- Айранын берсенг, челегин да къызгъанма.
- Билим насыб берир, билим джолну керир.
- Къыйынлы джети элни къайгъысын этер.
- Ат басханны джер билед.
- Ишлегенден, къарагъан уста.
- Чыкълы кюнде чыкъмагъан, чыкъса къуру кирмеген.
- Эки ойлашыб, бир сёлешген.
- Чомартны къолу берекет.
- Джаш къарыу бла кючлю, къарт акъыл бла кючлю.
- Аманны къуугъан, аманлыкъ табар.
- Джарлыны эшигин махтагъан джабар.
- Телиге акъыл салгъандан эсе, ёлгеннге джан салырса.
- Мухар, кеси тойса да, кёзю тоймаз.
- Тыш элде солтан болгъандан эсе, кесинги элде олтан болгъан игиди!
- Эшекге миннген – биринчи айыб, андан джыгъылгъан – экинчи айыб.
- Адам къыйынлыгъын кёлтюрюр, зауукълугъун кёлтюрмез.
- Гырджын – тепсини тамадасы.
- Насыблы элин сюер, насыбсыз кесин сюер.
- Эртде тургъан джылкъычыны эркек аты тай табар.
- Аякъларынгы джууургъанынга кёре узат.
- Тамчы таш тешер.
- Билими азны – ауузунда кирит.
- Ёлюк кебинсиз къалмаз.
- Атлыны кёрсе, джаяуну буту талыр.
- Накъырданы арты керти болур.
- Къанны къан бла джуума, аманны аман бла къуума.
- Этим кетсе да, сюегим къалыр.
- Азыкъ аз болса, эртде орун сал.
- Урама да – ёледи, сатама да – келеди.
- Ашын ашагъанынгы, башын да сыйла.
- Ишлегенде эринме, ишде чолакъ кёрюнме.
- Биреуню къыйынлыгъы бла кесинге джол ишлеме.
- Кёлсюзден сёзсюз тууар.
- Джигер – джаннга къыйынлыкъ.
- Эринчекни аурууу – кёб.
- Аманны тукъумуна къарама, игини тукъумун сорма.
- Окъумагъан сокъурду, сокъур ташха абыныр!
- Джолда аягъынга сакъ бол, ушакъда тилинге сакъ бол.
- Джарлы джети элни сёзюн этер.
- Итли къонакъ джарашмаз.
- Айыбны суу бла джууалмазса.
- Бойнуму джети джерден кессенг да, мен ол ишни этеллик тюлме.
- Эте билген, этген этеди, эте билмеген, юретген этеди!
- Адам боллукъ, атламындан белгили болур.
- Акъыллы айтыр эди, акъылсыз къоймайды.
- Байлыкъ тауусулур, билим тауусулмаз.
- Бет бетге къараса, бет да джерге къарар.
- Тик ёргени, тик энгишгеси да болады.
- Кийимни бир кюнню аясанг, минг кюннге джарар.
- Джарлы эскисин джамаса, къууаныр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72