Эльбрусоид :: Форум :: Архив форумов

Джангыз торгъай джырламаз.
Бети бедерден, намыс сакълама.
Ойнай билмеген, уруб къачар.
Тюз сёз баргъан сууну тыяр.
Ачны эсинде – аш.
Адам сёзюнден белгили.
Кёзю сокъурдан – къоркъма, кёлю сокъурдан – къоркъ.
Хунаны тюбюн къазсанг, юсюнге ауар.
Этни бети бла шорпасы.
Башынга джетмегенни сорма.
Киштикге къанат битсе, чыпчыкъ къалмаз эди.
Ётюрюкден тюбю джокъ, кёлтюрюрге джиби джокъ.
Онгсузну – джакъла, тенгликни – сакъла.
Джангызны оту джарыкъ джанмаз!
Тыш элде солтан болгъандан эсе, кесинги элде олтан болгъан игиди!
Къозулугъунда тоймагъан, къойлугъунда тоймаз.
Ёлмесенг да, къарт дамы болмазса?
Джашны джигитлиги сорулур, къызны джигерлиги сорулур.
Ариу сёз аурууунгу алыр.
Хар ишни да аллы къыйынды.
Байлыкъдан саулукъ ашхыды.
Къарт бла баш аша, джаш бла аякъ аша.
Чабакъ башындан чирийди.
Къошда джокъгъа – юлюш джокъ.
Адам боллукъ, атламындан белгили болур.
Экеулен сёлеше тура эселе, орталарына барыб кирме.
Къууут – джелге, берне – бошха.
Арпа, будай – ащды, алтын, кюмюш а – ташды.
Рысхысына кёре, джаш ёсер, къышлыгъына кёре, мал ёсер.
Мухарны эси – ашарыкъда.
Тойгъанлыкъ къойгъа джарашады.
Ауузу аманнга «иги», деме.
Джырына кёре эжиую.
Татлы сёз – балдан татлы.
Ёксюзню къалачы уллу кёрюнюр.
Кийимни бир кюнню аясанг, минг кюннге джарар.
Окъумагъан сокъурду, сокъур ташха абыныр!
Аш кетер да бет къалыр.
Дуния мал дунияда къалады.
Къанны къан бла джуума, аманны аман бла къуума.
Къыз тиширыу кеси юйюнде да къонакъды.
Аякъларынгы джууургъанынга кёре узат.
Келлик заман – къартлыкъ келтирир, кетген заман – джашлыкъ ёлтюрюр.
Айраннга суу къош, телиге джол бош.
Элге къуллукъ этмеген, элге ие болмаз.
Аман адам этегингден тутса, кес да къач.
Ачлыкъда тары гырджын халыуадан татлы.
Булут кёкге джарашыу, уят бетге джарашыу.
Дууулдаса – бал чибин, къонса – къара чибин.
Джылкъыдан – ат чыгъар, тукъумдан – джаш чыгъар.

Логин:
Пароль:
	Запомнить меня на этом компьютере

Забыли свой пароль?
Регистрация