Эльбрусоид :: Форум :: Архив форумов

Аман къатын сабий табса, бий болур…
Джаш къарыу бла кючлю, къарт акъыл бла кючлю.
Окъумагъан сокъурду, сокъур ташха абыныр!
Суугъа – таянма, джаугъа – ийнанма.
Иги адамны бир сёзю эки болмаз.
Сыфатында болмагъаны, суратында болмаз.
Чалманны аллы къалай башланса, арты да алай барады.
Тили узунну, намысы – къысха.
Ётюрюкню къуйругъу – бир тутум.
Ойнай билмеген, оюн бузар.
Келинни – келгинчи, бёркню кийгинчи кёр.
Кёб къычыргъандан – къоркъма, тынч олтургъандан – къоркъ.
Къарын къуру болса, джюрек уру болур.
Джеринден айырылгъан – джети джылар, джуртундан айырылгъан – ёлгюнчю джылар.
Ашыкъгъанны этеги бутуна чырмалыр.
Мухардан ач ычхынмаз.
Къайгъыны сюйген, къайгъы табар.
Аш иеси бла татлыды.
Тешигини къатында, чычхан да батыр болур.
Оюмсуз атлагъан, аджалсыз ёлюр.
Ата Джуртун танымагъан, атасын да танымаз.
Къайтырыкъ эшигинги, къаты уруб чыкъма.
Адебни адебсизден юрен.
Ишленмеген джаш – джюгенсиз ат, ишленмеген къыз – тузсуз хант.
Ауузу бла къуш тута айланады.
От кюйдюрген, сау болса да, тот кюйдюрген, сау болмаз.
Тёзген – тёш ашар!
Джыгъылгъанны сырты джерден тоймаз.
Ашын ашагъанынгы, башын да сыйла.
Ариу сёз – къылычдан джити.
Билеги кючлю, бирни джыгъар, билими кючлю, мингни джыгъар.
Аш хазыр болса, иш харам болур.
Сёз къанатсыз учар.
Хар адамгъа кеси миннген тау кибик.
Таула не мийик болсала да, аууш табылыр.
Элде адам къалмаса, ит тахтагъа минер.
Сууда джау джокъ, кёб сёзде магъана джокъ.
Джырына кёре эжиую.
Къалгъан ишге къар джауар.
Ёлмесенг да, къарт дамы болмазса?
Бермеген къол, алмайды.
Телиге акъыл салгъандан эсе, ёлгеннге джан салырса.
Сабыр джетер муратха, сабырсыз къалыр уятха.
Биреу ашаб къутулур, биреу джалаб тутулур.
Болджал ишни бёрю ашар.
Кюн кёрмеген, кюн кёрсе, кюндюз чыракъ джандырыр.
Башсыз урчукъ тюзюне айланмаз.
Тюз сёз баргъан сууну тыяр.
Чабар ат – джетген къыз.
Чомартны къолу берекет.

Логин:
Пароль:
	Запомнить меня на этом компьютере

Забыли свой пароль?
Регистрация