- Мал тутхан – май джалар.
- Аякъларынгы джууургъанынга кёре узат.
- Малны кют, джерни тюрт.
- Кёб къычыргъандан – къоркъма, тынч олтургъандан – къоркъ.
- Керек ташны ауурлугъу джокъ.
- Ёлген эшек бёрюден къоркъмайды.
- Дууулдаса – бал чибин, къонса – къара чибин.
- Ач къалгъандан, кеч къалгъан къолай.
- Тенги кёбню джау алмаз, акъылы кёбню дау алмаз.
- Терслик кетер, тюзлюк джетер.
- Атынг аманнга чыкъгъандан эсе, джанынг тамагъынгдан чыкъсын.
- Джарлыны тону джаз битер.
- Махтаннган къыз, тойда джукълар.
- Ханнга да келеди хариблик.
- Къыйынлы джети элге оноу этер.
- Тёрдеги кюлсе, эшикдеги ышарыр.
- Айтхан – тынч, этген – къыйын.
- Джырчы джырчыгъа – къарнаш.
- Кёл ашады да, кеси ашады.
- Бир абыннган – минг сюрюнюр.
- Арбаз сайлама да, хоншу сайла.
- Джиби бир къат джетмей эди да, эки къат тарта эди.
- Къанны къан бла джуума, аманны аман бла къуума.
- Кёзден кетген, кёлден да кетеди.
- Сабийни джумушха джибер да, ызындан бар.
- Тынгылагъан тынгы бузар.
- Аурууну келиую тынч, кетиую – къыйын.
- Ачыу алгъа келсе, акъыл артха къалады.
- Игилик игилик бла сингдирилиучю затды.
- Къазанны башы ачыкъ болса, итге уят керекди.
- Адамны сабийин сюйген джюреги, бычакъча, джитиди.
- Адам къыйынлыгъын кёлтюрюр, зауукълугъун кёлтюрмез.
- Адамны артындан къара сабан сюрме.
- Мен да «сен», дейме, сен да «кесим», дейсе.
- Дуния мал дунияда къалады.
- Рысхы – насыбха къор.
- Тил – кесген бычакъ, сёз – атылгъан окъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Нёгер болсанг, тенг бол, тенг болмасанг, кенг бол.
- Телини эшигин, махтау джабар.
- Агъач – джерни чырайы, кийим – эрни чырайы.
- Тойгъан джерге джети къайт.
- Ариу сёзде ауруу джокъ.
- Халкъны юйю – туугъан джери.
- Джарлы джети элни сёзюн этер.
- Джарашыу сюйген – джалынчакъ.
- Нарт сёз къарт болмаз.
- Ат да турмайды бир териде.
- Эр абынмай, эл танымаз.
- Хунаны тюбюн къазсанг, юсюнге ауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72