- Аурууну келиую тынч, кетиую – къыйын.
- Урама да – ёледи, сатама да – келеди.
- Экеулен сёлеше тура эселе, орталарына барыб кирме.
- Суугъа – чабакъ, къаягъа – ыргъакъ.
- Гугурук къычырмаса да, тангны атары къалмаз.
- Телиге от эт десенг, юйюнге от салыр.
- Эл бла кёргенинг эрелей.
- Къозулугъунда тоймагъан, къойлугъунда тоймаз.
- Джаханимни кёрмей, джандетге кёл салмазса.
- Келгинчи, къонакъ уялыр, келгенден сора, къонакъбай уялыр.
- Ана кёлю – балада, бала кёлю – талада.
- Мадар болса, къадар болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аман киши кеси юйюнде – къонакъ.
- Кёзюнде тереги болгъан, чёбю болгъаннга кюле эди.
- Аууздан келген, къолдан келсе, ким да патчах болур эди.
- Эринчекге кюн узун.
- Берекет берсин деген джерде, берекет болур.
- Адам къаллай бир ишленмесе, аллай бир кесин уллу кёреди.
- Чомартха хар кюн да байрамды.
- Рысхысына кёре, джаш ёсер, къышлыгъына кёре, мал ёсер.
- Гитче джилтин уллу элни джандырыр.
- Бек анасы джыламаз.
- Телини эшигин, махтау джабар.
- Адебсиз адам – джюгенсиз ат.
- Баш – акъыл ючюн, акъылман – халкъ ючюн.
- Азыкълы ат арымаз, къатыны аман джарымаз.
- Адамны аты башхача, акъылы да башхады.
- Ёлген аслан – сау чычхан.
- Миллетни бойну – базыкъ, аны бла кюрешген – джазыкъ.
- Джашлыкъ этмеген, башлыкъ этмез.
- Ач уят къоймаз.
- Джаш къарыу бла кючлю, къарт акъыл бла кючлю.
- Зарда марда джокъ.
- Аякъларынгы джууургъанынга кёре узат.
- Кёрмегеннге кебек – танг, битмегеннге сакъал – танг.
- Ётюрюк хапар аякъ тюбю бла джюрюйдю.
- Айырылмаз джууугъунга, унутмаз сёзню айтма.
- Эм уллу байлыкъ – джан саулукъ.
- Адеб базарда сатылмаз.
- Тилчи тилден къаныкъмаз.
- Садакъачыны джаны – къапчыгъында.
- Билим къая тешер.
- Джырчы джырчыгъа – къарнаш.
- Кёзден кетген, кёлден да кетеди.
- Къонакъ аз олтурур, кёб сынар.
- Ачны эсинде – аш.
- Бал – татлы, балдан да бала – татлы.
- Этек чакъмакълары баш джаргъан, сёлешген сёзлери таш джаргъан.
- Дуния малгъа сатылма, кесингден телиге къатылма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72