Эльбрусоид :: Форум :: Архив форумов

Эринчекге кюн узун.
Таукел адам тау тешер.
Ёзденликни джайгъан – джокълукъ.
Билимсиз иш бармаз.
Уллу къазанда бишген эт, чий къалмаз.
Ёлген аслан – сау чычхан.
Аш кетер да бет къалыр.
Ашыкъгъан cуу, тенгизге джетмез.
Ашхы адам – халкъ байлыгъы, ашхы джер – джашау байлыгъы.
Джукъу тёшек сайламайды.
Къазанны башы ачыкъ болса, итге уят керекди.
Этни да ашады, бетни да ашады.
Айныгъанлы алты кюн, тогъайгъанлы тогъуз кюн.
Иги сеники эсе да, сюйген кесимикин этеме.
Тёрде – темир таякълы, къаяда – чыпчыкъ аякълы.
Эрни эр этерик да, къара джер этерик да, тиширыуду.
Къая джолда джортма, ачыкъ сёзден къоркъма.
Джыланны къуйругъундан басарынг келсе, аны башы болгъанын унутма.
Джангызны оту джарыкъ джанмаз!
Ишге юренсин къоллары, халкъ бла болсун джоллары.
Эллинг бла джау болсанг да, юйюнг бла джау болма.
Эки ойлашыб, бир сёлешген.
Къызын тута билмеген, тул этер, джашын тута билмеген, къул этер.
Акъыллы – эл иеси, тели – эл баласы.
Ёнгкюч къууана барыр, джылай келир.
Ариу сёз – джаннга азыкъ, аман сёз – башха къазыкъ.
Итли къонакъ джарашмаз.
Джарлыны эшигин махтагъан джабар.
Эринчекни аурууу – кёб.
Акъыллы башны – тили къысха.
Этни бети бла шорпасы.
Шекер бла туз – бир болмаз, ушамагъан – юй болмаз.
Ашда уялгъан – мухар, ишде уялгъан – хомух.
Таякъ этден ётер, тил сюекден ётер.
Чабакъсыз кёлге къармакъ салгъанлыкъгъа, чабакъ тутмазса.
Окъумагъан сокъурду, сокъур ташха абыныр!
Махтаннган къыз, тойда джукълар.
Хата – гитчеден.
Алгъанда – джууукъ, бергенде – джау.
«Ёгюз, джаргъа джууукъ барма, меннге джюк боллукъса», - дегенди эшек.
Акъдан къара болмаз.
Кёб джашагъан – кёб билир.
Магъанасыз сёз – тауушсуз сыбызгъы.
Ашына кёре табагъы, балына кёре къалагъы.
Чакъырылмай келген къонакъ сыйланмай кетер.
Ёксюзню къалачы уллу кёрюнюр.
Телини эшигин, махтау джабар.
Айранны сюйген, ийнек тутар.
Ашхы атаны – джашы ашхы, ашхы ананы – къызы ашхы.
Айраннга суу къош, телиге джол бош.

Логин:
Пароль:
	Запомнить меня на этом компьютере

Забыли свой пароль?
Регистрация