- Акъыллы эркиши атын махтар, акъылсыз эркиши къатынын махтар.
- Бозанг болмагъан джерге, къалагъынгы сукъма.
- Ёгюзню мюйюзлери ауурлукъ этмейдиле.
- Аманнга да, игиге да оноусуз къатышма.
- Уллу къашыкъ эрин джыртар.
- Джол бла сёзню къыйыры джокъ.
- Ашхы болсанг, атынг чыгъар, аман болсанг, джанынг чыгъар.
- Дуния аламаты сен эсенг да, игиме деб айтма.
- Кёл ашады да, кеси ашады.
- Арыгъан къош чамчы болур.
- Иги джашны ышаны – аз сёлешиб, кёб тынгылар.
- Иги – алгъыш этер, аман – къаргъыш этер.
- Къолунгдан къуймакъ ашатсанг да, атаны борчундан къутулмазса.
- Артына баргъанны, къатына барма.
- Ачлыкъ отха секиртир.
- Экеу тутушса, биреу джыгъылыр.
- Кютгени беш эчки, сызгъыргъаны уа, джерни джарады.
- Келгинчи, къонакъ уялыр, келгенден сора, къонакъбай уялыр.
- Тик ёргени, тик энгишгеси да болады.
- Кийимни бир кюнню аясанг, минг кюннге джарар.
- Акъыллы – эл иеси, тели – эл баласы.
- Кёб джашагъан – кёб билир.
- Татлы сёз – балдан татлы.
- Билмейме деген – бир сёз
- Чакъырылгъанны аты, чакъырылмагъанны багъасы болур.
- Эр сокъур болсун, къатын тилсиз болсун.
- Эл элде бирер малынг болгъандан эсе, бирер тенгинг болсун.
- Рысхысына кёре, джаш ёсер, къышлыгъына кёре, мал ёсер.
- Ышармагъан – кюлмез, кюлмеген – къууанчны билмез.
- Ач келгенни – тойдур, кеч келгенни – къондур.
- Элни кючю – эмеген.
- Босагъа таш юйге кирмей эди, тыбыр таш эшикге чыкъмай эди.
- Кёб къычыргъандан – къоркъма, тынч олтургъандан – къоркъ.
- Адамны артындан къара сабан сюрме.
- Адамны аты башхача, акъылы да башхады.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашхы тенг джолгъа салыр, аман тенг джолдан тайдырыр.
- Джарлыны эшигин махтагъан джабар.
- Мал кёб болса, джууукъ кёб болур.
- Алтыннга тот къонмаз.
- Бичгенде ашыкъма, тикгенде ашыкъ.
- Джумушакъ терекни къурт ашар.
- Суу ичген шауданынга тюкюрме.
- Нафысынгы айтханын этме, намысынгы айтханын эт.
- Къатын къылыкъсыз, эр тынчлыкъсыз.
- Ёзденликни кёбю ётюрюк.
- Эринчекге кюн узун.
- Тилчи бир сагъатха айлыкъ хата этер.
- Агъач – джерни чырайы, кийим – эрни чырайы.
- Ёзденликни джайгъан – джокълукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72