- Кесинге джетмегенни, кёб сёлешме.
- Бир онгсуз адам адет чыгъарды, деб эштирик тюлсе.
- Джиби бир къат джетмей эди да, эки къат тарта эди.
- Эте билген, этген этеди, эте билмеген, юретген этеди!
- Сангырау къулакъ эл бузар.
- Уллу сёлешме да, уллу къаб.
- Къуллукъчума, деб махтанма, къуллукъ – хаух джамчыды!
- Намысы болмагъанны, сыйы болмаз.
- Ойнай-ойнай кёз чыгъар.
- Уллу къазанда бишген эт, чий къалмаз.
- Байлыкъ адамны сокъур этер.
- Келлик заман – къартлыкъ келтирир, кетген заман – джашлыкъ ёлтюрюр.
- Ата джурт – алтын бешик.
- Ёмюрлюк шохлукъну джел элтмез.
- Къар – келтирди, суу – элтди.
- Джети тилни билген джети кишиди.
- Мухар, кеси тойса да, кёзю тоймаз.
- Тау башында, тау болмаз, джангыз терек, бау болмаз.
- Ашхы болсанг, атынг чыгъар, аман болсанг, джанынг чыгъар.
- Тамчы таш тешер.
- Юй ишлеген балта эшикде къалыр.
- Ишни ахырын ойламай, аллын башлама.
- Мени джылытмагъан кюн, меннге тиймесин!
- Баланы адам этген анады.
- Акъдан къара болмаз.
- Ачны эсинде – аш.
- Аманны къуугъан, аманлыкъ табар.
- Эл элде бирер малынг болгъандан эсе, бирер тенгинг болсун.
- Къонакъ аман болса, къонакъбай джунчур
- Ёлмесенг да, къарт дамы болмазса?
- Сакъ юйюне сау барыр.
- Джетген къыз джерли эшекни танымаз.
- Чомарт джарлы болмаз.
- Адебсиз адам – джюгенсиз ат.
- Туз, гырджын аша, тюзлюк бла джаша.
- Билимден уллу байлыкъ джокъду.
- Бетинги сатма, малынгы сат.
- Къонакъ хазыр болгъанлыкъгъа, къонакъбай хазыр тюлдю.
- Адам сёзге тынгыла, акъыл сёзню ангыла.
- Дуния мал дунияда къалады.
- Аз сёлеш, кёб ишле.
- Адебни адебсизден юрен.
- Тёрдеги кюлсе, эшикдеги ышарыр.
- Аман адамны тепсинге олтуртсанг, къызынгы тилер.
- Аджал соруб келмез, келсе, къайтыб кетмез.
- Чабар ат – джетген къыз.
- Джерни букъусу кёкге къонмаз.
- Джылар джаш, атасыны сакъалы бла ойнар.
- Юйюнгден чыкъдынг – кюнюнгден чыкъдынг.
- Юйюнг бла джау болгъандан эсе, элинг бла джау бол.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72