- Игини сыйлагъан адетди.
- Элиб деген, элге болушур.
- Юйюнг бла джау болгъандан эсе, элинг бла джау бол.
- Ойнай-ойнай кёз чыгъар.
- Мал кёб болса, джууукъ кёб болур.
- Къонакъ аман болса, къонакъбай джунчур
- Чабар ат – джетген къыз.
- Аурууну келиую тынч, кетиую – къыйын.
- Чыкълы кюнде чыкъмагъан, чыкъса къуру кирмеген.
- Къалгъан ишге къар джауар.
- Эки итни арасына сюек атма, эки адамны арасында сёз чыгъарма.
- Эшекни не къадар тюйсенг да, ат болмаз.
- Акъыл аздырмаз, билим тоздурмаз.
- Къартха ушагъан джаш – акъыллы, джашха ушагъан къарт – тели.
- Билмейме деген – бир сёз
- Тилде сюек болмаса да, сюек сындырыр.
- Ёлюр джаннга, ёкюл джокъ.
- Ашхылыкъ джерде джатмайды, аманлыкъ суугъа батмайды.
- Ургъан суудан башынгы сакъла.
- Билим – акъылны чырагъы.
- Чарсда алчыны эл кёреди.
- Къозулугъунда тоймагъан, къойлугъунда тоймаз.
- Ойнаб айтсанг да, эслеб айт.
- Чалманны аллы къалай башланса, арты да алай барады.
- Акъыл бла адеб эгизледиле.
- Ауругъаннга – кийик саулукъ, джетген къызгъа – чилле джаулукъ.
- Акъыллы айтыр эди, акъылсыз къоймайды.
- Кёрмегеннге кебек – танг, битмегеннге сакъал – танг.
- Этек чакъмакълары баш джаргъан, сёлешген сёзлери таш джаргъан.
- Накъырда – кертини келечиси.
- Келинни – келгинчи, бёркню кийгинчи кёр.
- Сакъалы текени да бар, мыйыгъы киштикни да бар.
- Айран ичген – къутулду, джугъусун джалагъан – тутулду.
- Чакъырылмай келген къонакъ сыйланмай кетер.
- Чёбню кёлтюрсенг, тюбюнден сёз чыгъар.
- Джол бла сёзню къыйыры джокъ.
- Сёз – кюмюш, джыр – алтын.
- Джашлыкъ этмеген, башлыкъ этмез.
- Къонакъ хазыр болгъанлыкъгъа, къонакъбай хазыр тюлдю.
- Тёрени джагъы джокъ.
- Къарны аманнга къазан такъдырма, къолу аманнга от джакъдырма.
- Бал ашаргъа сюе эсенг, чибин ургъаннга тёз.
- Джолунга кёре – джюрюшюнг, джагъанга кёре – юлюшюнг.
- Тешигини къатында, чычхан да батыр болур.
- Булут кёкге джарашыу, уят бетге джарашыу.
- Намысы болмагъанны, сыйы болмаз.
- Башы ишлегенни, ауузу да ишлер.
- Ашда уялгъан – мухар, ишде уялгъан – хомух.
- Чакъырылгъанны аты, чакъырылмагъанны багъасы болур.
- Рысхы – сют юсюнде кёмюк кибикди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72