- Сакъламагъан затынга джолукъсанг, не бек къууанаса, не бек ачыйса.
- Къазанны башы ачыкъ болса, итге уят керекди.
- Тешигини къатында, чычхан да батыр болур.
- Битмегеннге сакъал – танг.
- Бети – къучакълар, джюреги – бычакълар.
- Къарнынг тойгъунчу аша да, белинг талгъынчы ишле.
- Къыз келсе, джумуш эте келеди, къатын келсе, ушакъ эте келеди.
- Ана кёлю – балада, бала кёлю – талада.
- Урама да – ёледи, сатама да – келеди.
- Тюзлюк шохлукъну бегитир.
- Харам къарнашдан, халал тенг ашхы.
- Джаралыны джастыгъында сау ёлюр.
- Сабийликде юретмесенг, уллу болса – тюзелмез.
- Тойгъанлыкъ къойгъа джарашады.
- Ёлюк кебинсиз къалмаз.
- Джашлыкъ этмеген, башлыкъ этмез.
- Кимни – тили, тиши онглу, кимни – къолу, иши онглу.
- Шайтан алдады, тюзлюк къаргъады.
- Атлыны кёрсе, джаяуну буту талыр.
- Юйюнг бла джау болгъандан эсе, элинг бла джау бол.
- Къыйынлы джети элни къайгъысын этер.
- Эрине къаргъыш этген къатын, эрнин къабар.
- Булут кёкге джарашыу, уят бетге джарашыу.
- Ач къалгъандан, кеч къалгъан къолай.
- Баш – акъыл ючюн, акъылман – халкъ ючюн.
- Ётген ёмюр – акъгъан суу.
- Тюзлюк тас болмайды.
- Минг тенг да азды, бир джау да кёбдю.
- Эл ауузу – элек, анга ийнаннган – халек.
- Зар адамны насыбы болмаз.
- Тамбла алтындан бюгюн багъыр ашхы.
- Аман эсирсе, юйюн ояр.
- Айраннга суу къош, телиге джол бош.
- Адамны адамлыгъы къыйынлыкъда айгъакъланады.
- Тюз сёз баргъан сууну тыяр.
- Ата – баланы уясы.
- Ёлген ийнек сютлю болур.
- Иги сеники эсе да, сюйген кесимикин этеме.
- Мал тутхан – май джалар.
- Сабийни джумушха джибер да, ызындан бар.
- Къайтырыкъ эшигинги, къаты уруб чыкъма.
- Акъылсызны джууукъгъа алма, акъыллыны кенгнге салма.
- Эр сокъур болсун, къатын тилсиз болсун.
- Насыб бютеу халкъны юлюшюдю.
- Гырджын – тепсини тамадасы.
- Аш иеси бла татлыды.
- Къарын къуру болса, джюрек уру болур.
- Сормай – алма, чакъырылмай – барма.
- Айныгъанлы алты кюн, тогъайгъанлы тогъуз кюн.
- Рысхысына кёре, джаш ёсер, къышлыгъына кёре, мал ёсер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72