- Джукъу тёшек сайламайды.
- Джарлы эскисин джамаса, къууаныр.
- Юй ишлеген балта эшикде къалыр.
- Аууз сакълагъан – джан сакълар.
- Тойгъан антын унутур.
- Огъурлуну сёзю – суу, огъурсузну сёзю – уу.
- Кимни – тили, тиши онглу, кимни – къолу, иши онглу.
- Иги – алгъыш этер, аман – къаргъыш этер.
- Адамны джюреги нени кёрюрге сюйсе, кёзю да аны кёрюрге ёч болады.
- Ата джурт – алтын бешик.
- Соргъан айыб тюлдю, билмеген айыбды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мен да «сен», дейме, сен да «кесим», дейсе.
- Къыз чыгъаргъан – къызыл къымжа.
- Ашхылыкъ джерде джатмайды, аманлыкъ суугъа батмайды.
- Кёзюнде тереги болгъан, чёбю болгъаннга кюле эди.
- Намыс сатылыб алынмайды.
- Тил джюрекге джол ишлейди.
- Джангыз терек къынгыр ёсер.
- Иги болса, тамадама – махтау, аман болса, меннге – айыб.
- Биреуню тёрюнден, кесинги эшик артынг игиди.
- Ашха уста, юйюнде болсун
- Тау башында, тау болмаз, джангыз терек, бау болмаз.
- Къолунгдан къуймакъ ашатсанг да, атаны борчундан къутулмазса.
- Бир онгсуз адам адет чыгъарды, деб эштирик тюлсе.
- Ана кёлю – балада, бала кёлю – талада.
- Насыб бютеу халкъны юлюшюдю.
- Ачылгъан эт джабылыр, кёрген кёз унутмаз.
- Джылкъыдан – ат чыгъар, тукъумдан – джаш чыгъар.
- Ата Джуртча джер болмаз, туугъан элча эл болмаз.
- Къазанны башы ачыкъ болса, итге уят керекди.
- Уллу сёзде уят джокъ.
- Дуния малгъа сатылма, кесингден телиге къатылма.
- Джангыз торгъай джырламаз.
- Къыйынлы джети элге оноу этер.
- Аманны эки битли тону болур, бирин сеннге кийдирир, бирин кеси киер.
- Чомартха Тейри да борчлуду.
- Орундукъ тюбюнде атылсам да, орта джиликме, де да айлан.
- Къалгъан ишге къар джауар.
- Уллу айтханны этмеген – уллаймаз.
- Аман адам элни бир-бирине джау этер.
- Хансыз джомакъ болмаз.
- Юйюнг бла джау болгъандан эсе, элинг бла джау бол.
- Чомарт джарлы болмаз.
- Акъыллы эркиши атын махтар, акъылсыз эркиши къатынын махтар.
- Джыйырма къойну юч джыйырма эбзе кюте эди.
- Джаралыны джастыгъында сау ёлюр.
- Тойчу джашха къарама, къойчу джашха къара.
- Аман киши кеси юйюнде – къонакъ.
- Экиндини кеч къылсанг, чабыб джетер ашхам.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72