- Эркиши – от, тиширыу – суу.
- Экеулен сёлеше тура эселе, орталарына барыб кирме.
- Адамгъа аман кюн соруб келмейди.
- От кюйдюрген, сау болса да, тот кюйдюрген, сау болмаз.
- Аман къатын алгъан, арыр, иги къатын алгъан джарыр.
- Аджашхан тёгерек айланыр.
- Джылыгъа джылан илешир.
- Чакъырылмай келген къонакъ сыйланмай кетер.
- Илму – джашауну джолу.
- Ашда уялгъан – мухар, ишде уялгъан – хомух.
- Къарт бла баш аша, джаш бла аякъ аша.
- Къыз келсе, джумуш эте келеди, къатын келсе, ушакъ эте келеди.
- Эте билген, этген этеди, эте билмеген, юретген этеди!
- Адамны аманы адамны бети бла ойнар.
- Бал ашаргъа сюе эсенг, чибин ургъаннга тёз.
- Тамырсыз терекге таянма – джыгъылырса.
- Гугурук къычырмаса да, тангны атары къалмаз.
- Чалманны аллы къалай башланса, арты да алай барады.
- Аман эсирсе, юйюн ояр.
- Бек ашыкъгъан меннге джетсин, дегенди аракъы.
- Терслик кетер, тюзлюк джетер.
- Тынгылагъан тынгы бузар.
- Кютгени беш эчки, сызгъыргъаны уа, джерни джарады.
- Кёбге таш атма.
- Къошда джокъгъа – юлюш джокъ.
- Таш ата билмеген, башына урур.
- Чомарт джарлы болмаз.
- Къарын къуру болса, джюрек уру болур.
- Башсыз урчукъ тюзюне айланмаз.
- Таукел къуру къалмаз.
- Таш бла ургъанны, аш бла ур.
- Ишин билген, аны сыйын чыгъарады.
- Тойгъа алгъа да барма, тойда артха да къалма.
- Сибиртки да сыйлы болду, кюрек да кюнлю болду.
- Къызны минг тилер, бир алыр.
- Билмегенинги, билгеннге сор.
- Кечеси – аяз, кюню – къыш, джарлы къаргъагъа бир аш тюш!
- Хатерли къул болур.
- Сабийликде юретмесенг, уллу болса – тюзелмез.
- Ишни аллы бла къууанма да, арты бла къууан.
- Кёлю джокъну – джолу джокъ.
- Ариу сёз джыланны орнундан чыгъарыр.
- Битмегеннге сакъал – танг.
- Къуру гыбыт бек дыгъырдар.
- Чомартха хар кюн да байрамды.
- Къан бла кирген, джан бла чыгъар.
- Тюзлюк тас болмайды.
- Ашхы – джыяр, аман – джояр.
- Къатыны харакетли болса, эри къымсыз болур.
- Агъач халкъгъа алтынды, иссиликге салкъынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72