- Аман хансны – урлугъу кёб.
- Иши джокъну, сыйы джокъ.
- Джетген къыз джерли эшекни танымаз.
- Чомартны къолун джокълукъ байлар.
- Адам боллукъ, атламындан белгили болур.
- Юй ишлеген балта эшикде къалыр.
- Джарлы эскисин джамаса, къууаныр.
- Къоркъакъны кёзю экили кёрюр.
- Къонагъы джокъну – шоху джокъ.
- Билимсиз иш бармаз.
- Аманны къуугъан, аманлыкъ табар.
- Кесинге джетмегенни, кёб сёлешме.
- Тура эдим джата, къайдан чыкъды хата?
- Тёрени джагъы джокъ.
- Суугъа – таянма, джаугъа – ийнанма.
- Ач бёрюге мекям джокъ.
- Таула не мийик болсала да, аууш табылыр.
- Игилик игилик бла сингдирилиучю затды.
- Ач къарным, тынч къулагъым.
- Сабыр джетер муратха, сабырсыз къалыр уятха.
- Къайгъыны сюйген, къайгъы табар.
- Ач да бол, токъ да бол – намысынга бек бол.
- Къан бла кирген, джан бла чыгъар.
- Ашда уялгъан – мухар, ишде уялгъан – хомух.
- Ана къолу ачытмаз.
- Тойгъан джерге джети къайт.
- Тёзген – тёш ашар!
- Къыйынлы джети элге оноу этер.
- Ат басханны джер билед.
- Баланы адам этген анады.
- Итли къонакъ джарашмаз.
- Ышармагъан – кюлмез, кюлмеген – къууанчны билмез.
- Аджашханны ызындагъы кёреди, джангылгъанны джанындагъы биледи.
- Тойгъа алгъа да барма, тойда артха да къалма.
- Таш ата билмеген, башына урур.
- Джылыгъа джылан илешир.
- Чабар ат – джетген къыз.
- Махтаннган къыз, тойда джукълар.
- Аллахдан тилесенг, кёб тиле.
- Нёгер болсанг, тенг бол, тенг болмасанг, кенг бол.
- Акъыллы эркиши атын махтар, акъылсыз эркиши къатынын махтар.
- Болджал ишни бёрю ашар.
- Къонакъ аз олтурур, кёб сынар.
- Аманнга алтын чыдамаз.
- Ашхы тенг джолгъа салыр, аман тенг джолдан тайдырыр.
- Ариу джол аджал келтирмез.
- Чомартха Тейри да борчлуду.
- Ишленмеген джаш – джюгенсиз ат, ишленмеген къыз – тузсуз хант.
- Сескекли кесин билдирир.
- Къаллай салам берсенг, аллай джууаб алырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72