Эльбрусоид :: Форум :: Архив форумов

Къарыусузгъа кюлме, онгсузгъа тийме.
Къонагъы джокъну – шоху джокъ.
Ёгюзню мюйюзюнден тутадыла, адамны сёзюнден тутадыла.
Босагъагъа джууукъ орун болса, ашыгъыб тёрге озма.
Адамны аманы адамны бети бла ойнар.
Орундукъ тюбюнде атылсам да, орта джиликме, де да айлан.
Ата Джуртча джер болмаз, туугъан элча эл болмаз.
Юре билмеген ит, къонакъ келтирир.
Башда акъыл болмаса, эки аякъгъа кюч джетер.
Атлыны кёрсе, джаяуну буту талыр.
Хаухну атма, ёнгкючню сатма.
Аманнга игилик этсенг, юйюнге сау бармазса.
Сагъышы джокъ – джукъучу, акъылы джокъ – къаугъачы.
Тамырсыз терекге таянма – джыгъылырса.
Окъугъан озар, окъумагъан тозар.
Чакъырылгъанны аты, чакъырылмагъанны багъасы болур.
Билмейме деген – бир сёз
Арба аугъандан сора, джол кёргюзтюучю кёб болур.
Абынмазлыкъ аякъ джокъ, джангылмазлыкъ джаякъ джокъ.
Бек ашыкъгъан меннге джетсин, дегенди аракъы.
Акъыл бла адеб эгизледиле.
Телини эшигин, махтау джабар.
Алим болгъандан эсе, адам болгъан къыйынды.
Ана кёлю – балада, бала кёлю – талада.
Къонакъны къачан кетерин сорма, къачан келлигин сор.
Билим къая тешер.
Ётген ёмюр – акъгъан суу.
Къарын къуру болса, джюрек уру болур.
Чарсда алчыны эл кёреди.
Мени джылытмагъан кюн, меннге тиймесин!
Эл ауузу – элек, анга ийнаннган – халек.
Олтуруб кёрюнмей эди да, ёрге туруб кёрюне эди.
Сескекли кесин билдирир.
Джети тилни билген джети кишиди.
Тюз сёз баргъан сууну тыяр.
Чыкълы кюнде чыкъмагъан, чыкъса къуру кирмеген.
Ёгюзню мюйюзлери ауурлукъ этмейдиле.
Мураты болгъанны джюрек тебюую башхады.
Итли къонакъ джарашмаз.
Ётюрюкден тюбю джокъ, кёлтюрюрге джиби джокъ.
Кёб ант этген, кёб ётюрюк айтыр.
Джарашыу сюйген – джалынчакъ.
Таугъа чыгъаллыкъ эсенг, тюзде къалма.
Джарлы эскисин джамаса, къууаныр.
Ишлемеген – тишлемез.
Ариуну – ауруу кёб.
Къазанда болса, чолпугъа чыгъар.
Джаш къарыу бла кючлю, къарт акъыл бла кючлю.
Тамчы таш тешер.
Иги сёз – джаннга азыкъ, аман сёз башха – къазыкъ.

Логин:
Пароль:
	Запомнить меня на этом компьютере

Забыли свой пароль?
Регистрация