- Ёлген ийнек сютлю болур.
- Уясында не кёрсе, учханында аны этер.
- Таукел тауну аудурур.
- Адамны аманы адамны бети бла ойнар.
- Къуллукъчума, деб махтанма, къуллукъ – хаух джамчыды!
- Игиге айтсанг – билир, аманнга айтсанг – кюлюр.
- Акъыллы – эл иеси, тели – эл баласы.
- Къызбайны юйюне дери сюрсенг, батыр болур.
- Тойну къарнашы – харс, джырны къарнашы – эжиу.
- Тил бла келеди джыр да.
- Ачлыкъда тары гырджын халыуадан татлы.
- Къайтырыкъ эшигинги, къаты уруб чыкъма.
- Атлыны ашхысы, ат тизгининден билинир
- Ауругъанны сау билмез, ач къарынны токъ билмез.
- Къыйынлы джети элге оноу этер.
- Билген билмегенни юретген адетди.
- Кёзден кетген, кёлден да кетеди.
- Ханнга да келеди хариблик.
- Ашатыргъа иш – ашхы, ишлетирге аш – ашхы.
- Ашхы атаны – джашы ашхы, ашхы ананы – къызы ашхы.
- Юреннген ауруу къалмаз.
- Къайгъыны сюйген, къайгъы табар.
- Сакъалы текени да бар, мыйыгъы киштикни да бар.
- Чомарт къолда мал къалмаз.
- Кюл тюбюндеги от кёрюнмейди.
- Эр абынмай, эл танымаз.
- Кийим тукъум сордурур.
- Айран ичген – къутулду, джугъусун джалагъан – тутулду.
- Къайгъы тюбю – тенгиз.
- Гыдай эчки суугъа къараб, мюйюзле кёрмесе, джашма алкъын, дегенди.
- Къонакъ болсанг, ийнакъ бол.
- Кёкдеги болмаса, джердегин кёрмейди.
- Кёбден умут этиб, аздан къуру къалма.
- Тенгни тенглиги джашай барсанг билинир.
- Ашын ашагъанынгы, башын да сыйла.
- Уллу айтханны этмеген – уллаймаз.
- Ач келгенни – тойдур, кеч келгенни – къондур.
- Эркиши – от, тиширыу – суу.
- Къазанчы аман болса, къазаны къайнамаз.
- Эл элде бирер малынг болгъандан эсе, бирер тенгинг болсун.
- Юй ишлеген балта эшикде къалыр.
- Ачыу алгъа келсе, акъыл артха къалады.
- Эрни эр этерик да, къара джер этерик да, тиширыуду.
- Ата Джуртча джер болмаз, туугъан элча эл болмаз.
- Къолунгдан къуймакъ ашатсанг да, атаны борчундан къутулмазса.
- Мал тутхан – май джалар.
- Адамны сыфатына къарама, сёзюне къара.
- Билимли ёлмез, билимсиз кёрмез.
- Алгъанда – джууукъ, бергенде – джау.
- Аууз сакълагъан – джан сакълар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72