- Сёз къанатсыз учар.
- Кёб джат да, бек чаб.
- Тёрде – темир таякълы, къаяда – чыпчыкъ аякълы.
- Къая джолда джортма, ачыкъ сёзден къоркъма.
- Кёб ант этген, кёб ётюрюк айтыр.
- Джолда аягъынга сакъ бол, ушакъда тилинге сакъ бол.
- Къатын байлыкъны сюер, эр саулукъну сюер.
- Бет бетге къараса, бет да джерге къарар.
- Джюз элде джюз ёгюзюм болгъандан эсе, джюз джууугъум болсун.
- Бети къызарыучу адамны, джюреги харам болмаз.
- Эте билген, этген этеди, эте билмеген, юретген этеди!
- Кютгени беш эчки, сызгъыргъаны уа, джерни джарады.
- Къарнынг къанлынга кийирир.
- Ата Джуртун танымагъан, атасын да танымаз.
- Къыз тиширыу кеси юйюнде да къонакъды.
- Арба аугъандан сора, джол кёргюзтюучю кёб болур.
- Джахил болса анасы, не билликди баласы?
- Зарда марда джокъ.
- Джерни букъусу кёкге къонмаз.
- Кюл тюбюндеги от кёрюнмейди.
- Айыбны суу бла джууалмазса.
- Хатерли къул болур.
- Уллу атлама – абынырса, уллу къабма – къарылырса.
- Тойгъан джерден туугъан джер игиди.
- Ёлген ийнек сютлю болур.
- Башы ишлегенни, ауузу да ишлер.
- Къызын тута билмеген, тул этер, джашын тута билмеген, къул этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлюк кебинсиз къалмаз.
- Чомартха Тейри да борчлуду.
- Байма, деб да, къууанма, джарлыма, деб да, джылама.
- Сабийни джумушха джибер да, ызындан бар.
- Аякъларынгы джууургъанынга кёре узат.
- Джылыгъа джылан илешир.
- Ана къолу ачытмаз.
- Уллу сёзде уят джокъ.
- Хазыр ашха – терен къашыкъ.
- Сакъламагъан затынга джолукъсанг, не бек къууанаса, не бек ачыйса.
- Азыкълы ат арымаз, къатыны аман джарымаз.
- Эки итни арасына сюек атма, эки адамны арасында сёз чыгъарма.
- Эртде тургъан джылкъычыны эркек аты тай табар.
- «Ма», - дегенни билмесенг, «бер», - дегенни билмезсе.
- Билим насыб берир, билим джолну керир.
- Иги болса, тамадама – махтау, аман болса, меннге – айыб.
- Аллахдан тилесенг, кёб тиле.
- Эринчекни аурууу – кёб.
- Джюрек кёзден алгъа кёрюр.
- Тилде сюек болмаса да, сюек сындырыр.
- Къан бла кирген, джан бла чыгъар.
- Ашда уялгъан – мухар, ишде уялгъан – хомух.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72