- Эки итни арасына сюек атма, эки адамны арасында сёз чыгъарма.
- Джаз бир кюнню джатсанг, къыш талай кюнню абынырса.
- Къонакъ кёб келюучю юйню, къазаны отдан тюшмез.
- Къызгъанчдан ычхыныр, мухардан ычхынмаз.
- Чакъырылгъанны аты, чакъырылмагъанны багъасы болур.
- Мен да «сен», дейме, сен да «кесим», дейсе.
- Элиб деген, элге болушур.
- Этни бети бла шорпасы.
- Кёб къычыргъандан – къоркъма, тынч олтургъандан – къоркъ.
- Джылар джаш, атасыны сакъалы бла ойнар.
- Ёлген ийнек сютлю болур.
- Ач бёрюге мекям джокъ.
- Байлыкъ келсе, акъыл кетер.
- Къар – келтирди, суу – элтди.
- Атлыны ашхысы, ат тизгининден билинир
- Бек анасы джыламаз.
- Аманнга игилик этсенг, юйюнге сау бармазса.
- Окъуу – билимни ачхычы, окъуу – дунияны бачхычы.
- Келинни – келгинчи, бёркню кийгинчи кёр.
- Эркиши – от, тиширыу – суу.
- Бети – къучакълар, джюреги – бычакълар.
- Ашхы болсанг, атынг чыгъар, аман болсанг, джанынг чыгъар.
- Этек чакъмакълары баш джаргъан, сёлешген сёзлери таш джаргъан.
- Юйюнг бла джау болгъандан эсе, элинг бла джау бол.
- Билим насыб берир, билим джолну керир.
- Джеринден айырылгъан – джети джылар, джуртундан айырылгъан – ёлгюнчю джылар.
- Джыйырма къойну юч джыйырма эбзе кюте эди.
- Ашхы – джыяр, аман – джояр.
- Джетген къыз джерли эшекни танымаз.
- Акъыл къартда, джашда тюйюлдю – башдады.
- Ауругъанны сау билмез, ач къарынны токъ билмез.
- Къалгъан ишге къар джауар.
- Ашына кёре табагъы, балына кёре къалагъы.
- Къарт бла баш аша, джаш бла аякъ аша.
- Кёл – къызбай, къол – батыр.
- Иги адам абынса да, джангылмаз.
- Кёбге таш атма.
- Кёзю сокъурдан – къоркъма, кёлю сокъурдан – къоркъ.
- Чабакъгъа акъыл, табагъа тюшсе келеди.
- Хунаны тюбюн къазсанг, юсюнге ауар.
- Бюгюн дуния кибик, тамбла ахыратды.
- Кийиминг бла танылма, адамлыкъ бла таныл.
- Тиширыусуз юй – отсуз от джагъа.
- Мал тутхан – май джалар.
- Ашарыкъда сайлагъаннга – чий гырджын.
- Биреу ашаб къутулур, биреу джалаб тутулур.
- Аш хазыр болса, иш харам болур.
- Тулпарлыкъ, билекден тюл – джюрекден.
- Ат басханны джер билед.
- Джырына кёре эжиую.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72