- Байлыкъ тауусулур, билим тауусулмаз.
- Джаз бир кюнню джатсанг, къыш талай кюнню абынырса.
- Чомарт джарлы болмаз.
- Нарт сёз – тилни бети.
- Ата – билек, ана – джюрек!
- Ашда уялгъан – мухар, ишде уялгъан – хомух.
- Къазанда болса, чолпугъа чыгъар.
- Ойнаб айтсанг да, эслеб айт.
- Кёзюнде тереги болгъан, чёбю болгъаннга кюле эди.
- Джылыгъа джылан илешир.
- Адеб этмеген, адеб кёрмез.
- Кеси юйюмде мен да ханма.
- Къатын байлыкъны сюер, эр саулукъну сюер.
- Айтхан сёзюне табылгъан.
- Билим ат болуб да чабар, къуш болуб да учар.
- Билмезни кёзю кёрмез, этмезни къулагъы эшитмез.
- Ким бла джюрюсенг, аны кёзю бла кёрюнюрсе.
- Къонакъны къачан кетерин сорма, къачан келлигин сор.
- Джеринден айырылгъан – джети джылар, джуртундан айырылгъан – ёлгюнчю джылар.
- Юреннген ауруу къалмаз.
- Ишленмеклик адамлыкъды.
- Къонакъ хазыр болгъанлыкъгъа, къонакъбай хазыр тюлдю.
- Айран ичген – къутулду, джугъусун джалагъан – тутулду.
- Бёрю да ач къалмасын, эчки да ашалмасын.
- Билмегенинги, билгеннге сор.
- Эки итни арасына сюек атма, эки адамны арасында сёз чыгъарма.
- Билмейме деген – бир сёз
- Джылкъыдан – ат чыгъар, тукъумдан – джаш чыгъар.
- Битмегеннге сакъал – танг.
- Адамны аты башхача, акъылы да башхады.
- Бойнуму джети джерден кессенг да, мен ол ишни этеллик тюлме.
- Джюрекден джюрекге джол барды.
- Къоркъакъны кёзю экили кёрюр.
- Джылар джаш, атасыны сакъалы бла ойнар.
- Ёлмесенг да, къарт дамы болмазса?
- Ариу сёз – къылычдан джити.
- Сютню башын джалагъан къутулур, тюбюн ичген тутулур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аууз сакълагъан – джан сакълар.
- Сабийликде юретмесенг, уллу болса – тюзелмез.
- Чакъырылмагъан къонакъ – орунсуз.
- Тойгъанлыкъ къойгъа джарашады.
- Аман къатын сабий табса, бий болур…
- Бал ашаргъа сюе эсенг, чибин ургъаннга тёз.
- Арпа, будай – ащды, алтын, кюмюш а – ташды.
- Рысхы – сют юсюнде кёмюк кибикди.
- Кёзю сокъурдан – къоркъма, кёлю сокъурдан – къоркъ.
- Бозаны арты дауур болур.
- Асхат ашлыкъ сата, юйдегиси ачдан къата.
- Ишлерге уял да, ашаргъа табма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72