- Хар ишни да аллы къыйынды.
- Билим – акъылны чырагъы.
- Таукел адам тау тешер.
- Болджал ишни бёрю ашар.
- Къарт болгъан джерде, берекет болур, сабий болгъан джерде, оюн болур.
- Ач бёрюге мекям джокъ.
- Телини эшигин, махтау джабар.
- Насыб бютеу халкъны юлюшюдю.
- Джахил болса анасы, не билликди баласы?
- Тилчи тилден къаныкъмаз.
- Билимли ёлмез, билимсиз кёрмез.
- Джаш болсун, къыз болсун, акъылы, саны тюз болсун.
- Хоншуну тауугъу къаз кёрюнюр, келини къыз кёрюнюр.
- Иги болса, тамадама – махтау, аман болса, меннге – айыб.
- Хунаны тюбюн къазсанг, юсюнге ауар.
- Адам сёзюнден белгили.
- От кюйдюрген, сау болса да, тот кюйдюрген, сау болмаз.
- Айтылгъан сёз ызына къайтмаз.
- Киштикге къанат битсе, чыпчыкъ къалмаз эди.
- Чыбыкълыкъда бюгюлмеген, къазыкълыкъда бюгюлмей эди.
- Кенгеш болса, уруш болмаз.
- Терек ауса, отунчу – кёб.
- Бек ашыкъгъан меннге джетсин, дегенди аракъы.
- Ауругъанны сау билмез, ач къарынны токъ билмез.
- Уллу къазанда бишген эт, чий къалмаз.
- Иги сеники эсе да, сюйген кесимикин этеме.
- Джиби бир къат джетмей эди да, эки къат тарта эди.
- Юре билмеген ит, къонакъ келтирир.
- Чакъырылгъанны аты, чакъырылмагъанны багъасы болур.
- Ашын ашагъанынгы, башын да сыйла.
- Айранны сюйген, ийнек тутар.
- Акъыл къартда, джашда тюйюлдю – башдады.
- Къалгъан ишге къар джауар.
- Ёгюзню мюйюзлери ауурлукъ этмейдиле.
- Адебни адебсизден юрен.
- Ёлген ийнек сютлю болур.
- Къатыны харакетли болса, эри къымсыз болур.
- Тюз сёз баргъан сууну тыяр.
- Чабакъ башындан чирийди.
- Термилгенинги табмазса, кюлгенинге тюберсе.
- Джылыгъа джылан илешир.
- Кёбню кёрген – кёб билир.
- Чомарт къонакъ юй иесин сыйлар.
- Таугъа чыгъаллыкъ эсенг, тюзде къалма.
- Байлыкъ адамны сокъур этер.
- Ишни ахырын ойламай, аллын башлама.
- Келинин тута билмеген, къул этер, къызын тута билмеген, тул этер.
- Джаш къарыу бла кючлю, къарт акъыл бла кючлю.
- Ариу сёз аурууунгу алыр.
- Кёзден кетген, кёлден да кетеди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72