Эльбрусоид :: Форум :: Архив форумов

Ауузу аманнга «иги», деме.
Байлыкъ болгъан джерде, тынчлыкъ джокъду.
Адеб этмеген, адеб кёрмез.
Къаллай салам берсенг, аллай джууаб алырса.
Къонакъ аз олтурур, кёб сынар.
Къыз чыгъаргъан – къызыл къымжа.
Уллу суу бла уллу ауруудан башынгы сакъла.
Ачылгъан эт джабылыр, кёрген кёз унутмаз.
Эртде тургъан бла эртде юйленнген сокъуранмаз.
Эки элинги тыйсанг, джети элде махталырса.
Чыбыкълыкъда бюгюлмеген, къазыкълыкъда бюгюлмей эди.
Таш ата билмеген, башына урур.
Азыгъы аз, алгъа къабар, аты аман, алгъа чабар.
Айтылгъан сёз ызына къайтмаз.
Ач къарным, тынч къулагъым.
Тил – миллетни джаны.
Насыблы элин сюер, насыбсыз кесин сюер.
От этилмеген джерден тютюн чыкъмайды.
Ойнай билмеген, уруб къачар.
Сакъ юйюне сау барыр.
Кечеси – аяз, кюню – къыш, джарлы къаргъагъа бир аш тюш!
Ёлген ийнек сютлю болур.
Бозаны арты дауур болур.
Аман адам элни бир-бирине джау этер.
Элни кючю – эмеген.
Баш – акъыл ючюн, акъылман – халкъ ючюн.
Чомартны къолун джокълукъ байлар.
Адамны аты башхача, акъылы да башхады.
Чабакъгъа акъыл, табагъа тюшсе келеди.
Баргъанынга кёре болур келгенинг.
Ауругъаннга – кийик саулукъ, джетген къызгъа – чилле джаулукъ.
Артына баргъанны, къатына барма.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ойнай билмеген, оюн бузар.
Сабий болмагъан джерде, мёлек болмаз.
Бермеген къол, алмайды.
Атлыны кёрсе, джаяуну буту талыр.
Къартны сыйын кёрмеген, къартлыгъында сыйлы болмаз.
Мал ёлсе, сюек къалыр, адам ёлсе, иши къалыр.
Урунуу – насыбны анасы.
Тамырсыз терекге таянма – джыгъылырса.
Сютден ауузу кюйген, суугъа юфгюре эди.
Соргъан айыб тюлдю, билмеген айыбды.
Джан саулукъ бермей, сан саулукъ бермезсе.
Акъыл къартда, джашда тюйюлдю – башдады.
Байлыкъдан саулукъ ашхыды.
Уллу къазанда бишген эт, чий къалмаз.
Татлы сёз – балдан татлы.
Зар адамны насыбы болмаз.
Битмегеннге сакъал – танг.

Логин:
Пароль:
	Запомнить меня на этом компьютере

Забыли свой пароль?
Регистрация