- Таукелге нюр джауар.
- Джети тилни билген джети кишиди.
- Уясында не кёрсе, учханында аны этер.
- Кютгени беш эчки, сызгъыргъаны уа, джерни джарады.
- Дуния мал дунияда къалады.
- Аман къатын сабий табса, бий болур…
- Чакъырылмагъан джерге барма, чакъырылгъан джерден къалма.
- Кийимни бичсенг, кенг бич, тар этген къыйын тюлдю.
- Ачлыкъда тары гырджын халыуадан татлы.
- Ёлген эшек бёрюден къоркъмайды.
- Билими азны – ауузунда кирит.
- Джукъу тёшек сайламайды.
- Насыб бютеу халкъны юлюшюдю.
- Джахил болса анасы, не билликди баласы?
- Гырджын – тепсини тамадасы.
- Ач келгенни – тойдур, кеч келгенни – къондур.
- Джангыз терек къынгыр ёсер.
- «Ёгюз, джаргъа джууукъ барма, меннге джюк боллукъса», - дегенди эшек.
- Къыз чыгъаргъан – къызыл къымжа.
- Тёзген – тёш ашар!
- Кюн – узун, ёмюр – къысха.
- Ач, тоймам, дейди, тойгъан, ач болмам, дейди.
- Ач уят къоймаз.
- Тёзгеннге, джабылгъан эшик ачылыр.
- Кесине оноу эте билмеген, халкъына да эте билмез.
- Къарын къуру болса, джюрек уру болур.
- Ана къолу ачытмаз.
- Эринчекге кюн узун.
- Сабий болмагъан джерде, мёлек болмаз.
- Айранны сюйген, ийнек тутар.
- Ханы къызы буюгъа-буюгъа киштик болду.
- Билген билмегенни юретген адетди.
- Таш ата билмеген, башына урур.
- Биреуге аманлыкъны тилеме да, кесинге ашхылыкъны тиле.
- Чакъырылгъанны аты, чакъырылмагъанны багъасы болур.
- Эллинг бла джау болсанг да, юйюнг бла джау болма.
- Ишлемеген – тишлемез.
- Хаухну атма, ёнгкючню сатма.
- Кёзюнде тереги болгъан, чёбю болгъаннга кюле эди.
- Тёрени джагъы джокъ.
- Эрине къаргъыш этген къатын, эрнин къабар.
- Эринчекни аурууу – кёб.
- Ойнаб айтсанг да, эслеб айт.
- Баш болса, бёрк табылыр.
- Эски джаугъа ышанма.
- Чакъырылмай келген къонакъ сыйланмай кетер.
- Ишин билген, аны сыйын чыгъарады.
- Чабакъ башындан чирийди.
- Ёнгкюч къууана барыр, джылай келир.
- Эки ойлашыб, бир сёлешген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72