- Душманны тышы – акъ, ичи – къара.
- Биреуню къыйынлыгъы бла кесинге джол ишлеме.
- Шапа кёб болса, аш татымсыз болур.
- Намысы болмагъанны, сыйы болмаз.
- Рысхы – сют юсюнде кёмюк кибикди.
- Сууда джау джокъ, кёб сёзде магъана джокъ.
- Ачыкъ джюрекге джол – ачыкъ.
- Берекет берсин деген джерде, берекет болур.
- Онгсузну – джакъла, тенгликни – сакъла.
- Къазанны башы ачыкъ болса, итге уят керекди.
- Къайтырыкъ эшигинги, къаты уруб чыкъма.
- Иги болса, тамадама – махтау, аман болса, меннге – айыб.
- Арба аугъандан сора, джол кёргюзтюучю кёб болур.
- Къарнынг къанлынга кийирир.
- Джыгъылгъанны сырты джерден тоймаз.
- Ач къалгъандан, кеч къалгъан къолай.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сабийликде юретмесенг, уллу болса – тюзелмез.
- Аллахха ийнаннган кишини, Аллах онгдурур ишин.
- Аман хансны – урлугъу кёб.
- Мал кёб болса, джууукъ кёб болур.
- Бермеген къол, алмайды.
- Тюзню ётмеги тюзде къалса да, тас болмаз.
- Аман киши кеси юйюнде – къонакъ.
- Чабакъгъа акъыл, табагъа тюшсе келеди.
- Юй кюйдю да, кюйюз чыкъды, ортасындан тюйюш чыкъды.
- Джаралыны джастыгъында сау ёлюр.
- Сёз къанатсыз учар.
- Эки итни арасына сюек атма, эки адамны арасында сёз чыгъарма.
- Джаханимни кёрмей, джандетге кёл салмазса.
- Билим – акъылны чырагъы.
- Аш хазыр болса, иш харам болур.
- Ариу – кёзге, акъыл – джюрекге.
- Баланы адам этген анады.
- Тенгни тенглиги джашай барсанг билинир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сёз садакъдан кючлюдю.
- От кюйдюрген, сау болса да, тот кюйдюрген, сау болмаз.
- Аджашхан тёгерек айланыр.
- Тёрде – темир таякълы, къаяда – чыпчыкъ аякълы.
- Накъырда – кертини келечиси.
- Сыфатында болмагъаны, суратында болмаз.
- Этни бети бла шорпасы.
- Биреу ашаб къутулур, биреу джалаб тутулур.
- Аджашханны ызындагъы кёреди, джангылгъанны джанындагъы биледи.
- Аш берме да, къаш бер.
- Аман адамны тепсинге олтуртсанг, къызынгы тилер.
- Тенгинг джокъ эсе – изле, бар эсе – сакъла!
- Ашхы тенг джолгъа салыр, аман тенг джолдан тайдырыр.
- Джаз бир кюнню джатсанг, къыш талай кюнню абынырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72