- Ёмюрлюк шохлукъну джел элтмез.
- Кюн – узун, ёмюр – къысха.
- Суу да къайтады чыкъгъан джерине.
- Сабий болмагъан джерде, мёлек болмаз.
- Билимли ёлмез, билимсиз кёрмез.
- Сабийни джумушха джибер да, ызындан бар.
- Терслик кетер, тюзлюк джетер.
- Хоншуну тауугъу къаз кёрюнюр, келини къыз кёрюнюр.
- Иесиз малны бёрю ашар.
- Хар зат кесини орнуна иги.
- Къолу уллу – асыу, аягъы уллу – джарсыу.
- Ёзденликни кёбю ётюрюк.
- Бал чибинни ургъаны – ачы, балы – татлы.
- Билмейме деген – бир сёз
- Аякъларынгы джууургъанынга кёре узат.
- Адам къыйынлыгъын кёлтюрюр, зауукълугъун кёлтюрмез.
- Къарт болгъан джерде, берекет болур, сабий болгъан джерде, оюн болур.
- Ач уят къоймаз.
- Ашыкъгъанны этеги бутуна чырмалыр.
- Гугук кесини атын айтыб къычыргъанча, мен, мен деб нек тураса?
- Эринчекни аурууу – кёб.
- Чомарт къонакъ юй иесин сыйлар.
- Кёбден умут этиб, аздан къуру къалма.
- Насыблы элин сюер, насыбсыз кесин сюер.
- Къарын къуру болса, джюрек уру болур.
- Айранны сюйген, ийнек тутар.
- «Ёгюз, джаргъа джууукъ барма, меннге джюк боллукъса», - дегенди эшек.
- Тил бла келеди джыр да.
- Келинни – келгинчи, бёркню кийгинчи кёр.
- Къыз келсе, джумуш эте келеди, къатын келсе, ушакъ эте келеди.
- Ётюрюкден тюбю джокъ, кёлтюрюрге джиби джокъ.
- Билимден уллу байлыкъ джокъду.
- Башланнган иш битер, къымылдагъан тиш тюшер.
- Къуллукъчума, деб махтанма, къуллукъ – хаух джамчыды!
- Дуния аламаты сен эсенг да, игиме деб айтма.
- Ач къарынны, токъ билмез
- Атлыны ашхысы, ат тизгининден билинир
- Хантына кёре тузу, юйюне кёре къызы.
- Бёрю да ач къалмасын, эчки да ашалмасын.
- Танг атмайма десе да, кюн къоярыкъ тюйюлдю.
- Эркишиге тары кебек танг кёрюнюр.
- Ауурну тюбю бла, дженгилни башы бла джюрюген.
- Ашхы – джыяр, аман – джояр.
- Къралынгы – душмандан, башынгы от бла суудан сакъла.
- Акъыл къартда, джашда тюйюлдю – башдады.
- Айтхан сёзюне табылгъан.
- Сабыр джетер муратха, сабырсыз къалыр уятха.
- Ана къолу ачытмаз.
- Туз, гырджын аша, тюзлюк бла джаша.
- Тура эдим джата, къайдан чыкъды хата?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72