- Тин – байлыгъынг, терен саулугъунг.
- Ариу сёз – джаннга азыкъ, аман сёз – башха къазыкъ.
- Айтылгъан сёз ызына къайтмаз.
- Кёз – сюйген джерде, къол – ауругъан джерде.
- Джогъун бар этген, барын бал этген.
- Ётген ёмюр – акъгъан суу.
- Урунуу – насыбны анасы.
- Кимни – тили, тиши онглу, кимни – къолу, иши онглу.
- Эки итни арасына сюек атма, эки адамны арасында сёз чыгъарма.
- Элде адам къалмаса, ит тахтагъа минер.
- Кесинге джетмегенни, кёб сёлешме.
- Ишленмеклик адамлыкъды.
- Адамны сабийин сюйген джюреги, бычакъча, джитиди.
- Джигер – джаннга къыйынлыкъ.
- Тойчу джашха къарама, къойчу джашха къара.
- Арба аугъандан сора, джол кёргюзтюучю кёб болур.
- Тёзгеннге, джабылгъан эшик ачылыр.
- Окъугъанны бети джарыкъ.
- Ата – билек, ана – джюрек!
- Эки ойлашыб, бир сёлешген.
- Джиби бир къат джетмей эди да, эки къат тарта эди.
- Джукъу тёшек сайламайды.
- Ана кёлю – балада, бала кёлю – талада.
- Суу да къайтады чыкъгъан джерине.
- Эл бла кёргенинг эрелей.
- Сангырау къулакъ эл бузар.
- Аджал соруб келмез, келсе, къайтыб кетмез.
- Кюн кёрмеген, кюн кёрсе, кюндюз чыракъ джандырыр.
- Уллу сёзде уят джокъ.
- Билмегенинги, билгеннге сор.
- Дуния малгъа сатылма, кесингден телиге къатылма.
- Джети тилни билген джети кишиди.
- Эшекни не къадар тюйсенг да, ат болмаз.
- Айтхан – тынч, этген – къыйын.
- Билимли ёлмез, билимсиз кёрмез.
- Урама да – ёледи, сатама да – келеди.
- Гугурук къычырмаса да, тангны атары къалмаз.
- Ишни ахырын ойламай, аллын башлама.
- Ач къарным, тынч къулагъым.
- Окъумагъан сокъурду, сокъур ташха абыныр!
- Адамгъа аман кюн соруб келмейди.
- Тиширыусуз юй – отсуз от джагъа.
- Игини сыйлагъан адетди.
- Нарт сёз – тилни бети.
- Асхат ашлыкъ сата, юйдегиси ачдан къата.
- Джеринден айырылгъан – джети джылар, джуртундан айырылгъан – ёлгюнчю джылар.
- Ауузу бла къуш тута айланады.
- Кирсизни – саны таза, халалны – къаны таза.
- Аурууну келиую тынч, кетиую – къыйын.
- Тил джюрекге джол ишлейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72