- Кёл ашады да, кеси ашады.
- Билими азны – ауузунда кирит.
- Кёз – сюйген джерде, къол – ауругъан джерде.
- Кёзню ачылгъаны – иги, ауузну джабылгъаны – иги.
- Таш ата билмеген, башына урур.
- Ашын ашагъанынгы, башын да сыйла.
- Эли джокъну – кёлю джокъ.
- Харам къарнашдан, халал тенг ашхы.
- Чомарт къолда мал къалмаз.
- Ашхы тенг джолгъа салыр, аман тенг джолдан тайдырыр.
- Ашыкъгъанны этеги бутуна чырмалыр.
- Ёгюзню мюйюзлери ауурлукъ этмейдиле.
- Бёрю да ач къалмасын, эчки да ашалмасын.
- Джыйырма къойну юч джыйырма эбзе кюте эди.
- Мени джылытмагъан кюн, меннге тиймесин!
- Кёб джат да, бек чаб.
- Ханнга да келеди хариблик.
- Ачны эсинде – аш.
- Аз сёлеш, кёб ишле.
- Джарлыны эшигин махтагъан джабар.
- Агъач – джерни чырайы, кийим – эрни чырайы.
- Байлыкъдан саулукъ ашхыды.
- Зар адам ашынгы ашар, кесинги сатар.
- Булут кёкге джарашыу, уят бетге джарашыу.
- Адамны бетине къарама, адетине къара.
- Сютню башын джалагъан къутулур, тюбюн ичген тутулур.
- Адам боллукъ, атламындан белгили болур.
- Къызны минг тилер, бир алыр.
- Адамны джюреги нени кёрюрге сюйсе, кёзю да аны кёрюрге ёч болады.
- Хазыр ашха – терен къашыкъ.
- Борчунг бар эсе, хурджунунга ойлаб узал.
- Чабакъгъа акъыл, табагъа тюшсе келеди.
- Ичимден чыкъды хата, къайры барайым сата?
- Эл ауузу – элек, анга ийнаннган – халек.
- Эски джаугъа ышанма.
- Къыйынлы джети элни къайгъысын этер.
- Нарт сёз къарт болмаз.
- Чомартны къолун джокълукъ байлар.
- Кимни – тили, тиши онглу, кимни – къолу, иши онглу.
- Мухарны эси – ашарыкъда.
- Башынга джетмегенни сорма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариу сёз – джаннга азыкъ, аман сёз – башха къазыкъ.
- Ашлыкъ – бюртюкден, джюн – тюкден.
- Чакъырылмагъан джерге барма, чакъырылгъан джерден къалма.
- Огъурлуну сёзю – суу, огъурсузну сёзю – уу.
- Бал – татлы, балдан да бала – татлы.
- Билмейме деген – бир сёз
- Чакъырылмагъан къонакъ – орунсуз.
- Кёзюнде тереги болгъан, чёбю болгъаннга кюле эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72