- Биреуню къыйынлыгъы бла кесинге джол ишлеме.
- Башы джабылгъан челекге, кир тюшмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Эли джокъну – кёлю джокъ.
- Ёпкелегенни ашы татлы болады.
- Дууулдаса – бал чибин, къонса – къара чибин.
- Намыс болмагъан джерде, насыб болмаз.
- Хантына кёре тузу, юйюне кёре къызы.
- Эл тойса, тоймагъан, эл къойса, къоймагъан.
- Зар адамны насыбы болмаз.
- Айранын берсенг, челегин да къызгъанма.
- Рысхы – насыбха къор.
- Сёз къанатсыз учар.
- Кесинг сынамагъан затны, адамгъа буюрма.
- Агъач – джерни чырайы, кийим – эрни чырайы.
- Керти сёзге тёре джокъ.
- Джюрекге ариу – кёзге да ариу.
- Джангыз терек къынгыр ёсер.
- Экеулен сёлеше тура эселе, орталарына барыб кирме.
- Къумурсхала джыйылсала, пилни да джыгъадыла.
- Арба аугъандан сора, джол кёргюзтюучю кёб болур.
- Ат басханны джер билед.
- Окъуу – билимни ачхычы, окъуу – дунияны бачхычы.
- Тау башында, тау болмаз, джангыз терек, бау болмаз.
- Адамны адамлыгъы къыйынлыкъда айгъакъланады.
- Насыблы элин сюер, насыбсыз кесин сюер.
- Баланы адам этген анады.
- Ашхылыкъ джерде джатмайды, аманлыкъ суугъа батмайды.
- Шекер бла туз – бир болмаз, ушамагъан – юй болмаз.
- Суу кетер, таш къалыр.
- Тойгъа барсанг, тоюб бар, эски тонунгу къоюб бар.
- Ишге юренсин къоллары, халкъ бла болсун джоллары.
- Къонакъ болсанг, ийнакъ бол.
- Телиге от эт десенг, юйюнге от салыр.
- Уясында не кёрсе, учханында аны этер.
- Къарны аманнга къазан такъдырма, къолу аманнга от джакъдырма.
- Джигер – джаннга къыйынлыкъ.
- Ауурну тюбю бла, дженгилни башы бла джюрюген.
- Джерни букъусу кёкге къонмаз.
- Ханы къызы буюгъа-буюгъа киштик болду.
- Билгенни къолу къарны джандырыр.
- Айраннга суу къош, телиге джол бош.
- Юй ишлеген балта эшикде къалыр.
- Дженгил джетерикме деб, узун джолну къоюб, къысхасын барма.
- Ёгюзню мюйюзюнден тутадыла, адамны сёзюнден тутадыла.
- Этни бети бла шорпасы.
- Сютню башын джалагъан къутулур, тюбюн ичген тутулур.
- Аз айтсам, кёб ангылагъыз.
- Кютгени беш эчки, сызгъыргъаны уа, джерни джарады.
- Ётюрюкню къуйругъу – бир тутум.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72