- Абынмазлыкъ аякъ джокъ, джангылмазлыкъ джаякъ джокъ.
- Сормай – алма, чакъырылмай – барма.
- Къарнынг бла ёч алма.
- Къазанны башы ачыкъ болса, итге уят керекди.
- Уясында не кёрсе, учханында аны этер.
- Кесине гебен этелмеген, биреуге черен эте эди.
- Биреуню эскиси биреуге джангы болмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Киштикге къанат битсе, чыпчыкъ къалмаз эди.
- Мадар болса, къадар болур.
- Кийимни бир кюнню аясанг, минг кюннге джарар.
- Адамны аманы адамны бети бла ойнар.
- Дженгил джетерикме деб, узун джолну къоюб, къысхасын барма.
- Ариу сёз – джаннга азыкъ, аман сёз – башха къазыкъ.
- Къумурсхала джыйылсала, пилни да джыгъадыла.
- Эшекге миннген – биринчи айыб, андан джыгъылгъан – экинчи айыб.
- Экиндини кеч къылсанг, чабыб джетер ашхам.
- Гыдай эчки суугъа къараб, мюйюзле кёрмесе, джашма алкъын, дегенди.
- Бюгюн дуния кибик, тамбла ахыратды.
- Ана къойну – балагъа джандет.
- Сабийликде юретмесенг, уллу болса – тюзелмез.
- Аманнга игилик этсенг, юйюнге сау бармазса.
- Ётюрюкден тюбю джокъ, кёлтюрюрге джиби джокъ.
- Билеги кючлю, бирни джыгъар, билими кючлю, мингни джыгъар.
- Айтылгъан буйрукъ, сёгюлмез
- Мал тутхан – май джалар.
- Мухарны эси – ашарыкъда.
- Къонакъ болсанг, ийнакъ бол.
- Тыш элде солтан болгъандан эсе, кесинги элде олтан болгъан игиди!
- Таугъа чыгъаллыкъ эсенг, тюзде къалма.
- Чомартны къолун джокълукъ байлар.
- Иги адамны бир сёзю эки болмаз.
- Хунаны тюбюн къазсанг, юсюнге ауар.
- Джыланны къуйругъундан басарынг келсе, аны башы болгъанын унутма.
- Кёб джашагъан – кёб билир.
- Окъугъанны бети джарыкъ.
- Бичгенде ашыкъма, тикгенде ашыкъ.
- Алтыннга тот къонмаз.
- Юре билмеген ит, къонакъ келтирир.
- Босагъа таш юйге кирмей эди, тыбыр таш эшикге чыкъмай эди.
- Аз айтсам, кёб ангылагъыз.
- Кёпюр салгъан кеси ётер, уру къазгъан кеси кетер.
- Хаухну атма, ёнгкючню сатма.
- Экеу тутушса, биреу джыгъылыр.
- Джетген къыз джерли эшекни танымаз.
- Рысхы джалгъанды: келген да этер, кетген да этер.
- Суу да къайтады чыкъгъан джерине.
- Эринчекге кюн узун.
- Иги сеники эсе да, сюйген кесимикин этеме.
- Ата – баланы уясы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72