Эльбрусоид :: Форум :: Архив форумов

Суу кетер, таш къалыр.
Бети къызарыучу адамны, джюреги харам болмаз.
Эки къатын алгъан – эки ташны ортасына башын салгъан.
Ата – баланы уясы.
Тешигини къатында, чычхан да батыр болур.
Элни кючю – эмеген.
Айранын берсенг, челегин да къызгъанма.
Чакъырылмай келген къонакъ сыйланмай кетер.
Эки элинги тыйсанг, джети элде махталырса.
Ёзденликни кёбю ётюрюк.
Ач да бол, токъ да бол – намысынга бек бол.
Ишни ахырын ойламай, аллын башлама.
Чомарт бергенин айтмаз.
Ачыкъ джюрекге джол – ачыкъ.
Тюзлюк шохлукъну бегитир.
Хантына кёре тузу, юйюне кёре къызы.
Акъыллы – эл иеси, тели – эл баласы.
Ашлыкъны арба юйге келтирир, чана базаргъа элтир.
Адеб базарда сатылмаз.
Къоркъакъны кёзю экили кёрюр.
Эл элде бирер малынг болгъандан эсе, бирер тенгинг болсун.
Айран тёгюлсе, джугъусу къалыр.
Ана – юйню кюн джарыгъы.
Аманны къуугъан, аманлыкъ табар.
Къобан да къуру да къобханлай турмайды, адам да къуру да патчахлай турмайды.
Кёзюнде тереги болгъан, чёбю болгъаннга кюле эди.
Таукелге нюр джауар.
Атлыны ашхысы, ат тизгининден билинир
Мадар болса, къадар болур.
Эринчекни аурууу – кёб.
Тиширыусуз юй – отсуз от джагъа.
Къыйынлы джети элге оноу этер.
Ишленмеклик адамлыкъды.
Мухарны эси – ашарыкъда.
Къыз келсе, джумуш эте келеди, къатын келсе, ушакъ эте келеди.
Хар сёзню орну барды.
Гугук кесини атын айтыб къычыргъанча, мен, мен деб нек тураса?
Тойну къарнашы – харс, джырны къарнашы – эжиу.
Джарлы эскисин джамаса, къууаныр.
Къайгъы тюбю – тенгиз.
Узун джолну барсанг, бюгюн келирсе, къысха джолну барсанг, тамбла келирсе.
Сормай – алма, чакъырылмай – барма.
Къарын къуру болса, джюрек уру болур.
Иги адам абынса да, джангылмаз.
Таукел къуру къалмаз.
Окъ къызбайны джокълайды.
Тойчу джашха къарама, къойчу джашха къара.
Сёз къанатсыз учар.
Байлыкъ адамны сокъур этер.
Айтылгъан буйрукъ, сёгюлмез

Логин:
Пароль:
	Запомнить меня на этом компьютере

Забыли свой пароль?
Регистрация