- Иги – алгъыш этер, аман – къаргъыш этер.
- Адеб базарда сатылмаз.
- Эл тойса, тоймагъан, эл къойса, къоймагъан.
- Тёрде – темир таякълы, къаяда – чыпчыкъ аякълы.
- Джарлыны эшигин махтагъан джабар.
- Азыкъ аз болса, эртде орун сал.
- Ёгюзню мюйюзюнден тутадыла, адамны сёзюнден тутадыла.
- Танг атмайма десе да, кюн къоярыкъ тюйюлдю.
- Ауругъаннга – кийик саулукъ, джетген къызгъа – чилле джаулукъ.
- Ашатыргъа иш – ашхы, ишлетирге аш – ашхы.
- Аманны тукъумуна къарама, игини тукъумун сорма.
- Кёкдеги болмаса, джердегин кёрмейди.
- Байма, деб да, къууанма, джарлыма, деб да, джылама.
- Адамны артындан къара сабан сюрме.
- Джигер – джаннга къыйынлыкъ.
- Джумушакъ терекни къурт ашар.
- Ата джурт – алтын бешик.
- Ушамагъан – джукъмаз.
- Байны къызы баймакъ болса да, юйде къалмаз!
- Абынмазлыкъ аякъ джокъ, джангылмазлыкъ джаякъ джокъ.
- Хоншуну тауугъу къаз кёрюнюр, келини къыз кёрюнюр.
- Аманны къуугъан, аманлыкъ табар.
- Кенгеш болса, уруш болмаз.
- Юреннген ауруу къалмаз.
- Джюрек кёзден алгъа кёрюр.
- Кюл тюбюндеги от кёрюнмейди.
- Айтханы чапыракъдан ётмеген.
- Биреу ашаб къутулур, биреу джалаб тутулур.
- Арбаз сайлама да, хоншу сайла.
- Термилгенинги табмазса, кюлгенинге тюберсе.
- Ишлегенден, къарагъан уста.
- Джыйырма къойну юч джыйырма эбзе кюте эди.
- Кёбге таш атма.
- Мен да «сен», дейме, сен да «кесим», дейсе.
- Тас болгъан бычакъны сабы – алтын.
- Таукел къуру къалмаз.
- Байны оноуу, джарлыгъа джарамаз.
- Къатын байлыкъны сюер, эр саулукъну сюер.
- Ариу сёз джыланны орнундан чыгъарыр.
- Билгенни къолу къарны джандырыр.
- Этим кетсе да, сюегим къалыр.
- Джырчы ёлсе, джыры къалыр.
- Алтыннга тот къонмаз.
- Юйлю уругъа ит чабмаз.
- Айранын берсенг, челегин да къызгъанма.
- Эр абынмай, эл танымаз.
- Иги сеники эсе да, сюйген кесимикин этеме.
- Джол бла сёзню къыйыры джокъ.
- Тёзген – тёш ашар!
- Хар сёзню орну барды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72