Эльбрусоид :: Форум :: Архив форумов

Ашаса, ашамаса да, бёрюню ауузу – къан.
Таукелге нюр джауар.
Терек ауса, отунчу – кёб.
Бёрю да ач къалмасын, эчки да ашалмасын.
Ашхы атаны – джашы ашхы, ашхы ананы – къызы ашхы.
Сёз сёзню айтдырыр.
Къартха ушагъан джаш – акъыллы, джашха ушагъан къарт – тели.
Зар адам ашынгы ашар, кесинги сатар.
Кюлме джашха – келир башха.
Кесине гебен этелмеген, биреуге черен эте эди.
Аурууну келиую тынч, кетиую – къыйын.
Мал тутхан – май джалар.
Къумурсхала джыйылсала, пилни да джыгъадыла.
Къарнынг ауруса, ауузунгу тый
Ёзденликни джайгъан – джокълукъ.
Эл ауузу – элия.
Ачлыкъ отха секиртир.
Джаш болсун, къыз болсун, акъылы, саны тюз болсун.
Баш – акъыл ючюн, акъылман – халкъ ючюн.
Элиб деген, элге болушур.
Джашда акъыл джокъ, къартда къарыу джокъ.
Акъыл неден да кючлюдю.
Ётюрюкню къуйругъу – бир тутум.
Джети тилни билген джети кишиди.
Харам къарнашдан, халал тенг ашхы.
Башы джабылгъан челекге, кир тюшмез.
Адамны сабийин сюйген джюреги, бычакъча, джитиди.
Агъач халкъгъа алтынды, иссиликге салкъынды.
Малны кют, джерни тюрт.
Ушамагъан – джукъмаз.
Джарлыны эшигин махтагъан джабар.
Ким бла джюрюсенг, аны кёзю бла кёрюнюрсе.
Шекер бла туз – бир болмаз, ушамагъан – юй болмаз.
Ёлген ийнек сютлю болур.
Аманнга алтын чыдамаз.
Ёлюк кебинсиз къалмаз.
Къуру гыбыт бек дыгъырдар.
Кёзню ачылгъаны – иги, ауузну джабылгъаны – иги.
Къонакъ болсанг, ийнакъ бол.
Халкъны джырын джырласанг, халкъ санга эжиу этер.
Эр сокъур болсун, къатын тилсиз болсун.
Байлыкъ болгъан джерде, тынчлыкъ джокъду.
Чабакъсыз кёлге къармакъ салгъанлыкъгъа, чабакъ тутмазса.
Сагъышы джокъ – джукъучу, акъылы джокъ – къаугъачы.
Билим къая тешер.
Тилде сюек болмаса да, сюек сындырыр.
Айыбны суу бла джууалмазса.
Терслик кетер, тюзлюк джетер.
Билим насыб берир, билим джолну керир.
Адеби болмагъан къыз – тузсуз хант.

Логин:
Пароль:
	Запомнить меня на этом компьютере

Забыли свой пароль?
Регистрация