- Сыфатында болмагъаны, суратында болмаз.
- Кёбге таш атма.
- Бети – къучакълар, джюреги – бычакълар.
- Ёлмесенг да, къарт дамы болмазса?
- Ачылгъан эт джабылыр, кёрген кёз унутмаз.
- Джогъун бар этген, барын бал этген.
- Тёзгеннге, джабылгъан эшик ачылыр.
- Джырына кёре эжиую.
- «Ёгюз, джаргъа джууукъ барма, меннге джюк боллукъса», - дегенди эшек.
- Башсыз урчукъ тюзюне айланмаз.
- Танг атмайма десе да, кюн къоярыкъ тюйюлдю.
- Тамбла алтындан бюгюн багъыр ашхы.
- Джыйырма къойну юч джыйырма эбзе кюте эди.
- Ач уят къоймаз.
- Арбаз къынгырды да, ийнек сауалмайма.
- Эм уллу байлыкъ – джан саулукъ.
- Кёрмегеннге кебек – танг, битмегеннге сакъал – танг.
- Адеб этмеген, адеб кёрмез.
- Зар адам ашынгы ашар, кесинги сатар.
- Aдам боллукъ, сыфатындан белгили.
- Джашынгы кесинг юретмесенг, джашау юретир.
- Суугъа – таянма, джаугъа – ийнанма.
- Билмейме деген – бир сёз
- Эшекге миннген – биринчи айыб, андан джыгъылгъан – экинчи айыб.
- Болджал ишни бёрю ашар.
- Ачыкъ джюрекге джол – ачыкъ.
- Кёлю джокъну – джолу джокъ.
- Таукел къуру къалмаз.
- Тойгъа барсанг, тоюб бар, эски тонунгу къоюб бар.
- Кёзден кетген, кёлден да кетеди.
- Ётюрюкню башын керти кесер.
- Тёрде – темир таякълы, къаяда – чыпчыкъ аякълы.
- Нарт сёз – тилни бети.
- Ач къалгъандан, кеч къалгъан къолай.
- Юйюнг бла джау болгъандан эсе, элинг бла джау бол.
- Ётген ёмюр – акъгъан суу.
- Кийимни бир кюнню аясанг, минг кюннге джарар.
- Туз, гырджын аша, тюзлюк бла джаша.
- Эте билген, этген этеди, эте билмеген, юретген этеди!
- Ушамагъан – джукъмаз.
- Халкъгъа джарагъан, джарлы къалмаз.
- Тюз сёз баргъан сууну тыяр.
- Айран ичген – къутулду, джугъусун джалагъан – тутулду.
- Байлыкъдан саулукъ ашхыды.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёпюр салгъан кеси ётер, уру къазгъан кеси кетер.
- Джарлы тюеге минсе да, ит къабар.
- Ачны эсинде – аш.
- Кёб къычыргъандан – къоркъма, тынч олтургъандан – къоркъ.
- Айранны сюйген, ийнек тутар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72