- Къонакъ кёб келюучю юйню, къазаны отдан тюшмез.
- Арпа, будай – ащды, алтын, кюмюш а – ташды.
- Юреннген ауруу къалмаз.
- Болджал ишни бёрю ашар.
- Абынмазлыкъ аякъ джокъ, джангылмазлыкъ джаякъ джокъ.
- Ана къолу ачытмаз.
- Кийиминг бла танылма, адамлыкъ бла таныл.
- Итли къонакъ джарашмаз.
- Аман хансны – урлугъу кёб.
- Намыс сатылыб алынмайды.
- Азыкъ аз болса, эртде орун сал.
- Тойну къарнашы – харс, джырны къарнашы – эжиу.
- Ишге юренсин къоллары, халкъ бла болсун джоллары.
- Нарт сёз къарт болмаз.
- Джашда акъыл джокъ, къартда къарыу джокъ.
- Ариу сёз – къылычдан джити.
- Джаш къарыу бла кючлю, къарт акъыл бла кючлю.
- Хаухну атма, ёнгкючню сатма.
- Тойгъа алгъа да барма, тойда артха да къалма.
- Гырджын – тепсини тамадасы.
- Алим болгъандан эсе, адам болгъан къыйынды.
- Дженгил джетерикме деб, узун джолну къоюб, къысхасын барма.
- Ашхы атаны – джашы ашхы, ашхы ананы – къызы ашхы.
- Джаш болсун, къыз болсун, акъылы, саны тюз болсун.
- Билгенни къолу къарны джандырыр.
- Ёгюзню мюйюзлери ауурлукъ этмейдиле.
- Шапа кёб болса, аш татымсыз болур.
- Мал ёлсе, сюек къалыр, адам ёлсе, иши къалыр.
- Намыс болмагъан джерде, насыб болмаз.
- Ётюрюкден тюбю джокъ, кёлтюрюрге джиби джокъ.
- Эшекге миннген – биринчи айыб, андан джыгъылгъан – экинчи айыб.
- Ач отунчуну ачыуу – бурнунда.
- Этим кетсе да, сюегим къалыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Келгинчи, къонакъ уялыр, келгенден сора, къонакъбай уялыр.
- Акъыллы башны – тили къысха.
- Аш кетер да бет къалыр.
- Таукелге нюр джауар.
- Акъыллы айтыр эди, акъылсыз къоймайды.
- Билмейме деген – бир сёз
- Тюкюрюк баш джармаз, налат кёз чыгъармаз!
- Къызгъанчдан ычхыныр, мухардан ычхынмаз.
- Хантына кёре тузу, юйюне кёре къызы.
- Къаллай салам берсенг, аллай джууаб алырса.
- Джашлыкъ этмеген, башлыкъ этмез.
- Джахил болса анасы, не билликди баласы?
- Акъыл неден да кючлюдю.
- Уллу къазанда бишген эт, чий къалмаз.
- Эки къатын алгъан – эки ташны ортасына башын салгъан.
- Айыбны суу бла джууалмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72