Эльбрусоид :: Форум :: Архив форумов

Борчунг бар эсе, хурджунунга ойлаб узал.
Къатыны харакетли болса, эри къымсыз болур.
Ётюрюкню башын керти кесер.
Ач къарынны, токъ билмез
Джогъун бар этген, барын бал этген.
Тиширыусуз юй – отсуз от джагъа.
Миллетни бойну – базыкъ, аны бла кюрешген – джазыкъ.
Къарны аманнга къазан такъдырма, къолу аманнга от джакъдырма.
Тойгъан джерден туугъан джер игиди.
Аз сёлеш, кёб ишле.
Ауузу аманнга «иги», деме.
Ана кёлю – балада, бала кёлю – талада.
Ашда уялгъан – мухар, ишде уялгъан – хомух.
Адам бла мюлк юлешмеген эсенг, ол адамны билиб бошагъанма, деб кесинги алдама.
Уллу къашыкъ эрин джыртар.
Чарсда алчыны эл кёреди.
Ойнай билмеген, оюн бузар.
Байдан умут эте, джарлыдан ёгюз багъасы къорады.
Чабакъсыз кёлге къармакъ салгъанлыкъгъа, чабакъ тутмазса.
Къарыусузгъа кюлме, онгсузгъа тийме.
Элни кючю – эмеген.
Адам къаллай бир ишленмесе, аллай бир кесин уллу кёреди.
Башы ишлегенни, ауузу да ишлер.
Аман адам элни бир-бирине джау этер.
Къонакъ аз олтурур, кёб сынар.
Экеулен сёлеше тура эселе, орталарына барыб кирме.
Уллу къазанда бишген эт, чий къалмаз.
Аууз сакълагъан – джан сакълар.
Тюзлюк тас болмайды.
Aдам боллукъ, сыфатындан белгили.
Къонакъ кёб келюучю юйню, къазаны отдан тюшмез.
Рысхысына кёре, джаш ёсер, къышлыгъына кёре, мал ёсер.
Татлы тилде – сёз ариу, чемер къолда – иш ариу.
Ачылгъан эт джабылыр, кёрген кёз унутмаз.
Иесиз малны бёрю ашар.
Шапа кёб болса, аш татымсыз болур.
Игини сыйлагъан адетди.
Сакъламагъан затынга джолукъсанг, не бек къууанаса, не бек ачыйса.
Бетинги сатма, малынгы сат.
Уруну арты – къуру.
Аллахха ийнаннган кишини, Аллах онгдурур ишин.
Ишге юренсин къоллары, халкъ бла болсун джоллары.
Тай асырагъан, атха минер.
Айтылгъан буйрукъ, сёгюлмез
Шайтан алдады, тюзлюк къаргъады.
Адеб этмеген, адеб кёрмез.
Иши джокъну, сыйы джокъ.
Аман киши кеси юйюнде – къонакъ.
Сабыр джетер муратха, сабырсыз къалыр уятха.
Нарт сёз – тилни бети.

Логин:
Пароль:
	Запомнить меня на этом компьютере

Забыли свой пароль?
Регистрация