуймакъ ашатсанг да, атаны борчундан къутулмазса.
Ач къарынны, токъ билмез
Тойгъан джерге джети къайт.
Билим – акъылны чырагъы.
Мени джылытмагъан кюн, меннге тиймесин!
Бети бедерден, намыс сакълама.
Тёрени джагъы джокъ.
Чыкълы кюнде чыкъмагъан, чыкъса къуру кирмеген.
Къанны къан бла джуума, аманны аман бла къуума.
От кюйдюрген, сау болса да, тот кюйдюрген, сау болмаз.
Ачлыкъда тары гырджын халыуадан татлы.
Дуния малгъа сатылма, кесингден телиге къатылма.
Ишге юренсин къоллары, халкъ бла болсун джоллары.
Джеринден айырылгъан – джети джылар, джуртундан айырылгъан – ёлгюнчю джылар.
Суугъа – таянма, джаугъа – ийнанма.
Ёнгкюч къууана барыр, джылай келир.
Ашхы сёз таш тешер.
Тил – миллетни джаны.
Кесине гебен этелмеген, биреуге черен эте эди.
Тулпарлыкъ, билекден тюл – джюрекден.
Къатын байлыкъны сюер, эр саулукъну сюер.
Игилик игилик бла сингдирилиучю затды.
Гыдай эчки суугъа къараб, мюйюзле кёрмесе, джашма алкъын, дегенди.
Эски джаугъа ышанма.
Ишни ахырын ойламай, аллын башлама.
Намысы джокъну – дуниясы джокъ.
Юйлю уругъа ит чабмаз.
Ана – юйню кюн джарыгъы.
Адамны джюреги нени кёрюрге сюйсе, кёзю да аны кёрюрге ёч болады.
Aдам боллукъ, сыфатындан белгили.
Адамны сыфатына къарама, сёзюне къара.
Чомарт къонакъ юй иесин сыйлар.
Чакъырылмагъан къонакъ – орунсуз.
Кёб джат да, бек чаб.
Рысхысына кёре, джаш ёсер, къышлыгъына кёре, мал ёсер.
Эл ауузу – элия.
Ата – баланы уясы.
Адамны адамлыгъы къыйынлыкъда айгъакъланады.
Уруну арты – къуру.
Кийимни бичсенг, кенг бич, тар этген къыйын тюлдю.

Логин:
Пароль:
	Запомнить меня на этом компьютере

Забыли свой пароль?
Регистрация